حبيبتي في الله
دي اول مره اقرالك موضوع لاني اخت جديده لكم في المنتدي
حبيبتي انت متضايقه وزعلانه ليه علشان عندك اولاد وانت حامل في ولد ونفسك في بنت؟
والله حرام عليكي تسلمي نفسك لابليس الملعون
حبيبتي انا هديكي مثل لو انت عندك مليون جنيه وربنا بعتلك 100 الف هتقولي لا انا مش عايزه علشان عندي ولا تحمدي الله علي نعمته؟
وانت ايه عرفك ان البنت لو جت هتيجي وتكون سبب سعادتك؟
طبعا انا اتمني من كل قلبي انك تنولي اللي تتمنيه لكن مجرد ضيقك هو اعتراض علي مشيئه الخالق عز جل
هل من العدل ان يعطيك الله تعالي هديه فتتضايقي وتتمني تغييرها؟
احنا مش بنعمل كده لما مخلوق يجيبلنا هديه بنستحي نقوله مش حلوه فما بالك بالرحمن؟
حبيبتي انا اسفه اذا طولت وتدخلت لكن في ملايين غيرك وانا منهم محرومين من مجرد الحمل وننتظر رحمه ربي فاحمدي ربك واسجدي له شكرا وحبي جنينك كما هو واشكري الله علي النعمه والعافيه ولعل الله يخلق بعد ذلك امرا
انا اسفه لو ضايقتك لكن انت اختي ولك عندي واجب النصيحه
اختك سلمى
الروابط المفضلة