إستفسار عن ألم الظهر في الشهر السادس

**hiban** · 10-05-2008, 01:43 AM

أنا الحين خلصت الأسبوع الأول من الشهر السادس لكن أحس بألم خاصة في أسفل الظهر وألم أسفل البطن على الجانبين شوي فهل هذا شي طبيعي في هذه الفترة

وبعد بعض الأحيان إذا جلست من النوم أحس أن على جانبي البطن يألمني خفيف وأخاف أني نمت على جزء من بطني وأنا ماأدري فهل أحد صار له مثلي أفيدوني فأنا بكرية

**hiban** · 10-05-2008, 05:02 AM

11 وحدة دخلت موضوعي ولا في رد واحد على الأقل
بس قولو لي عادي أو لا لأنه أول حمل لي بعد 7 سنوات

**دعوه شخصيه** · 10-05-2008, 05:25 AM

ان شاء الله خير بس اختي يمكن معك التهابات
لان الم الظهر دايما تكون التهابات ..
وعموما وجع الظهر شي عادي في الحمل خصوصا بديتي بمرحله الثقل..
والام الجوانب تجي مع النوم والثقل ..انا الحين والله يوم اقوم من النوم احس ظهري كله متشجنج..
اتمنى اكون افدتك ..
او وحده من البنات بفيدونك..
عموما ارفعي الموضوع عشان البنات الحين تلقينهم نايمين عشان كذا مافيه تفاعل..

**hiban** · 10-05-2008, 05:41 AM

مشكورة أختي
وننتظر باقي الردود

**hiban** · 10-05-2008, 07:14 AM

للرفع

**شادن وبس** · 10-05-2008, 09:02 AM

هلا اختي
عادي حبيبتي الالام الظهر من الحمل والثقل الله يعين
انا من يوم احمل وظهري كانه منكسروخاصه اذا انسدحت وجيت اقوم
ولكن الي جديد علي بالحمل هذا اني اذا نمت اقوم من النوم وجنبي الي نايمه عليه يوجعني مره
ورجليني يجيها شد عضلي عاد بعضهم يقول من نقص الكالسيوم وان شاء الله اذا رحت الطبيب
راح اساله واشوف وش يقولي لان اول كان يجيني على خفيف ولا اهتميت بس الحين ما صرت انام زين كله بسببه

معليش طولت بالسالفه بس حبيت اقول لك الي اعرفه

الله يطمن قلبك ويتمم عليك وعلينا يارب

**nono caty** · 10-05-2008, 11:35 AM

هلا اختي..

الم الظهر عادي جداً بالحمل الا اذا كان شديد لا يحتمل فيستوجب زيارة الطبيب..

والم الظهر سببة الحمل لأن كبر الرحم يقوس الظهر قليلًا فيسبب هذه الأوجاع

وايضاً الم الجانبين عااااادي بسبب ضغط الرحم على أربطة الحوض فتحسي بالألم

وبالنسبة للنوم مافي أي مشكلة انك تنامي في أي وضع يريحك عشان راحة البيبي من راحتك انتي

وربنا يخلهولك اختي ويتمملك على خير ..

**ضيائي** · 10-05-2008, 11:41 AM

كتبت بواسطة hiban

أنا الحين خلصت الأسبوع الأول من الشهر السادس لكن أحس بألم خاصة في أسفل الظهر وألم أسفل البطن على الجانبين شوي فهل هذا شي طبيعي في هذه الفترة

وبعد بعض الأحيان إذا جلست من النوم أحس أن على جانبي البطن يألمني خفيف وأخاف أني نمت على جزء من بطني وأنا ماأدري فهل أحد صار له مثلي أفيدوني فأنا بكرية

انا معاج بالحمل وبنفس الفتره واحس بنفس الاعراض ورحت الطبيبه وقالت لي كل شي طبيعي وهالاآلام طبيعيه ناتجه عن توسع الحوض وكبر حجم الرحم

**hiban** · 10-05-2008, 12:09 PM

شكرا شكرا حبيباتي
أنا اليوم رحت الطبيبة وطلع عندي صديد في البول وعطتني مضاد حيوي وبتسوي لي مزرعة بول
يمكن الألم من الإلتهاب بعد إن شاء الله يتمم لي بخير ولكل الحوامل ويرزق كل محرومة يارب
ضيائي
حلو أنه يكون أحد معاكي في نفس فترة الحمل يالله علشان نتابع أخبار بعض