بسم الله والحمد لله رب العالمين
وأما بعد ..............
أخواتي العزيزات
كل ما سأخبركم به هو من تجربتي الشخصية ومتل ما بقولو سأل مجرب ولا تسأل حكيم
أنا الحمد لله هلئ خلّصت بالسلامة
أول شي ومن بداية الحمل لازم تقوّي علاقتك بجنينك ...كيف؟ البعض يمكن يسأل
يعني تبدأي تحبيه وتحكي معو وتراقبي حركاته وتخبريه أديش بحبيه وإنك مش مصدّقة أيمتا يجي على الدنيا
يعني عيشي هيدي التجربة بكل الأشياء الحلوة اللي فيها وشكري الله دايما
ولا تفكري بالللولادة أبدا إلا لما تقرّب لازم تسألي وتحاولي تتعرفي عليهاوشو بيصير فيها وطبعا مش من النسوان يلي بيهولو وبيفزعو
صحيح الولادة صعبة بس إنت بمقدورك تسهليهالدرجة ما بتتخيلي
ولكل يلي قربت ولادتهن ما يلي:
1-لازم كل ما تحسي بالخوف من الولادة تتشجعي وتقوّي نفسك وتقولي لحالك إنك مش أول إمراة بتولد
وبتجيب هيدي سنة الحياة
وكتييررر مهم إنك تقولي كمان (أنا بحب طفلي كتييير وكرمالو أنا رح إتحمل شو ما كانوأنا لما شوفو رح إنسى كل وجعي وألمي )

والله يا أخوات ما بتصدقو بس عن جد إذا بتقولو هيك مش مجرد قول وإنما فكرو فيه عن جد كتيير بيسهل
(أنا كنت هيك فكّر وكنت أتخيل إنو لما بدون يحطووو على صدري وكنت قول إني بدي كون أسعد إنسانة وبدي إنسى وجعي ) وفعلا هيدى اللي صارمجرد أنا شفت ابني دغري صرت قول ياللله والحمد لله و راحت عني كل الأللام والأوجاع
لا تستغربو هيدى إلو علاقة بالنفسية والعقل الباطن ومزبزط 100%
يعني متل ما بتوعدي نفسك
2- الأمر الثاني هو إنك أنت بتتحكمي بالطلاقات لما بتجي الطلقة حاولي الأستفادة منها وذلك بالشد ( طبعا لما بتصرخ المرأة بتروح الطلقة على الفاضي دون أي توسع بالرحم)
3- المشي بالشهر التاسع كتيير بيساعد
4- المغطس الساخن رووووووووووووووعة بخفف ألم الطلق وبيعجل الولادة(طبعا قبل الولادة ووقت الولادة)
5- الجماع بالشهر التاسع بيسههل كتتير
أنا ما بدي قول إنو الولادة سهلى وإكذب عليكن لأنو هيك بعدين بتنصدموبالألم والوجع وبتصير أصعب
أنا لي بدي قول إنو الولادة صعبة عن جد بس لما بتعرفو أديش صعبة وبتقولو لأنفسكن أنكن بدكن تتحملو وتكونو متحملين فعلا هيدا كتييييييييييييييييييير بيسهل

إحكيكون بصراحة بولادتي أنا سهّلتا
لما رحت على المستشفى قالتلي الدكتورة بدك 8 ساعات بعد
أنا جنيت وخفت كتتير وقلت لزجي أنا أكيد رح موت من الوجع بس بعديت تذكرت إنو لازم فكر بشكل إيجابي و استفيد من الطلاقات
وطبعا التوسل بالله والدعاء والتوكل على الله والحمد لله فاجئت الدكتورة وهي بعدها مش مجهزة الغرفة لانو خلال 3 ساعات(ما شاء الله والحمد لله) كتت والدة

إذا بإيجاز التفكير الإيجابي هو أفضل شيء لا تصعبوها على حالكن
الله يخلصكم بالسلامة وبتحكولنا عن تجربتكن بعدين إن شاء الله

شكرا كتييير
الحمد لله على سلامتك ما شاء الله حكيك مزبوط انا بالتامن يعني قربت
الله يسهل على الجميع ان شاء الله اكون هيك وافكر ايجابي بس المشكلة انا مش هيك مع اني بحاول

مشكورة حبيبتي
و الحمد على سلامتك و سلامة البيبي

مشكورة عيوني و حمدا لله على سلامتك
و صحيح كلامك التفكير الايجابي ما في متله
يسلموا

الحمد لله على سلامتك

والف مبروك على البيبي الجديد

في الخارج بيعلموا الامهات الحوامل كل الكلام اللي قلتيه ويدربوهم على الولادة بالتفكير الايجابي

بس للاسف احنا ما بيصير عندنا مثل هذا الكلام

واغلب البكريات تدخل غرفة الولادة وهي مو عارفة ايش راح يصير لها وممكن تكون مو عارفة ايش هي الولادة اصلا ولا مراحلها

فتتعب وتتعب الموجودين حولها


الله المستعان

دمتي بكل الود

الأمر الثاني هو إنك أنت بتتحكمي بالطلاقات لما بتجي الطلقة حاولي الأستفادة منها وذلك بالشد
ممكن تفهمني معنى الجملة لو تكرمت انا فالتاسع و باقيلي اسبوع او اثنين على الاكثر و هادي اول ولادة ليا

جزاك الله خير يالغاليه

جزاك الله خيرا فعلا هونها تهونها صعبيها تصعب أحسن شيء حسن الظن بالله

مشكوووووووورة كتير على نصائحك الرائعة
والحمدلله على سلامتك

::الله يجزاك خير::


::اموت على التفكير الايجابي::::



:::بصراحه اعجبتني طريقتك مرة::::


::احب التفاؤل:::


:::شكر لك:::