السلام عليكم ورحمة الله وبركاته
زى مانتوا شايفين يا بنات ولادتى قربت وبما إنى هولد قيصرى إن شاء الله فهنحدد معاد بدرى شويه عن نهاية الشهر التاسع يعنى قدامى كدة بالكتير 10 أيام من دلوقتى إن شاء الله
وأنا اليومين دول أعانى من حالة توتر وقلق بسبب خوفى من إن تجربتى الأولى تتكرر .. لأن طفلى الأول اتوفى بعد شهر من ولادته .. وبحاول أتغلب على الحالة دى بالدعاء والتوكل على الله
بس إنتوا أكيد عارفين وسوسة النفس والشيطان للبنى آدم ..
بيجيلى إحساس بالطمأنينة ساعات والأمل فى الله فهو الرحمن الرحيم الكريم وأنا أعلم ذلك جيدا
بس ساعات بحس إنى خايفة أفرح حتى وانا بشترى أى أغراض متعلقة بالطفل بكون خايفة ومتوترة
الحمد لله أنا واثقة فى الله إنه هيجرنى فى مصيبتى ويخلف على خير منها ويعوضنى خير فيما فقدت
بس برده محتاجة لدعاءكم ليا من قلبكم
وإن شاء الله هروح للدكتورة كمان كام يوم علشان نحدد ميعاد الولادة بالظبط .. وإن شاء الله لما أعرف هقولكم على طول
بس إدعووووووووووووووووووووللللللللللللللللللللللللللل لللى متنسوش
الروابط المفضلة