السلام عليكم ورحمة اللة وبركاتة....كيف الحال عزيزاتى ...بصراحة انا مخنوقة كتير وخايفة اوى ...وكل شوية دموع ....اعصابى تعبانة ...بايت عصبية اوى ...نفسى حد يساعدنى ...يطمنى ...يقولى اية الى حصل معايا دة...انا اتجوزت من 6 شهور ..حملت من تانى شهر والحمد للة ...فى نهاية الشهر الرابع نزل عليا دم لونة بنى وفية مخاط ودة بعد ما ما حصل جماع مع جوزى...رحت للدكتور عمل سونار قاللى انة ما فيش حاجة البيبى كويس والمشيمة عالية والدم مش عارف من اية وقال انة ممكن يكون احتقان فى المهبل نتيجة للجماع , ما فيش اسبوع حسيت بتقلصات جامدة اوى وجع فى بطنى وظهرى كان الدورة جاية ..وبعد كدة طلق جامد اوى كنت بصرخ كانى باولد ...رحت المستشفى تانى يوم الصبح وعملت سونار وكانت الكارثة الرحم مفتوح والبيبى معدول والدكتور قال خلاص دة سقوط...الحمد للة ...فضلت فى المستشفى 4 ايام لحد ما اجهضت ...وانا باعمل عملية تنظيف للرحم الدكتور قال ان خلال عملية التنظيف لاحظ ان الرحم على شكل قلب.. تصوروا ... وان البيبى لما بدا يكبر الجزء الى فى الوسط ظغط علية والرحم فتح ...وقال ان الحل اننا نعمل عملية ربط فى الحمل التانى ان شاء اللة..بجد انا خايفة اوى ...كل يوم كوابيس... دموع...مش عارفة خايفة ان الموضوع دة ما يكملش حمل معايا...لدرجة انى خايفة احمل تانى...حتى جوزى لاحظ دة...المهم انا انا عرفت ان الجزء دة عبارة عن حاجز صغير فى وسط الرحم ...واتصلت بية اسالة ممكن يتشال بالجراحة قاللى لا مش محتاج احنا هنعمل عملية ربط بس...بجد محتاجة دعواتكم انا خايفة اوى ...يا ترى حد حصل معاة الشئ الغريب دة ...يا ريت ياجماعة حد يرد عليا ...بجد من كتر الخوف انا مش عارفة انام ... معلش طولت عليكم اعذرونى
الروابط المفضلة