كتبت بواسطة
تردد
معلش انا حكايتى اتلخبطت وكتبتها جوه موضوع تحليل الحمل المنزلى
لمن يهمه الامر اوال عاوز يعرفنى اكتر يخش جوه موضوع تحليل الحمل المنزلى فااخر الردود انا اسفه
اسفه اختي لكني نقلت الموضوع هنا في مكانه الصحيح لكي يتسنى من الكل الدخول والقراءه
ااحكلكم بقى حكايتى وكويس انها فى وسط الموضوع عشان تبقى مداريه اصلى بتكسف من خيبتى
بسم الله الرحمن الرحيم انا متجوزه بقالى سنه و4شهور جواز تقليدى قوى اتخطبت 5 شهوروبصراحه هدفى من الجواز الاول والاخير هوه الخلفه وبعد دعاء لربنا انه يبعتلى الزوج الصالح وبعتهولى فعلا بس الطريقه كانت محرجه عن طريق مامت صحبتى اوالى كانت صحبتى المهم قلت ربنا هيعوضنى بالعيال ولوحدى وانا بنت كنت بدعى والله لآى حد اتاخر فالخلفه المهم بعد الجوازبدورتين حملت بس كان عندى دوره مع الحمل وطبعا واحده من غير خبره معرفتش انه حمل واستغربت انى احمل تانى يوم من انتهاء الدوره لان جوزى كان مسافر بعد انتهاء الدوره بيومين وكنت فىوقت سفره عروسه بقى وعرسها سافر كنت بخرج واتنطط وكنت بروح مقرءه مش متوقعه حاجه المهم جت الدوره تقيله وفين بقى اما عرفت انه حمل وعلى مرحت للدكتور وتحاليل ومفيش حد بينصحنى بالراحه المهم يوم عوده جوزى من السفر بالسلامه نزل اول فرحتى
المهم
جيت بعد كده بشهر بالظبط كان عندنا فرح فالقاهره وسافرناوقعدت ورا وكان اول مره اتبهدل فى سفر كده المهم كان سواق منه لله عمال فين يوجعك ويتنطط ومطبات وفجاه لقتنى تعبت قوى ودم نزل وافتكرت دى دوره بس لحسن حظى طلع ايه؟ بالظبط زى ماقلتوا حمل يعنى حملت عالاربعين شوفتوا الهنا حبكت واحنا عندنا فرح وسفر ولتانى مره مكنتش متوقعه حمل وربنا اراد وطبعا قعدت فتره الدوره متلخبطه ومتجيش شويه وتتاخر شويتين اتارى هرمون الحمل مرتفع من ال حصل ورا بعضه على متعالجت جه سفر تانى لجوزى وسافرليه عشان نتعطل تانى المهم فالسفريه دى والله العظيم كل واحده اعرفها حملت الى خلصت سن الحمل والى كانت متاخره ربنا فرجها عليها ده غير ان اخويا متجوز بعدى والحمدلله برده ربنا كرمه وخلف كل الناس الى ا تجوز خلف والى متاخرخلف وانا قاعده هنا وجوزى فالامارات المهم جوزى ربنا موفقوش فالسفريه التانيه برده ورجع قلنا نبداء من جديد ونتفاءل وكله هيتحل على فكره انا عرفت الموقع هنا ففتره جوزى مكان مسافر ومن خلال قرايتى هنا عرفت معلومات كتير مهمه للحمل وعرفت وصفه هيه فعلا حلوه الى هيه قرفه وكمون وحلبه وحبه البركه من تانى يوم الدوره المهم اخدتها اما جوزى جه وقلت ان شاء الله احمل وفعلا حصل وكانت فرحتنا كبيره بالحمل ده وبعدين جوزى من خوفه عليا حب يودينى لدكتور سمع انه كويس وغالى وعيادته نضيفه وانا مكنتش عاوزه اغير دكتورى الى عالجنى من هرمون اللبن واتفاءلت بيه بس اما رحناله بعد الحمل لحد اخر الشهر الاول مكانش شايف حاجه وقالى لسه مبانش المهم غيرنا الدكتور وبرده التانى مشفش حاجه ودخلنا فى تحليل هرمون الحمل عشان النسبه وكانت الحمد لله بتزيد بس مش بتضاعف المهم كل شويه يقولنا اعملوا التحليل وتعالواوبرده مش شايف كل ده وانا لسه فاخر الاول لحد ماقال لازم نكشف مهبلى واناتجربتى مع الكشف المهبلى مش حلوه اول مكشف قال فى حاجه فالانبوبه بس خلااااااص ادانى حقنتين ينشفواالكيس وقالى مفيهوش بيبى ده كيس فاضى وقال مش هتلاقى دم ولاحاجه تنزل الشهر ده لان الغشاء البريتونى هيمتصه وبعيد عنكوااول ماخدت الحقنه التانيه حسيت بحاجه عملت تك وبتنفتح ولقيته نازل على ايدى الكيس بالمشيمه والله وتعمدت اوريه لجوزى ليكون بيتهيالى اول مشافه ياحبيبى قال ايه ده كان شكل جنين لسه متحددش بس عينه كانت باينه حاجه سمره كده امال الى الدكتور شافه ده كان ايه ده كان بويضه تانيه بويضه بس لااتخصبت ولا حاجه لان حصل حمل فوقفت مكانها وعرفت ان ده بيحصل وبتنزل لوحدها فالشهر الخامس بس شوفتوا سقطت 3 مرات بالغلط يعنى صحتى كانت كويسه دلوقتى جالى فيرس cmvالى لازم تاجلى بعده فتره وبس دى حكايتى جوزى مش عارف يشتغل وانا عماله اسقط ومن سنه و4شهور للنهارده متقدمناش خطوه فى اى مجال انا بقول لجوزى انا وشى مش حلو عليك يقول طب منتى كمان حصلك حاجات غريبه وصلت لان اخويا يقولى شقتكوا وشهاوحش عليكوا معرفش الله اعلم والحمد لله انا بحكلكوا عشان بفكر انفصل وكل واحد فينا يشوف حياته يمكن حياتنا تمشى بعيد عن بعض معرفش بس عايزه كل واحده تقرى موضوعى تحط نفسها مكانى وتقولى ايه الى مفروض يتعمل اهىء اهىء ياااارااااااااب
اولا اختي ربي يعوضك خيرا
ولا تنسي حبيبتي كل شئ بارادة رب العالمين
حبيبتي ربي يرزقك الذريه الصالحه
اذا انا كنت مكانك ما بنهزم من اول مشكله اتواجهني ..حاولي تصلحين الموضوع الي بينك وبينه والحياه تجارب وانت لسه عرووس ...وانت اتقولين صار لك سنه 4شهووور انا قضيت 5سنوات بدون حمل ربي صبر زوجي وصبرني والحمدلله عندي ولد وبنت كبري عقلك وربي يفرحك ويفرح زوجك يا رب ويرزقك
هي مسالة وقت ...اتمنى ماتزعلين مني والله اني اريد لك الخير وانت مثل اختي
اللهم إني أسألك باسمك العظيم الذي اذا دعيت به أجبت و اذا سئلت به أعطيت أن ترزق أخوتي المؤمنات الذرية الصالحة السليمة قريبا عاجلا غير أجلنا يارب
الروابط المفضلة