تجربتى مع الرحم الميل للخلف (المقلوب) و الحمل ....للاستفادة

**ريناملاك** · 13-03-2008, 04:04 PM

صباح الخير للعندهم صبح و مساء الخير للعندهم مساء

طبعا من الاقوال الشائعةو المشهورة جدا ان الرحم المئل يمنع الحمل لكن هذا ليس صحيح بتاتا و عندى الدليل

انا فى حملى الاول لم تقل لى الطبيبة ان الرحم مائل ربما كان غير مائل فكنت بعمل زى كل الناس سورى يعنى بعد الجماع اضع مخدة تحت المؤخرة

بعد الولادة السابقة و فى كشف نسا للتاكد من سلامة الرحم و امكانية الحمل خاصة انى والدة قيصرية
اخبرتنى طبيبة اخرى ان الرحم .....مقلوب و قالت لى عادى 20% من السيدات رحمهم مقلوب

طبعا انصدمت و زعلت لانى ماكنتش فاهمة يعنى اية مقلوب و خاصة ان التعبير صعب
و قولت خلاص العملية بوظت لى الرحم و مش هخلف خالص

و بعدين قريت عالنت يعنى اية رحم مقلوب
و باختصار هو ميل الرحم للخلف بدلا من ميلة للامام و معنى ميل الرحم للخلف ان عنق الرحم مائل جهة البطن
طالما الرحم مائل للخلف يبقى عنق الرحم مائل للامام

و لو فكرنا تفكير منطقى شوية هنلاقى انة طالما عنق الرحم مائل لفوق مش تحت يبقى الحمل هيحصل ازاى؟؟؟؟

دة بقى المهم و المفيد

قرات مرة ان انسب وسيلة للحمل مع الرحم المقلوب هى سورى الجماع فى وضع السجود و ان الزوجة تكون كانها ساجدة و الزوج من خلفها ( سامحونى عالتعبيرات لكن ربنا يعلم انى لم اكتبها الا للمصلحة العامة)

عرضت الموضوع على زوجى ( خليتة يقراه من عالنت ) و جربنا الوضع دة و قولنا مش هنخسر حاجة

و فعلا لاحظنا عدم خروج السائل كما كان يحدث فى السابق
و اكرمنا الله بالحمل هذا الشهر

و طبعا كل شىء بيد الله اولا و اخرا

لعل موضوعى يكون سبب حمل لكثيرين

اتمنى اللى تستفيد من الموضوع دة تدعى لى بالذرية الصالحة و العوض عن ولدى بولدين ( طماعة مش كدة

لكن طمعانة فى كرم ربنا )

يارب كل السيدات اللى نفسهم فى عيال تبقى حوامل عاجلا غير اجلا

اختكم
ريناملاك