السلام عليكم
اخواتي اللي ولدو معي في رمضان .....حبيت اسالكم عن اول دورة بعد النفاس متى جاءت ؟؟وماهي مواصفاتها؟؟قليلة ام غزيرة؟؟معها الام الدورة الاعتيادية ام لا؟؟ طولت عليكم ام نفس مدتها الاعتيادية؟؟وهل تاخذون حبوب منع الحمل؟؟؟
انا اسال لان انا ولدت من شهرين ونصف ولم تاتي الدورة لاني كنت ارضع وسبحان الله الحليب عندي اصبح قليل جدا وانتهت الرضاعة منذ اسبوعين تقريبا
المهم جاءت الدورة قبل ستة ايام ولكن انا شاكة انها دورة لانها قليلة جدا جدا واغلبها وردي اللون ومتقطعة مع الحركة تنزل شوية وراحت بعد ثلاثة او اربع ايام فقط وطهرت وصليت
هل اول دورة بعد النفاس تكون هكذا؟؟؟؟
ام هل هو حمل ؟؟؟
بصراحة انا خجلانة من زوجي اقوله جيبلي اختبار حمل او وديني دكتورة ونرجع لنفس اللخبطة من ثاني
انا عارفة ان الذنب ذنبي بس والله مو بيدي بيد صاحب القرار وانتو اكيد فاهمين

اخواتي انتظر ردكم علي بفارغ الصبر قبل ان افاتح زوجي بشكوكي
لان انا عايشة بقلق فظيع منذ ايام وحالي متوقف
اخاف اشتغل بالبيت شغل ثقيل وينزل علي دم ....وعندي اعمال كثيرة متوقفة
واخاف اضيع وقتي بالشكوك وانا طالبة وعندي دراسة ومالي خلق بالمراجعات للطبيبة مرة ثانية وبنتي لسا صغيرة ومحتارة فيها وفي دراستي
بالاضافة الى انه الحمل والولادة في الغربة نهيبة يعني يحتاج امكانية مادية عالية لا قدرة لنا فيها والله الرزاق ذو القوة المتين

يا هلا بهالوجه الحلو مشتاقييييييين وينج هالغيبة؟؟ حبيبتي شفت موضوعج وقلبي كام يدك وكلت خلي اشوف خير شبيها ريحانتنا.. حبيبتي صديقتي ولدت والدورة ما اجتها واتخربطت عدها واستمرت هيجي متخربطة ولكن هي كانت تريد ان تحمل بعد ان يصبح عمر ابنها 6 شهور وبالفعل حملت سبحان الله.. ولكن بالنسبة لنزول الدم لا اعرف عنه شيئا وصدقيني حتى ان نصائح المجربات مراح تفيدج لأنه حالتج مشكوك بيها لكون اكيد اكو عندج اختلال بالهورمونات بسبب الرضاعة وهذا شي معروف وطبيعي.. ولكن اذا تنحرجين من زوجك انتي اشتري من الصيدلية أو أي مول شريط الحمل وشوفي نفسج وماكو داعي للإحراج لأنه اصلا الموضوع قسمة ونصيب ورزق.. طمنينا عليج وعلى بنوتتج.. وبالمناسبة انتي يمكن سبق ان قلتي انج بالإمارات.. وين تدرسين؟؟ يا رب ينجحك ويسهل امورك وصدقيني لا تحملي هم واللي الله كاتبه نشوفه ويا رب ما يكتبلج الا الخير..

كلاك مهندسه كلام موزون ومفيش بين الازواج حرج وكل اللى هيدخل هيقولك اعملى تحليل واتاكدى
ربنا يعينك بجد

أهلا بعزيزتي الغالية ريحانة الوافدين ، كيف بنوتتك؟ إن شاء الله تكون بخير وصحة وسلامة

أنا بالنسبة لي يالغالية جتني أخت النفاس ، يعني بعد النفاس على طول وواضح إنها كانت دورة لأنه آلامها زي ما هي ولونها ومدتها كمان ، للأسف لأني أنا بس رضعت أسبوعين

وأنا زي مهندسة في رأيي اشتري التحليل بنفسك واذا ما قدرتي ترى عادي مافيها احراج ولا شي هذا زوجك يالغالية ومافي احراج بين الأزواج ، الله يكتب لك إلي فيه الخير يالغالية

حبيبتي مهندسة عراقية ميه هلا بيج واشكرج عيوني على هالترحيب الحار واني مشتاقة الكم اكثر والله العالم
بالنسبة لموضوعي و سؤالج عن دراستي ...اني ادرس بماليزيا دكتوراه هندسة مدنية
والمشكلة عندي دوام وشغل ولسا كلشي ماسويت ببحثي بسبب الحمل والولادة صارلي سنة واحنا جينا على حسابنا يعني حطينا اللي عدنا واللي ماعدنا حتى نجي بسبب الظروف التعيسة اللي بالعراق
وحالتنا المادية يادوب تكفينا اني وزوجي لان هو ايضا يدرس
والطفلة اللي اجتنا نعمة من رب العالمين ولحد الان مااعرف وين اوديها لان بعدها صغيرة على الحضانة فاذا صرت حامل مرة اخرى لا اعتراض على حكم رب العالمين ورزق محمود ومشكور عليه ربي مدى الدهر
بس تدرين الظروف هنا صعبة ولولا الدراسة والظروف المادية كان اني اسعد انسانة بالدنيا ياريت احنا بالعراق ويم اهالينا كان الفرحة لا توصف
وعلى العموم ماكو صيدلية قريبة او مول تجاري اكدر اروحلة الا بالسيارة ومع زوجي يعني لازم اصارحه
بس حبيت اعرف اللي ولدو معاي صارلهم هذا الشي لو لا ؟؟؟
اقلق لو لا ؟؟المسالة طبيعية على حد كلامج والدورة ممكن تخربط بعد الولادة طبيعي بس ياريت ماتصير لخبطة بالهرمونات لان اكيد الشغلة تريد علاج مصاريف ودكتورة ايضا

سمسمة مشكورة عيوني على الرد والله يبارك بيج وانشالله اتاكد

ام عصام هلا بيج ومشتاقة الكم هواية بس الظروف متساعد ادخل المنتدى كل يوم
يعني شنو اخت النفاس تقصدين الدورة الاولى تسمى اخت النفاس لو شنو؟؟شنو مواصفاتها هذي؟؟

حبيبتي ريحانةالله يعينج والله الغربة صعبة ويا رب تكملي دراستج على خير انتي وزوجك وترجعوا بالشهادة للعراق ويا رب نرجع كلنا لحضن أهلنا ونربي اولادنا هناك وبالفعل لو كنتي بالعراق كان كنتي تتمنين ان تحملي بهالسرعة لأنه الف ايد وألف قلب يساعدج على التربية وما تحملي هم.. انتي لا تشيلي هم وإن شاء الله خربطة هرمونات وهذا شي ميحتاج علاج لأنه مجرد ان يجف الحليب نهائي ترجع امورج لطبيعتها ونصيحتي انج اليوم تصارحين زوجج وتروحون تشترون تيست الحمل وتتأكدون واذا ما طلع حمل ديري بالج المرة الجاية واستخدمي طرق المنع المتاحة ويا رب تطمنينا عليج وعلى دراستج وعلى بنوتتج

حبيتي مهندسة مشكورة عيوني وانشالله الشغلة سهلة مثل ما تكولين وعلى العموم هو مجرد شك لا اكثر ولا اقل بس انا حبيت استفاد من تجارب الاخرين
يارب يقومج بالسلامة ونفرح بيج
انتي باي بلد الان؟؟