السلام عليكم اخواتي
انا خايفة اكون ثقيلة عليكم لكن معنديش حد غيركم اشتكي له واخد رايه
انتم طبعا عارفين قصتي مع ابني واللي حصل له والحمد لله اللهم لا اعتراض
والحمد لله ربناعوضني خير ورزقني بالحمل ان شاء الله يكون سليم يارب
لكن المشكلة اني دايما افتكر ابني واللي حصل لنا الفترة دي وتدور الاحداث كانها شريط قدام عيني وانا طبعا لما بفتكر حالتي النفسية بتبقي زي الزفت وببقي متضايقة ولما بحب افضفض لحد يفضلو يحسسوني بالذنب لمجرد اني بفتكر
انا خايفة من ان الحالة النفسية السيئة تاثر علي البيبي اللي في بطني تاثير سلبي ياريت يا اخوتي تقولولي اعمل اية عشان اتخلص من الحالة دي
انا بحمد ربنا علي السراء والضراء لكن غصب عني دة ابني وعاش في حضني شهرين ورضع مني عاش في قلبي وفي حضني
يمكن لما البيبي التاني يتحرك في بطني اتشغل بية قولولي اعمل اية
واسفة طولت عليكم
واكيد انتم هتسموني ام انوس النكدية بس والله غصب عني
يارب لك الحمد كما ينبغي لجلال وجهك وعظيم سلطانك
الحمد لله علي السراء والضراء
الحمد لله الحمد لله
الروابط المفضلة