السلام عليكم و رحمة الله و بركاته ...

باقول لكم قصتي باختصار.. انا الدكتورة قالت لي لازم اسوي اشعة الصبغة لأني صار لي 3 اشهر اخذ كلوميد مع دفاستون بدون فايدة و الحمد لله على كل حال
المهم كان موعدي عشان الاشعة و هذي اول مرة لي ... انتظرت و انتظرت و انتظرت تقريبا 2 ساعة عشان يجي دور ي و لما دخلت و بدأت العملية حسيت بألم فظيع و كل ما كنت ابي اتحمل ما اقدر لدرجة اني قمت اصارخ و الدكتورة اللي هنالك تحاول تهدئني و شوي الا تقول لي الدكتورة انه ما في فايدة ما تقدر تصور لأنه في التهابات داخل مع العلم ان دكتورتي عطتني تحاميل و كريم عشان الالتهابات بس الظاهر انها ما راحت فالحين موعدي تأجل للدورة الجاية

فيا اخواتي من صار معاها جذي تخبرني و ترفع من عنوياتي و هل الالم اللي صار لي من الالتهابات و لا هذي طبيعة الاشعة ؟؟

ادعوا لي يا اخواتي بالذرية الصالحة و ان الالتهابات تخف و احمل ان شاء الله قريب بعد ما اسوي اشعة الصبغة للمرة الثانية

انتي تحسي بالاتهابات والا ماكنتي تدرين ان عندك التهابات
في بنات يقولوا تعور وفي بنات يقولوا لا بس خذي مسكن او ابره

حبيبتي
انا عملتها وهي متل الفحص النسائي الداخلي
انتي توكلي على الله حبيبتي ما تخافي
الله يرزقك الذرية الصالحة
اللهم امين

الله يرزقك الذرية الصالحة
اللهم امين

ربنا يرزقك الدرية الصالحة ان شاء الله

هي الصبغة فيها ألم بسيط الله يهون عليكي
توكلي على الله و لا تخافي
الله يرزقك الذرية الصالحة يا رب

انا عملتها قبل كدة و كانت مؤلمه جدا و اتعذبت فيها قوي..
ربنا يعينك..

بس الدكتورة قالتلي انها لما تؤلمك ده معناه انه ان شاء الله انت سليمه و الانابيب كويسه و فعلا طلعت النتيجه كويسه..
و بعدين الاحساس بالالم بيختلف من انسان للثاني..

شكرا لكم اخواتي على الردود
بالنسبة لي انا كنت ادري ان عندي التهابات من داخل و بره و انتوا بكرامة و قلت لدكتورتي قبل ما تعطيني موعد للاشعة فقالت لي اخذ تحاميل مهبلية و كريم خارجي و اخذته و خف الالم يعني كان فيه الم وايد بس الحين را و انا انصدمت لما قالت لي الدكتورة اللي سوت لي الصبغة ان للحين فيه التهابات بس قالت مو وايد
و بالنسبة للألم بصراحة مو محتمل يمكن لاني عندي التهابات و ان شاء الله لما تروح بصير ريلاكس اكثر

ادعوا لي يا حبيباتي بالذرية الصالحة قريبا ان شاء الله

الم بسيط الله يسرها لك بس للي تتحمل اما الخواف بتتعب و تبكي مثلي اما الاتهاب ما ادري عنة لاني لما سويتها ما كان فيني التهابات