السلام عليكم ورحمه الله وبركاته
كنت عاوزة اسالكم
انا حضرت الشنطه الى هتخدها معى المستشفى يوم الولادة باذن الله
وكنت عاوزة اسال
لو الولادة طبيعى اخد كام غيار للبيبى ولى
ولو قيصرى كام برضه
وهل وقت الولادة المفروض انا بارتدى ايه
جلباب ولا هما بيعطونى جاون من عندهم
ولو حد ليه عن تجربه انها احتاجت حاجه معينه ياريت تقول انا عليها
انا وضعت ملابس بيبى ولى وفوطه وسليبر_اعزكم الله_
وفوط صحيه وبامبرز وصابونه ومناديل ومشط

ma3endy ai ma3lwma lesa ma jarabt elwelada wala tajhezatha

enshallah elbanaat yefedoki aktar meny

حبيبي ابحثي فالمنتدى في مواضيع كثيره تتحدث عن تجهيز حقيبة البيبي وبالصور ولن تحتاري

حبيبتي هناك موضوع تجمع للأخوات المصريات عملته اختنا ازميرالدا ام ياسين وهو موضوع غني ومتجدد وبه مناقشات كثيرة وكلنا استفدنا منه.. سأنزل لك الرابط هنا وادخليه واقرأي المشاركات او اكتبي تساؤلك والكل سيفيدوكي ان شاء الله
هذا هو الرابط:

http://www.lakii.com/vb/showthread.p...%C8%ED&page=22

وهذا موضوع آخر ممكن ان يفيدك ايضا:

http://www.lakii.com/vb/showthread.p...E1%C8%ED%C8%ED

الله يسهللك الأيام الباقية من الحمل ويرزقك بالولادة السهلة آآآآآآآمين يا رب العالمين

ما شاء الله مهندسه ما قصرت

السلام عليكم
ان شاء الله تقومى بالسلامه
بس لازم يكون عندك كتاب بيتكلم عن الحمل والولاده وايه اللى بتاخديه للمستشفى وكمان ازاى تتعاملى مع البيبى من اول يوم لغايه سنتين ومراحل نموه وتطور مهاراته علشان تعرفى ان نموه طبيعى ان شاء الله واهم المشاكل والامراض - لا سمح الله - وحالات الطوارئ وازاى تتعاملى معاها
انا معاكى ان البنات فى المنتدى مش حيقصروا بس افرضى فى وقت متأخر جدا" بالليل احتجتى مشوره مستعجله
فى بنات حيكونوا صاحيين ويردوا عليكى ويفيدوكى بس افرضى اختلفت الآراء حتتصرفى ازاى وتعرفى الصح ازاى
فى كتب متخصصه عن نفسى فادتنى فى كل حاجه حتى ايه الفيتامينات اللى محتاجلها البيبى واذا حصل نقص ايه اللى بيحصل
اقولك بقى ايه اللى ممكن تحتاجيه وانتى فى المستشفى

أولا" حاجه البيبى

ملابس للبيبى كفايه ( 2 داخلى - 2 خروج - لفه للمستشفى : هما بيدوكى بس يمكن يحتاج اكتر حسب الجو - لفه تقيله للخروج من المستشفى احنا فى الشتاء خلى بالك - لكلوك او شرابات - جوانتى او بيتباع مع بعض الاطقم - طاقيه للبيبى - بامبرز مقاس حديث الولاده - wet wips مناديل رطبه لتنظيف البيبى زى جونسون او بامبرز - بيبرونه بملعقه مش حلمه )

ثانيا" ليكى

ملابس قطن بيجامات او حسب راحتك عدد 2 او 3
ملابس داخليه كفايه
روب تقيل
شرابات علشان اللى لسه والده بتحس ببروده فى القدمين
شامبو وبلسم - فورشه ومعجون اسنان - فورشه شعر او مشط - بارفيوم بتحبيه يكون خفيف - كلينكس - بسكويت وكراكرز وعصاير كفايه
اوعى تنسى تشترى من دلوقتى حزام البطن بس تلبسيه لما ترجعى البيت
ده اللى انا فاكراه واللى اخدته معايا للمستشفى
ايوه افتكرت اهم حاجه مصحف شريف - لقبل الولاده طبعا" - وادعيه تسهيل الولاده وورقه اكتبى فيها الادعيه اللى حتدعيها ليكم ولمعارفك ومفكره وقلم
الورقه دى مهمه جدا" علشان متنسيش حد لحظه الولاده
ربنا يسهلك وتقومى على خير انتى والبيبى ربنا يبارك لك فيه ويكون قره عين ليكى انتى وابوه

شكرا لكم كلكم
جزاكم الله خيرا