اتمنى منكم المساعدة ابي اسماء محلات لاغراض المولود وامة تكون حلوة ومو غالية رحت ستي بلازا وشفت الخيال
للبحث في شبكة لكِ النسائية:
|
اتمنى منكم المساعدة ابي اسماء محلات لاغراض المولود وامة تكون حلوة ومو غالية رحت ستي بلازا وشفت الخيال
للاسف ما اقدر افيدك لاني مو بالسعودية
ان شاء الله بنات السعودية يفيدوكي
في موضوع انا كاتباه حجيب لك هو وفيه كل المحلات
كيف شفتي الخيال في ستي بلازا؟؟ صحيح في أرخص منه لكن سعره في الوسط أرخص من آدمز ومن ماذ كير
شوفي عندك سماء موجود في الجمجوم وكمان بجوار مستشفى عرفان له فرع فيه أشياء كويسه ورخصيه مناسبه للبيت بس إللي في الجمجوم مرتب ومره أشتريت حوالي 20 قطعه لبنتي وجزمه وشراريب وفساتين وبنطلونات حلوه وكانت الفاتورة بـ500 ريال أنا أراها مناسبه نظرا للكمية إللي اشتريتها
وكمان ممكن في الهرم تلاقي أشياء لكن بالحظ مش دائما متوفره أشياء حلوه (مع مراعاة إنو الناس أذواق يعني ممكن تلاقي أشياء تعجبك بس ما تعجبني والعكس صحيح)
أما ملابس الخروج انتظري إليين شيكو يعمل تخفيض وروحي له هو وبريماما أشيائهم للخروج حلوه بس غالية وتلاقيهم في شارع التحليه وفي كم محل في عزيز مول للأطفال في أشياء في الفترينه حلوه بس بصراحه ما أعرف أسعارهم وأو إذا هي غسيل ولبس
(مع ملاحظة أشياء ستي بلازا وسماء وأحيانا الهرم تعيش معاك غسيل في الغساله ولبس)
وكل المحلات هذي في جده بصراحه ما أعرف في المدينة شيء
اهلين
في جدة عجبني سماء
في المدينة في محل في طريق المطار اسمه كل شي للاطفال فيه اشياء جنان مرة حلوة وسعره يجنن
وكمان فيه قباء في محل اسمه باسلامة للحوامل والمواليد
لكن كل شي للاطفال مرتب وتشوفي فيه كل شي شفت في اجازة الصيف عنده طقم كامل للام والمولود من لبس وسرير ودولاب
ومهد للنونو
وكل شي طقم كامل
ربي يوفقك.
في المدينة فيه ستي بلازا
وفيه مذركير في سوق الدخيل في سلطانة
وفي بيبي هوم في سطانة برضه
في الضباء في سوق المدينة الدولي
واي خدمة في المدينة ان شاء الله اكون انفعك .
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
ملاك لبنان نونة المجنونة وspray
أشكركم من كل قلبي لتفاعلكم
في محل اسمه الضباء مول
موجود عند دوار الفلك
بس مو للملابس
يعني بس تشتري السرير تبع البيبي والاشياء دي
اما الملابس في جاكادي في حراء
وطبعا سيتي بلازا انا شفته احلى شي للآن
وعندك العيسائي كيدز في الجمجوم وفي حراء اشيائه قمة في الروعة
في عندك محل اكسينا في منطقة البوادي اسعاره كتير حلوة
ف المدينة انا اعرف باسلامة مرة حلو
وف جدة العيسائي ف حراء خاص بالمواليد
وجس ومذركير بعد حلو والاحلى الهرم اغراضه مرة عمليه وغسيل ولبس
بس تعرفي انتظري الخصومات افضل
الروابط المفضلة