و انتى بتشترى حاجة البيبى حطى فى بالك ان ربنا سبحانه وتعالى مابيحبش التبذير و قال فى كتابه العزيز (ان المبذرين كانوا اخوان الشياطين)
انا عارفة ان كل واحدة بتبقى فرحانة و عايز تجيب حاجات كتير بس و اللهى عن تجربة البيبى بيكبر بسرعة وكل 3 شهور تقريبا اللبس مش بيدخل فيه و لازم تجيبى جديد و خصوصا لبس الخروج
و كمان افتكرى ان فى ايتام مش لاقيين حتة قماشة تغطيهم فياريت تجمعى لبس البيبى القديم وتديه لواحدة محتاجة او ملجأ او جمعية خيرية وربنا هيزيدك على اد ماتطلعى
انتى ممكن مثلا تشيلى اول طقم لبسه البيبى و اول جزمة و الحاجات دى للذكرى يعنى بس الباقى خرجيه لوجه الله وصدقة عشان ربنا يحفظلك مولودك ان شاءالله
ربنا يقومكوا بالسلامة و يخليلكو ولادكم و يباركلكو فيهم ان شاء الله
الروابط المفضلة