السلام عليكم و رحمة الله تعالى و بركاته
اليوم يا بنات يا امهات يا امورات بخبرهم شي للحين انا ما صدقته
البارح طال عمركم رحت للطبيبه كما العاده عشان تعطيني ابره الثتبيت
للحين حلو صح
المهم اول ما دخلت الحجره احصل الممرضه بروحها قالت ترى الدكتوره تقول اعطيج هذي ابره لين تخلص العمليه و تسوي لج فحص قلت لها اوكٍ و اخدت الابره كما العاده و جلست انتظرها
للحين بعده حلو
انتظرت 10 دقايق
15 دقيقه
نص ساعه
ساعه الا ربع
واخر شي طفح الكيل و قلت للممرضه وينها تراني مليت من الانتظار قالت اوكٍ انا بتصل فيها
اتصلت في الطبيبه و قالت لها انها بتسوي عمليه مستعجله لمريضه و هي طرشت دكتوره تانيه تسوي لي الفحص عشان اشوف البيبي ودقات قلبه
للحين احلى من الحلاوه
وصلت الدكتوره سلمت عليها و تقول الدكتوره ليلى ارسلتني عشان اشوف البيبي و هي تسوي عمليه قيصريه لمريضه عندها (الله يرزق المريضه كل خير )
المهم قامت الطبيبه تسوي لي الفصح بالسونار عادي
وليش ما تسالني انتي اكيده انج حامل
قلت لها ايه
< على نياتها
قالت وين البيبي طيب
قلت لها كيف وين البيبي شو دراني
تقول انتي مب حامل و انا اكيده بطنج مافيها شي ممكن الطبيبه غلطانه
قلت لها تلات شهور ما تييني دوره و اخد دوا و سويت تحاليل دم و طلع عندي حامل و انتي تقولين مب حامل
تقول اي مب حامل
اقول لها الله هداج تراني حامل تقول وين البيبي ابي اشوفه او اسمع دقات قلبه وينه
اتخيلو ما قدرت ارد للبيت و ما قدرت اسوق علما انه ول مره من يوم اتزوجت اطلع بروحي
قلت شو بقول حق العالم انا مب حامل و الكل عارف اني حامل
رحت لطبيبه تاني في نفس الوقت قلت لها اللي صار قالت انتي توج مسويه سونار و ان شاء الله عقب اربع ايام تعالي عندي و اسوي لج و انتي كملي دواج حامل او مب حامل ما بياثر عليج
يعني في نظركم ممكن اكون من حامل
والله صرت مثل المينونه وربي ما قدرت لا انام و لا اسوي شي
وزوجي و اهله يسالوني شو سويتي شو قالت لج الطبيبه اقول لهم ولا شي ما حصلتها بس الممرضه عطتني ابره و قالت الاسبوع الياي
ما قدرت اخبرهم شي
يعني ممكن كل هالفرحه و هالانتظار للحمل و كل الفحوصات و التحاليل يطلع مب حمل و المصيبه انه انا من قبل عندي عدم انتضام الدوره و كانت تغيب علي
و هذ1 زاد فيني الشك
والله حاولت ما اكتب الموضوع و اتناسا مع مواضيع الاخوات بس صج ما قدرت اتناسا
اتخيل عمري مب حامل
شو اسوي بس
دعواتكم بنات و ان شاء الله اي شي من عند الله الله يحييه و هلا و غلا فيه
ما عندي شي تاني اقوله
الحمد لله
الروابط المفضلة