ازايكم يا احلي بنات في الدنياملحوظة
بعد ما سلمي قالت لكم الخبر الجميل بتاع حملي وام سهيل جزاها الله خيرا نقلتة لملتقي الاخاء والترحيب
انا جاية عشان احكيلكم قصة حملي يمكن تكون فيها فائدة لاي واحدة مرت بالظروف دي
انا بعد ما دوشتكم طبعا بتاخير الدورة عن ميعادها وبعد ما عملت تحليل الدم وطلع سلبي سالت ناس كتير اعمل اية عشان الدورة تنزل لانها تعباني فية منهم قالولي عليكي بالقرفة وناس قالولي الجنزبيل بيني وبينكم انا خفت اشرب أي حاجة من دي حتي بعد ما عملت التحليل التاني وطلع سلبي هو كمان كلمت الدكتور واعطاني حقنة المفروض انها لو دورة تخليها تنزل ولو جنين يثبت واخدتها ومفيش دورة ومش ظاهر حمل حتي في الاشعة
المهم اعطاني حقن تاني بس الحمد لله مبضرش لو حالة حمل
انا لما كنت بسال واحد قالتلي ان فية حقنة بتتاخد بتعمل انقباضات في الرحم وتنزل اللي فية يعني بتعمل اجهاض ربنا يحفظنا
انا والحمد لله مسمعتش كلام حد غير الدكتور المهم لما كلمت الدكتور تاني قاللي بصي روحي بعد خمس ايام اعملي تحليل تاني يمكن ؟ ولو مفيش هنقدر نتصرف بس من غير تهور
والمفاجاة لما رحت حللت انا كنت راحة تحصيل حاصل يعني راحة ومعنديش سنة امل اني اكون حامل بس سبحان الله الدكتورة قالتلي مبروك مقولكمش انا حسيت ان الدنيا بتلف بيا وخلاص هقع من طولي لولا جوزي سندني وفضلت اعيط لحد ما روحت
وبعدين روحت للدكتور وسمعت نبضة وكان حجم الكيس 7 اسابيع ودلوقتي الحمد لله اتاكدت ان ميعاد الحمل ماشي مع تاخير الدورة حصل دة كلة ازاي دي حكمة ربنا عز وجل
والحمد لله رب العالمين
انا بقي بقول لكل واحدة دورتها اتاخرت اصبري ومتسمعيش غير كلام الدكتور ومتصدقيش أي حد يقولك حاجة ومتتسرعش في قرارها خاصة في النقطة دي
وربنا يرزق كل المشتاقات ويثبت حملنا جميعا ويرزقنا بالذرية الصالحة السليمة المعافا
يارب احفظ جنيني من كل سوء
اعذروني لو تاخرت في الرد بسبب عطل في النت
الروابط المفضلة