السلام عليكم ورحمة الله وبركاته
كيفكم يا بنات ؟؟ والله اني اشتقتلكم كتير
الحمد لله ولدت وخلصت في يوم السبت وهاي القصة من طأطأ لسلام عليكم

يوم الجمعة 2/11 وقبل الصلاة رحت لعند الدكتورة عشان اطمن على البيبي لاني كنت في الاسبوع 41 و4 او 5 ايام .. فحصتني عالجهاز كان الوضع منيح والحمد لله بس حكت لازم اولدك اليوم لانو بأي وقت ممكن الجنين يوسخ في السائل " اكرمكم الله " وبعدين بصير خطر عليه وحكتلي تعالي الساعة 4 العصر عشان تعطيني طلق صناعي ..

بعدين روحت على البيت وجهزت حالي والساعة 4 وربع تقريبا طلعت من البيت ووصلت المستشفى الساعة 4 ونص وخمسة والساعة 5 أعطوني الطلق الصناعي وحكت الدكتورة بترجع بعد ساعتين يعني الساعة 7 المسا .. وبدا مع الطلق بس خفيف مرت الساعتين وأجت الدكتورة وعملت فحص داخلي والنتيجة متل ما هي 1 سم بعدين أعطتني تحميلة وحكت بعد ساعة راح ترجع وتشوف شو صار معي .. الطلق حمي شوي مرت هالساعة على خير وأجت الدكتورة وفحصتني والنتيجة 1 ونص سم بس ..

حكت بدي أفجر الكيس عشان اشوف كيف لون المي حولين الجنين وعشان يحمى الطلق .. والله فجرت هالكيس من هون وبدا الألم الحقيقي من هون .. بالبداية حكيت ااااااااااااااااااااااااااه بعدين صرت احكي لااااااااااااااااا اله الا الله والله كانت تطلع من كل قلبي من الالم ..
بعدين صار التوسع 2 سم وأخدوني على غرفة الولادة عشان يعطوني مسكن وما نفع .. لما صار التوسع 4 سم اعطوني ابرة الظهر ياااااااااي ما أحلاها بنصح الجميع يوخدها الحمد لله شوي شوي ولّا الالم راح بطلت أحس بالالم صار التوسع تقريبا 6 سم وصاروا يحكولي شدي وادفعي بعدين صار 7 سم وكان صرلها مية الراس نازلة 3 ساعات وصارت تحكي الدكتورة بصير خطر على الجنين .. والجنين ما كان يساعد لانو الحبل السري حولين رقبتها فحولوني عالقيصرية الساعة 12 بالليل وطلعت البنت بصراخها العالي ما شاء الله عليها حتى لما سمعت صوتها صرت ادعي انها
تكون بنت هادية وما تغلبني ..

الحمد لله رب العالمين اتألمت كتيييير من جرح العملية وصرت احكي مين اللي بحكي انو القيصرية اهون من الطبيعي والله التنين تعب والم الحمد لله على كل حال ..
دعيت للكل حتى اتذكرت دندوشة و lulu وورد ودعيت انو ربنا يسهل على كل حامل ولادتها ويرزق كل منتظرة ..

نسيت احكيلكم سميت البنوتة فطومة .. بسم الله ما شاء الله .. الله يجعلها متل ستنا فاطمة بنت الرسول صلى الله عليه وسلم ..

بستنا ردودكم ..

الحمد لله على السلامة وإن شاء الله ربي ينشأها منشأ حسن مثل ستنا فاطمة وتكون صالحة

بورك لك في الموهوبة وشكرت الواهب وبلغت اشدها ورزقت برها
الف الف الف الف الف مليوووووووووون مبرووووووووووووووووك
والحمدلله على سلامتك وسلامة فطومة
تتربى بعزكم ان شاء الله

يا حبيبتي ألف ألف ألأف مبروووووووووووووووووووووك يارب ..

ألف الحمد لله على سلامتك وسلامة البنوتة تتربى في عزك وربنا يخليها لك يارب ..

عقبال ما تشوفينها أحلى عروس يارب ..ولو انك تعذبتي بس لما جات فطومة أكيد نسيتي كل التعب..

ألف حمد وشكر ليك يارب ..وتسلمي لي يا عيوني انك دعيتي لي ربنا يخليكي يارب..

اول شيء الحمدلله على سلامتك وسلامه الكتكووووووووووووته
والف مبروووووووووووووووووووووووووووووووووك
وربي يباركلك فيها ان شاءالله

الف الف حمدلله على سلامتك وااااااااااااااااااخيرا يافاطمة خلصتي بس اكيد لما تشوفي البيبي بتنسي كل التعب وان شاء الله تتربى بعزكم

يا حبيباتي والله اني بحبكم في الله الله يخليلي اياكم يااارب ..

نووووووووووووونة الله يسلمك يا حبيبتي ..
ههههههههه بنتي سميتها فاطمة انا بكون امها لفاطمة غيرت اسمي في المنتدى على اسم بنتي ..

كتبت بواسطة فاطمة العايدي

نووووووووووووونة الله يسلمك يا حبيبتي ..
ههههههههه بنتي سميتها فاطمة انا بكون امها لفاطمة غيرت اسمي في المنتدى على اسم بنتي ..

اه حبيبتي الله يخليلك اياها يارب انا كان قصدي اني اقولك يا ام فاطمة بس غلط مطبعي ههههههه
شو عاملة مع فطومة ان شا ءالله مدبرة امورك معها انا بلشت اتعود على الوضع مع ابني هلأ حبيبي صار عمره 22 يوم وان شاء الله يكون موضوع الرضاعة مش مغلبك ابدا ما تزهقي وضلي رضعيها منك وان شاء الله بتشوفيها عروس يارب واحسن البنات مثل ستنا فاطمة رضي الله عنها وارضاها

أأأأأألف أأأأأأألف مبروووووك وتتربى في عزكم ان شاء الله وتكون من الصالحات وبارة بوالديها آآآميييين