يابنات الله يخليكم
ابي اعرف وش اشتري من العطار
يعني وش محتويات قهوه النفاس ومتى اشربها؟
وش محتويات شاي النفاس الي اشربه
ومتى وكم مره باليوم ولاعادي طول اليوم..؟
بس لاتقولون لي حلبه استحاله اشربها..
متى الرشاد اقدر استخدمه بالعشرين الاولى ولا الاخيره ؟
وقشر الرمان اخلطه مع العسل؟؟
ومتى اخذه على الريق واي ايام العشرين الاولى ولا الاخيره..؟
هل استخدم غسول مع اني اولد قيصري؟؟
واذا تنصحوني بغسول علموني وشو الغسول عباره عن ايش..؟
والمر متى يستخدم؟؟ وهل يستخدم والوحده تاخذ مضاد حيوي بعد الولاده مو يقولون مايصلح..
وورق الزعتر وش فايدته ومتى يستخدم وهل يعتبر من ظمن خلطه شاي النفاس..؟؟؟
من كثر ماقريت بهالادويه احتاس راسي
وماعاد اعرف..
واذا ممكن يبنات تعلموني كيف اسوي العصيده
ووش فايدتها
وابي طريقه المراصيع الي بالسمن والعسل
بس طريقه سهله عشان اعلم شغالتي عليها؟؟
ياكثر طلباتي بس والله يابنات بحتاس
نفاسي فبيتي وامي بتكون مسافره وولادتي بتكون قيصري وشغالتي جديده ماتعرف شي
وعيالي بتورط فيهم..
وخواتي بعيدات وجيراني جديده انا عليهم
يعني شغله من جد..
ابي نظام مرتب وخفيف
من افتح عيوني لحد ما انام يكون سهل والاشياء الي ممكن الوحده تستغنى عنها احذفوها
......
الروابط المفضلة