خـ ـ ـ ـ ــــــ ــ ــ ــايــ ـ ــ ـــفــ ـــ ـــ ـه
احس ان الوقت قرب وبدا العد التنازلي
خايفه كثير وماني عارفه ايش اللي راح اشوفه او احس فيه
اعرف ان كثير منكم بيقولون تساهيل من رب العالمين وهذا الشي مافيه شك
بس ابي اعرف ايش اللي بواجهه عشان يصير عندي فكره مو انصدم
كيف اعرف الم الطلق ؟
خاصه اني ادرس بالجامعه وجامعاتنا مايطلعون الطالبات بسهوله يعني لازم يجي محرم ياخذني واوراق اعبيها وسالفه خايفه تجيني الولاده وانا هناك وانا مو عارفه هل هذا طلق ولا الم عادي
الشي الثاني
مويه الراس
متى تطلع قبل الطلق او بعده
انا ماعندي ادنى فكره واخاف ماااعرف اتصرف
( اتوقع ان فيه بنات معنا بالمنتدى يمرون ويحسون نفس احساسي وودهم يعرفون مثلي مثلهم)
الولاده وغرفه الولاده
امس كنت بالمستشفى والدكتوره طلبت اسوي تخطيط قلب لان نبضاتي سريعه من 95 الى 120
وقعدت افكر كم شخص بيكون معاي بغرفه الولاده ؟؟؟
ودخلت غرفه التخطيط
الانوار قويه كثييييييييييير وبيضاء وفيه كشاف كبير مره كنها غرفه ولاده وجاني رعب وخوف وبديت اسمي وهي غرفه تخطيط طيب لو ادخل غرفه ولاده ايش راح اسوي
الخياطه
انا اسمع كثير انها تألم وتجلس من اسبوع الا اسبوعين طيب ايش اسوي عشان مااحس بهذا الالم
ابره الظهر
انا افكر اخذها وسالت عنها دكتورتي اللي اراجع عنها ب مو هي اللي راح تولدني لاني بولد بمستشفى ثاني قالت لي بالحرف الواحد انا انصح فيها البكريات
ايش رايكم؟؟
( والله والله اني اعتبركم خواتي واكثر وفيه بنات عارفين معزتهم وغلاتهم عندي بالمنتدى والموضوع ماكتبته وفضفضة فيه الى لاني مرتاحه لكم وابي احيكلكم عن اللي يدور براسي وابي اهتمامكم)
الف شكر لانكم عطيتوا الموضوع من وقتكم
والف شكر مقدما لكل اللي ردوا
الروابط المفضلة