بنات الاستفتاء على تخصيص قسم لتاخر الحمل انتهى انهارده
والف شكر ليكم جميعا لدخولكم ودعمكم لينا
واللى ملحقتش تصوت تروح بسرعة
ودلوقتى بما اننا كلنا اخوات وشركاء فى كل شئ
حبيت اكتب موضوع نعبر فيه عن تصوراتنا لشكل القسم او الركن او الملف اى كان هيكون ايه
لعل اقتراحاتنا تكون مرجع استرشادى للادارة عند اتخاذهم القرار
مع احتفاظهم بحق اخذ القرار النهائى طبعا
احنا بس بنعبر عن امنياتنا للقسم الجديد
وايه نوع المعلومات اللى تحبوها تكون موجوده فيه

ردوا يا بنات
وبالمرة قولولى ازاى اعمل توقيع حلو زى بتاع منارة الحياة وامتاريف
عليه اسمى و الحركات دى
هههههههه استغلال ؟؟؟؟؟؟؟

هلا ملك
فكرتك حلوة اوى و يا ريت البنات يدخلوا و يقولوا افكارهم معانا............ و طبعا لو كان قسم هتفرق معانا كتير لانه ممكن نقسمه لابواب متعددة .........اما لو كان ملف فقط فاعتقد لن يكون هناك تقسيم معين و هيكون مثل ملفنا الحالى ............
اقتراحاتى:
1-كتابة التحاليل و الفحوصات المطلوبة للزوج و الزوجة فى حالة تاخر الانجاب لمدة عام بشرط وجود علاقة زوجية طبيعيه خلال هذا العام......... و نكتب كمان المعدلات الطبيعية علشان تكون مرجع للكل...........
2-كتابة ملف كامل بالاعشاب و الوصفات الطبيعية التى تحسن انتاج البويضات عند المراة و الحيوانات المنوية عند الرجل.............
3-شرح مبسط لفكرة التلقيح الصناعى و اطفال الانابيب و الحقن المجهرى........
4-كل واحدة من بلد معينة تكتب لنا من خلال تجربة شخصية او تجربة سمعت عنها عن افضل الاطباء والمراكز فى بلدها.........
ده اللى فى بالى دلوقتى و لو فكرت فى حاجة تانية هكتبها.........ان شاء الله............

على فكرة توقيع ايمى و منارة ببرنامج الفوتو شوب و ايمى هى اللى عاملاه لمنارة ووعدتنى تعمللى واحد كبير و حلو بس طنشتنى هههههههههه خليهم اتنين بقى يا ايمى و احد لملك وواحد ليا..............