السلام عليكم ورحمة الله وبركاته
كيف حالكم اخواتي
أشتقت لكم كثيييييييييير
إذا تتذكروني من قبل طفشتم بأسألتي عن الحمل والولاده والي مايتذكر يدخل على مواضيعي ويناظر
شنو كنت اكتب وبالاخص الي يتناولون حبوب منع الحمل هل جاتهم مناعه ولا لا
وكل شهر اقول ان شاء الله الي بعد ه
وهالحين بقول لكم قصتي بأختصار
كنت كل شهر أفكر بالحمل وشاء الله لم يحدث الحمل وكل شهر أحسب لي بالتواريخ وأحسب الايام ...الخ وكل مره بنفس الشي تجيني الدوره
فذهبت لدكتوره وأخبرتها بحالتي قالت لي راح اعطيك كلوميد
وأثناء صرفي للكلوميد مدري كذا حسيت بداخلي اني متردده من هالشغله ولم اخذه حتى الصيدلي يقول بخاطره شنو فيها هذي تعطيني الوصفه وتتراجع عن صرف الدواء
المهم
رجعت البيت وانا بخيبة امل وقلت في نفسي أنا الحمد لله الله رزقني ولدين وإذا الله كاتب لي الحمل بحمل من دون شي .ولجئت للي عينه ماتنام ودعيت الله بكل قلب خاشع انه ربي يرزقني الذريه الصالحه
ويرزق كل وحده محرومه
ويغفر لي ذنوبي وأكثرت من الآستغفار وقلت هالمره مابحسب ولا شي ولا بفكر بالحمل والي ربي كاتبه بيصير
وسبحان الله تتاخر علي الدوره يوم واحد وحسيت بتعب فظيع وألم في أسفل بطني وجاتني سخونه مو هذاك الزود قلت اكيد اليوم بتنزل هذي عوارضها أنتظر انتظر ولكن لم تأتي ((الدوره عندي منتظمه ولله الحمد ماتتاخر ولا نص يوم مشاء الله ))
أنتظرت 4 أيام وشفتها ماشرفت قلت بروح اشوف المستشفى وعلى طوول قالت الدكتوره نسوي لك تحليل والحمد لله جاء الخبر
مبــــــــــــــــروك مدام انتي حـــــــــــــــــامل
ماني مصدقه الخبر أحس كاني بحلم والدكتوره تقول لي شفتي يوم عطيتك الحبوب حملتي
قلت لها دكتوره ترى الحبوب ما أخذته بس وكلت امري لله رب العالمين هي تلعثمت ولا قدرت تقول شي
قالت ونعم بالله بخجل
وانا صار لي فتره طويله عنكم لآنه الدكتوره قالت لي أرتاحي عشان الحمل
وانا هالحين عديت مرحلة الخطــر ولله الحمد ودخلت الرابع واخذت منه أسبوع واحد
دعواتكم لي اخواتي
بالتوفيق والله يتمم لي على خير
والله يرزق كل محــــــــرومه ياااااااااااارب
الروابط المفضلة