بسم الله الرحمن الرحيم


اخواتي الغاليات

انا اخر دوره لي كانت بتاريخ 14 رمضان
يعني 26 سبتمبر
والي حسبته انا مفروض اكون الحين بالاسبوع السادس
ورحت لدكتورتي
عشان اعرف عمر الحمل
وسوت لي الترا ساون
او سونار
المهم تفاجأت انا بكلامها
تقولي الرحم سميك
لكن مافي كيس جنين ماواضح شي
وعطتني موعد الاسبوع الجاي
سؤالي::
هل ممكن يكون مافيه جنين بالاصل؟؟؟؟؟
مع العلم اني سويت تحليل دم وطلع ايجابي
والفتره الي راحت كلها ماكان عندي
اي شعور بالوحم
اليوم بس حسيت عندي غثيان
بس ما حطيت فبالي ان الغثيان من الحمل قلت يمكن
بسبب اكلي اكيد اكلت شي ثقيل
يليت تجاوبوني...
.............

انا لما كنت حامل قالت لي الطبية ان فحص الدم يبين اني كنت حامل بس ما قدرت تشوف الكيس وعطتني موعد بس انا رحت عند طبيبة ثانية وشافت الكيس وطلعت لي صورة كان ف الاسبوع السابع او السادس

والله ما عندي فكره و وانشاءالله البنات يفيدوكي

حبيبتي دعوه شخصيه نصيحتي روحي لدكتوره ثانيه ولا تستعجلي باستنتاجك انا صحبتي الين ماولدت ماكان عندها وحام

و الله أخيتي ما عندي أي فكرة بس أدعي لك بأن تكون كل الأمور تمام التمام
ما تشوفين شر أخية

انا في حملي كانت نتيجة التحليل ايجابيه
لكن بالأشعه مابين شي لكن سويت بعدها اشعه مهبيله
واتضح الكيس
انت بالموعد الجاي اطلبي من الدكتوره اشعه مهبليه اوضح
الله يطمنك ويتمم لك على خير..

لا تحاتي فديتج انا تقريبا عمر حمالي اكبر من حمالج باسبوع وما يعرفون اذا كان فيه جنين لين ما يشوفون النبض
والنبض تقريبا يبين عند الاغلبيه بين السادس والثامن وفي ناس في بدايه الشهر الثالث

لا تحااااااااااتين شي طبيعي والله يفرحج به

الله يطمن قلبك ويتمم حملك يارب
غيري الدكتورة وان شاء الله يكون كل شيئ تمام

أنا لما رحت للدكتورة أول مرة وطنت تقريبا في الأسبوع الخامس ما سوت لي سونار وقالتلي ان البيبي ما راح يبين ،،، وما يسوى السونار ،،، وأول مرة أسويه كان في الأسبوع الثامن وسمعت النبض وحجم البيبي صغيييييير ،،، وأنصحج انك تنطرين للأسبوع الثامن على الأقل وان شاء الله كل شي تمام

حبيبتي دعوة شخصيه
إنشاء الله تكون كل أمورج زينه
أنتظري بعد 15 يوم و أرجعي سوي سونار