اول مره تولدين..وخايفه..!!تعالي نسولف و اقولك شلون تسهلين ولادتك
بالدور شوي شوي
كل وحده تنتبه للكرشه الي جنبها ههههههههه
حامل مدام..؟؟
يلا اطلع فوق سوي قياس وزن
<<متعقده
يؤؤؤؤؤؤؤؤؤؤؤؤؤ ليش بطنك منتفخ كذا؟؟
ههههههههههه
هلا ومرحبا كتكوتاتي كيفكم كروشات؟؟
لبا عمر كل كرشه فيكم
<<ترحم الحوامل
كيفكم الحين
تعبانين
واصله حدكم؟؟
غثيان ودوخه وحوسه؟؟
وماتدرون وش تسووون؟؟
تنتظرون لحظة الولاده على فارغ الصبر...تبون ترتاحون من كل هالتعب وتشوفون كتكوتكم صح
موضوعي هذا اشبه بالسوالف
كل يوم بجي اسولف معاكم شوي عن تعبكم اسئلتكم وحتى الاسئله المحرجه شوي كل شي في بالك تعال اسدحيه هنا اتفقنا؟؟
وانا بحكيلكم كل شي عن الحمل والولاده وحتى الاشياء الي تستخدمينها
الكريمات-الادويه وكل شي
يلا تعالي اجلسي بسولف معاك
امممممممممممممم
اول شي ببدا فيه
الحاله النفسيه
شوفي ياقلبي
ترى احيان يمر الحمل اووكي
واحيان كثير تحسين انك تعبانه وطفشانه ونفسيتك عدم بشكل خيال
تحسين ان ودك تبكين بدون سبب حتى
تحسين انك تعجلتي بالحمل
يوووه
اشياء كثير
هل استعجلت بالحمل؟؟
طيب لو جاني بيبي بيحد من حياتي ماراح اعيشها بكيفي
بكون مسؤوله عن شخص
يووووووووه يعني بكون ام؟؟..فيه شخص بيكون تحت رعايتي
شلون بتصرف؟؟..
طيب كيف حياتي مع زوجي بتتغير؟؟..طيب بيحبني زي اول؟؟
طيب حياتي الاجتماعيه نفسها؟؟..بقدر اطلع وادخل بكيفي؟؟
لاااااااا هذا مسؤوليه مو شي بسيط
طيب
يوووووووووه جد تعبت من الحمل والله تعبت
غثيان ودوخه وتعب ماعاد اقدر اطلع زي اول بسرعه اتعب
طيب الولاده تالم؟
طيب كيف؟
وش بيصير؟
ابي زوجي يدخل
لا مو زين يشوف
بس خايفه ادخل لحالي
يالله وش بيصير من جد خايفه مووووت
طيب افكر اخذ الابره اجل عشان يخف الالم
يوووه جد طفشانه وتعبانه
وماعندي احد اكلمه مافي احد يفهمني مين اسالم مين اكلم
اذا قلت لامي قالت عادي "كل الحريم ولدوا قبلك هذا انا جبتكم شوفوا ماضرني"
بس جيلنا غير مااااااااااابي
كل هذا وغيره وغيره واكثر بعد
صدقيني يصير معاك ومع كل حامل
النفسيه تتغير وتتعب
الله لايلومك جد الحمل متعب بس صدقيني ترى كلها هرمونات تتغير وهي الي تخليك حساسه
ويضيق صدرك على كل شي واي تصرف خصوصا مع اهلك وزوجك
وسعي صدرك كلها كم شهر وتروح تخون عليك كل هالبلاوي لما تضمينه بيدك
احساس ينسيك كل شي
بس الاهم
انتي استعدي نفسيا من الحين
واول شي تسوينه
تحطين في بالك انك قويه ماتتاثرين بسهوله وانك بهاللحظه تحملين حياة بداخلك
كائن صغير يجنن يحتاجك ويحس بدفاك
وصدقيني مو كذب والله انه يحس فيك
جربي يكون ضايق صدرك وشوفي حركاته
جربي تفرحين وشوفي بعد
وربي انه يحس فيك
غمضي عيونك وحطي يدينك عليه وتواصلي معاه انتي وياه وبسس
وتعرفين وقتها ان كل هالتعب يهون
نبدأ بالمشاكل
انتي بالشهور الاولى؟؟
يعني عندك غثيان مو طبيعي وبعض البنات الغثيان يجي بالشهور الاخير
يوووووه اشين شي بالدنيا جد وعععععععع
مايخليك تنامين زين وحومة كبد
ومالها حل غير انك تاخذين حبوب للغثيان تخفف عليك شوي
بس عني انا ماكان عندي غثيان بالشهور الاولى
بالشهور الوسط؟؟
هههههههههههههههههههه وقت الحمام يادبه ههههههههههه
داخله طالعه مايمديك داخله الحمام وواقفه عند الباب بتطلعين الا وراجعة له وعلى شي مايسوى
<<متحمسه بالشرح ههههههههههههه
عادي عارفه ليه لانه يكون نازل الحين ويضغط على المثانه ف تحسين انك ودك تنامين بالحمام ههههههه
بالشهور الاخيره؟
يووووووووووووووووووووووووووووه هذي عقدتي
غثيــــــــــــــــــــــان * غثيــــــــــــــــــــان
انا ماانام مرتاحه
لازم اخذ حبوب الغثيان وانام بوضعيه معينه
اكون شبه جالسه
واسند المخده على راسي واميله على جنب
والا مستحيل انام
هنا يكون الطفل متجهز للولاده راسه فوق ورجوله تحت او العكس
وبكذا يضغط على المعده ويخليك تحسين بغثيان خيالي
ومالها حل الا الي قلتلك
>>>
راجعه اسولف معاكم
<<ماتخلص سواليفها
_________________ اممممممممم طبعا راح ابدا معاكم حبه حبه بكل شي الى بعد الولاده والكريمات والاشياء الي تستخدمينها
الحين نركز على الاشهر الاخيره
الحين نبدا نجهزك للولاده
لازم تبدين تمشين كثير لان المشي بيسهل ولادتك حيل وكل مامشيتي كل ماكان جسمك رياضي ويساعدك بالولاده
طبعا مو من اول مره تمشين كثير
لاتجيبين العيد وابتلش فيك هههههههههه
امشي اول مره 10 دقايق وبعدها نفس الشي وبعدها بيومين ربع ساعه وتابعي لحد ماتوصلين نص ساعه باليوم
طبعا اول مره بتحسين بالم بالبطن خفيف
اسفل البطن
انا اقولك ليه
لان المشي ينزل الطفل شوي ف تحسينه يضغط على بطنك
بس ترجعين
انسدحي وارفعي رجولك فوق
ارفعيها على مستوى اعلى من جلستك بشوي
مو تتشقلبين خخخخخخخخخ
طبعا احلى شي انك لازم تتقضين للبيبي
يعني راح تفيدك طلعة السوق
وش تشترين؟؟
نجي نحكي عن الي تحتاجينه
امممممممممم
اول شي وحطي هالشي في بالك
مصــــــــــــــــــــــــــــــــــــــــــــــــ ـــــــــــــــــــــاصه
نصيحه نصيحه لاتنسينها
عوديه على المصاصه
بيرفض واغصيه عليها يوم يومين ثلاثه لحد مايتعود
والله بترتاحين عمرك كله
انا اقولك ليه؟؟
الطفل لما يتعود على المصاصه بعد كم شهر ماراح يحتاج انك تقومين تسوين له رضعه بالليل كل شوي
لا خلاص تعطينه رضعه قبل ماينام والمصاصه وخلاص نامي وانتي مرتاحه
لحد عمر سنتين 3 سنوات بعدها يتعشى وخلاص
اما الطفل الي ماتعود عليها افففففففففففف
شي مو طبيعي
انواع القلق
يرضع شوي وينام ويقوم ويصيح وانواع الازعاج يعني الله يعينك منه ومن زوجك الي بيسطرك هههههه
نرجع للاغراض المهمه
اممممممممم
تحتاجين
مهاد>>اللفه الي يلف فيها
لانه توه طالع من بطنك ويحتاج لمكان يلمه نفس البطن
ملابس داخليه ولاتطثرين لانه بيكبر عليها
وانا اشجع الي من مذكر كير تستمر لك طول العمر وتناسبه لحد 6 شهور يعني خذي 3 من محل عادي مقاس مواليد والباقي المجموعه الي من عند مذركير
امممم
بعد
نحتاج
قمصان صغنونه له لانه اول الايام فيه السره مانبي نعوره ويكفيه المهاد
بعد نحتاج
مسحه طبيه للسره-رضاعات وننتبه ان مقاس الحلم حق الرضاعه صغير
اممم تقريبا هذا الي له
انتي
تحتاجين اول شي
شنطه للولاده عشان اذا رحتي للمستشفى
وحطي فيها:
فوطه لانك اول ماتطلعين تحتاجين تتسبحين
قميص او افضل البيجاما لانها تلمك وتدفيك احسن
ملابس داخليه راح تضطرين تبدلينها كثير اول الايام
ستيانة رضاعه
اولويز للولاده<<مخصص للولاده
بعض المستشفيات تحطه وبعضها لا
اممممممم
وانا شخصيا احب استعمل مشد لانه يريحني كثيييير
بس تقريبا هذا الي اذكره
وفيه كريم
انصحك من جد تحطينه قبل كل شي فعلا شي خياااااااااااااااااااااااااااااااااااااااااااااااا اااااااااااااااااااااااااااااالي يريحك من الالم
هو كريم تجميلي ومسكن بنفس الوقت طبيعي ماتضر كثرته
<<لها نسبه من البيع خخخخخخخخ
جد لو استعملتيه على ضمانتي ماتحسين الا بالم خفييييف مره
اسمه ميـــبو Mebo
مو طبيعي خذي منه كرتون من الحين
اول ماتطلعين من غرفة الولاده حطيه ونامي
الموهم بكذا انتهينا من الاشياء الي نحتاجها_ طيب
وصلنا للايام الاخيره وجهزنا الشنطه لاننا للحين ماندري متى نولد
يمكن الحين وانتي تقرين يجيك طلق خخخخخخخخخخخخخخخ
حاولي تاكلين تمر لانه يسهل الولاده كثير
والمشي احرصي عليه زي ماقلتلك
طيب وصلنا للايام الاخيره
والله من النفسيه
ودك تعرفين الولاده والطلق؟؟
طيب
ياقلبو بجد اقولك الولاده ماتالم ابد ابد
ماامزح
الي يالم الطلق
الله لايوريك
مااروعك بس عشان تفهمين
الطلق وشو؟؟
يجيك الم باسفل الظهر مثل لسعات الكهرباء
<<بتتصفق
مو قصدي اخوفكم بس عشان تعرفون لاني احسب الطلق دلع
كنت كل شوي اقول لامي ماما جاني الطلق مشينا
وتضحك
تقولي لو جاك الطلق بتسولفين هههههههه
هذي اسمها سوالف ليل
>>والله من السوالف يستخف دمه هالليل
بتجيك اخر الايام الام خفيفه
بعدها بيجيك الطلق صدق
بس انتبهي اذا قلت الحركه تقريبا لازم ماتقل عن 10 حركات باليوم
والا علطولدرعمي للمستشفى
وانتبهي من اي قعطه خطا لاتنزلين كثير
لانه ممكن يلتف الحبل السري عليه وتكتمي نفسه
الموهم ممكن مايجيك طلق
وتنزل المويه
ممكن تنزل نقط دم
وقتها بدون تفكير شيليي شنطتك وروحي المستشفى
بيعطونك طلق صناعي
نرجع للطلق
راح يكون الم نهاية الظهر والم باسفل البطن
يبدا شوي بعدين يرجع بعد نص ساعه
وبيستمر لحد مايكون متتابع ووقتها خلاص دقايق وتولدين
هذا الطلق
طيب نجي للولاده
طيب فيه مستشفيات يعطونك مثل العلبه تستخدمينها الله يكرمك تنزل كل الي ببطنك
هذي تساعدك وقت الولاده
وفيه مستشفيات لا
نصيحتي
تاخذينها انتي بالبيت عشان مايحوسونك وتلوع كبدك
هي كرتونتها خضراء الظاهر اسمها مدري شي بعدين out
<<والله من التوصيف
جواها علبه شفافه فيها سائل تستخدمينه بفتحة الشرج دقايق ويبدا مفعوله
ينزل كل الي بالامعاء
عشان وقت الولاده الطفل بيضغط عليها فهذا افضل
طيب دخلنا غرفة الولاده غرفه فاضيه مافيه الا سرير
بيشيلونك من سريرك ويحطونك بالثاني طبعا بتدخلين ماعليك الا لبس الولاده
ماراح تجي الدكتوره الا اذا خباص بيطلع البيبي
نجي هنا والباقي كله عليك
اول شي بقوله
عشان ترتاحين وماتتعبين لازم تجهزين نفسك نفسيا
انه مامعاك احد ولاراح يدخل معك احد وان الموضوع كله عليك بيك تريحين نفسك انتي
كذا ماراح تتعب نفسيتك بعدين
طيب بدينا بالولاده
الطلق كل ماله ويزيد وخلاااااااااااااص تحسين البيبي بيطلع
المطلوب منك تدفين البيبي
تاخذين نفس كبير تمسكينه وتدفين البيبي
الله يعزك كنك بالحمام
<<تحوم الكبد من الشرح
طبعا والاهمممممممممممممممم
ماتدفين الا لحد ماتشوفين البيبي يدف نفسه والا احتمال تخنقينه باللف
اطلبي منهم اوكسجين اول ماتدخلين يسهل الولاده ويساعدك حيل ويخفف الالم
خذي نفس لاتصارخين ابد لانك بتتعبين ع الفاضي وتزعجينهم وبيتنرفزون ولايكونون متعاونين معك
خذي نفس خلااااااااااااااص الحين بيطلع
بتجي الدكتوره طبعا
بهالوقت بتشق شق صغير ماراح تحسين فيه ابد ابد ابد
يلا نفس واكتمي ودفي
طلع الحمدلله سندي راسك اسمعيه يصارخ
بيحطونه فوق
يووووووووووووووووووووووووووووووووووووووووووووووووو ووه
احساس اتحداك تعيشين مثله لحظه مو طبيعيه تستاهل التعب
تسندي
راح تعطيك بنج خفيف
وتبدا تخيط الشق
ملاحظه:فيه بنات مايحتاجون شق او خياطه
راح يطلعونك من الغرفه بتجي تشيك عليك دكتوره ثانيه تتاكد من الرحم بس بتمسك بطنك وتضغط عليه
راح يرجعونك الغرفه
قومي قلبو خذي شور
نشفي نفسك
الحين منتي حاسه بالم لانك مفعول البنج ماراح
بس ولوو
البسي الاولويز بس حطي فوقها قطعة شاش وفوقها الكريم الي قلتلك "ميبو"
عشان ترتاحين وماتحسين بالغرز
وصححححححححححح
عشان اذا جاك احد ماتتعبين من العطر
امسكي عطر
لاتتعطرين بس بخي الغرفه من بعيد
ونامي
والف الحمدلله على سلامتكاممممممممممم جينا نطلع من المستشفى يووووووه جد تعب
رجعتي للبيت
بدا مشوار حومة الكبد بجدد
النفاس وعععععععع
اااااااااااااه بس اشين فتره بجد
بس لازم تعتنين بنفسك جدد الظهر فقراته متخلخله شوي من اثر الولاده
لازم ترجعين الحوض بمكانه بالراحه والا بتتعبين عمرك كله بالمشي
طيب نبدا
طبعا مازلتي تستخدمين الكريم
اوكي اول 4 اايام مافيه شي تسوينه
بس الكريم وبس
وقاعده تتهاوشين مع هالنــتفه يمص المصاصه ويرضع من صدرك لانه مايعرف يمسك صدرك
نجي للصدر عاد افففففففف سالفته سالفه
بما ان البيبي مايرضع الا شوي راح يتكتل الحليب جوا الصدر وبتحسين بالم يذبحححح
ف وش الحل؟؟
اول شي تشترين الشفاطه حقت الحليب وتشفطين الحليب الي بصدرك ويفضل تحتفظين فيه
لان اول الايام بالذات فيه ماده شفافه اخف من الحليب هذي تحتوي المناعه الي يحتاجها الطفل اول ايامه
جيبي كماده او فوطه وبلليها بماء دافي
او اغلي خس قطع كبيره وحطيه مثل الكماده
تدفي الصدر وتفكك الكتل الي تكونت واشفطي الحليب وارتاحي
بس ترى بيرجع بعد ساعات ولازم تكررين الحركه
لحد مايرضع البيبي زين
اوووكي خلصت 4 ايام تحسين بالم خفيف؟؟
جيبي طشت مويه يكفي تجلسين فيه
وحطيه بالبانيو او مدري شسمه هذا الي بالحمام وحطي فيه مويه دافيه وملح
واجلسي فيه 10 دقايق -ربع ساعه
راح ترتاحين راحه مو طبيعيه
وحطي الكريم واطلعي
ومايضر تقدرين تكررينه مرتين 3 باليوم
__________________
نجي احيان لمشكله جد مو بوقتها
الامساك
يؤؤؤ جد حاله مو بوقتها بصؤاحه مشكله مهمه كثير
مع الغرز راح تتعبين كثير كثير
الحل انك من الاول تنتبهين
فيه مسهل كويس وطبيعي اسمه "اجيولاكس"
علبته صفراء كنه صمغ فيران خخخخخخخخخ
وجواه حبوب صغيره مثل الشوكولا
تاكلين ملعقه الصباح وملعقه قبل النوم
يخفف الامساك ويساعدك تروحين الحمام بدون الم
بس تراه ياثر على الطفل اذا يرضع منك مو مضر لاااااا بس يخليه يطلع الي ببطنه
اول الايام احسن له لانه يطلع الماء الي بلعه ف البطن واثناء الولاده بس بعدين ترحمينه
بس اذا عرفتي ان الله حق بتاكلينه هههههههههه
__________________
<<ناويه تكمل بعد ماخلصت
والله هذا الي في بالي الحين لو ذكرت برجعلكم
<<ترحم الحوامل
اتمنى اكون افدتكم واشبعت فضولكم عن الولاده
واتمنى اشوف تجاوبكم لاتطيحون وجهي عاد
واي سؤال اسدحوه وانا اوريكم فيه
والف مبرووووووووووووووووووووووووووك
رد مع الاستدلال
الروابط المفضلة