كانت اخر دورة عندي بتاريخ 4/10/2007 وبعد 18 يوم رجع نزل علي دم انا اعتقدت انها الدورة
مقدمة بس هالدورة ما كانت طبيعية لأن الدم خفيف ولونه غامق على سواد
وبعدين وقف الدم بعد يومين وما رجعت شفت شي وبعد يومين نزل دم احمر
وهكذا رحت عند الدكتورة عملتلي صورة صوتية مهبلية اكتشفت انه في كيس بالرحم وقالتلي ممكن
يكون حمل،
عملتلي فحص دم وطلعت النتيجة ايجابية.... يعني في حمل ولكن الحمل ضعيف وفي احتمال الاجهاض
المشكلة اني عندي بنوتة عمرها 9 شهور وبرضعها طبيعي وهي ابدا ما بتاخد حليب اصطناعي
والدكتورة قالتلي لازم اوقفلها رضاعة وبالفعل وقفت رضاعة بس انا جدا متضايقة عليها لأنها ما عم
تقبل حليب اصطناعي ابدا وبعد 5 ايام كان عندي موعد عند دكتورها (دكتور الاطفال) وسألته عن اسم
حليب مناسب.. لما عرف سبب الفطام قاللي ما ممكن الرضاعة تأثر بالجنين وعليكي بالاستمرار
بالرضاعة....
ولكن انا احترت وسألته اني صارلي 5 ايام موقفة رضاعة الا يفسد الحليب جاوبني الدكتور انه "ثدي
الام هو عبارة عن مصنع وليس مخزن" وهيك بس رجعت على البيت رجعت ارضعها وكأنه رجعتلي
روحي لأني كنت متضايقة من فطامها...
اسفة طولت عليكم بس يا ريت اللي صار معها متل هيك موقف تخبرني شو عملت....
بانتظار ردودكم
الروابط المفضلة