انا عضو جديد وابي منكم خدمه بسيطه اللي تعرف تحسب اشهر الحمل بدقه تحسبلي لاني محتاره الدكتوره حسابها يختلف عني بثلاث اسابيع تقريبا هذا كلام السونار وانا خايفه يستعجلون علي وحطون لي طلق صناعي انا تاريخ دورتي بدت بتاريخ 20 -7 بلهجري يوافق بدايه شهر اغسطس بس كنت امانع يعني ماب حمل لين قرب موعد الدوره الشهر اللي بعده قبل الدوره بيومين تركت المانع تقريبا تاريخ 1 سبتمر اتوقع صار الحمل يعني على نهايه الدوره وحساباتي الحين دخلت التاسع صار لي 6 ايام تقريبا اما الدكتوره تقول باقي اسبوع واكمل التاسع وادخل العاشر شرايكم امشي على كلامها ولا اللي تعرف تساعدني الله يخليكم وشكرا

الله يكتب لج اللي فيه الخير حبيبتي .. انت مو متأكده من تاريخ الحمل وهني المشكله ... وعالاغلب الدكاتره ياخذون بتاريخ السونار اتوقع ... الا اذا كنت متاكده من تاريخج ... يلا ثلاث اسابيع ماراح تاثر ... وتوكلي على الله وماراح يصير الا اللي فيه الخير ... قولي آمين

حبيبتي انتي الى 5 الشهر القااادم طبعا بلهجررري بيكون دخلتي العاااشر


وبعضهم ابيحسبووون بس عشر ايااام يعني لو دكتورتك حاااسبه كذااا انتي كم يوووم وتدخلين العاااشر

لكن ترى حتى لو كملتي 40 اسبوووع عااادي معااكي برضوااا عشر اياام تنتظري فيهاااا مافي ضرر على الجنين

اذا كانت امورك بخيرررر

لكن اكيد دكتورتك اهي ادرى بوضعك الله يسهل عليكي حبيبتي الطلق والولالالادة وتقومين بسلااامه يااارب العالمين

امشي على كلام الدكتوره وان كنتي بالتاسع ربي ان شاء الله ييسر أمرك ويجيك طلق طبيعي يارب

انتي بس عليك بالمشي الحين دامك بالتاسع وانا اقول لك جربي دكتوره ثانيه .. مع ان الدكتورات اكثر حسابهم بالسونار

وانا والله اذكر حسبتلي بالتاريخ والله أعلم

يعني حساب السونار يكون ادق من حساباتنا بس المشكله اهي قالت اسبوع الجاي بتحولني على مستشفى الولاده لو ماولدت وانا خايفه استعجل برايكم اسمع كلامها ولا انتظر

ربي يهون عليك ويريح بالك
بليز لاتنسيني وقفت طلقك ادعي لي بالولد الصالح

أتوقع إنه حسبة السونار أدق

وإذا كنتي مو متطمنة إخذي راي دكتورة ثانية

وربي يكتب لك اللي فيه الخير

مومعقوله السونار بيغلط خليكي على كلام الدكتوره احسن لك

اشكر كم اخواتي لتجاوبكم معاي بكره عندي موعد الله يستر ادعولي واللي عندها طرق عشان الطلق تفيدني

دعواتنا معاج الله يسهل عليج يااااااااااااااااارب