مرحبا خواتي شلونكم ..

بصراحة انا محتاره ومو عارفه اقرر لي الحين ..

انا الحين بأول السادس واول حمال لي .. يعني مادري عن أمور الولاده والمستشفيات اي شي ..

ومحتااااره وين اولد .. لأن ابي اثبت عند دكتور معين واهو اللي يولدني انشالله ..

وبصراحه انا محتاره ما بين د.رشمي اللي بالهادي ومابين د.الأفغاني بالمواساه ..

انا كنت مقرره ابي رشمي بس مراجعتي الاخيره لما رحت لها كانت تولد 3 حريم وانا كنت بالغرفه اللي فوق عند غرف الولاده .. وبهاليوم قررت ما اولد عندها لأن مو كلام اسمعه من فلانه وفلانه لاااا انا بنفسي كنت موجوده ووحده من اللي ولدتهم زلق منها البيبي وعلى طوووووووووووووول اول ما غسلوه حطوه بالاسعاف وطاروا فيه الرازي لأن صار فيه كسر بيده اليسار

أمبيييييييييييييييييييه تخيلوا الموقف !!!!

الله الحافظ طبعاً .. بس والله واااايد اسمع ان بالهادي فلانه وفلانه ولدوا هناك والبيبي فيه خلع ومن هالمشاكل ..

وبنفس الوقت اقول هم في ناس ولدوا والحمد لله مافيهم شي ..

والحين صرت محتاااااااااااااااااره ومادري وين اكمل مراجعاتي وعند منو أولد

محتاره ما بين د.رشمي ود.الأفغاني

شراااااااااااااااايكم ؟؟؟

وبلييييييييييييييييز يهمني رايكم ..

ما عندي فكرة لاني مش من الكويت بس حبيت استدعيلك ربنا يختارلك الافضل ويارب البنات يفيدوكم

نصيحيتي لج عن تجربه عيالي الاثنين بالسلام رووووووعه شويه عليهم
خببره وتقنيه ونظافه ومستوى راقي وتعامل ولا احلى
وفي دكاتره ممتازين شكثر
نجمه علي تولد
دعاء بس ماتولد
الشاذلي
وااايد دكاتره يهبلووون جربيهم زياره وشوفيهم ان شاء الله ترتاحين
حتى اسعارهم روووعه لا غالييين حيل ولا رخاص ورعايتهم بس كفايه
الله يرزقج الولاده السهله يارب

انا نفس حالتج والله وهذا اول حمل لي ولي الحين مو عارفه اي دكتور اختار

بس اللي اعرفه راح اولد بمستشفي السلام بأذن الله


والاخت ~lulu~ ماقصرت بالنصيحه


وعسي الله يسهل عليج وعلينا يارب

كتبت بواسطة في حب الله نلتق

ما عندي فكرة لاني مش من الكويت بس حبيت استدعيلك ربنا يختارلك الافضل ويارب البنات يفيدوكم

مشكوووووووووووووووره حبيبتي على الرد والاهتمام ..

كتبت بواسطة ~lulu~

نصيحيتي لج عن تجربه عيالي الاثنين بالسلام رووووووعه شويه عليهم
خببره وتقنيه ونظافه ومستوى راقي وتعامل ولا احلى
وفي دكاتره ممتازين شكثر
نجمه علي تولد
دعاء بس ماتولد
الشاذلي
وااايد دكاتره يهبلووون جربيهم زياره وشوفيهم ان شاء الله ترتاحين
حتى اسعارهم روووعه لا غالييين حيل ولا رخاص ورعايتهم بس كفايه
الله يرزقج الولاده السهله يارب

مشكوووووووووووووووره حبيبتي .. وانشالله بروح السلام وباخذ فكره عن غرف الولاده وهم عن الدكاتره .. مشكوووره يالغالية على الرد ..

بنات انا بقولكم عن تجربتي انا في ولدي ولدته اول يوم من التاسع ماشاء الله مستعيل على الدنيا والشقا
والحمدلله وزنه كان 3 كيلو بس المشكله سبحان الله رئته مو مكتمله بعد وتعب بعد الولاده
وصار خلال ساعتيييين ازرق يخرع وطبعا انا تقريبا انهرت
بس بعد رحمة الله وعناية الاطباء الي في السلام ورعايتهم الخاصه فييييييه وفريقهم الطبي
الحمدلله تحسن وصدقوني كان بالعنايه المركزه واصريت اني ماانقله الصباح لاني خفت يصير فيه شي بالطرييييج
كاان بروحه بالعنايه المركزه بالسلام وتخيلوا سترين وطبيب على راسه والله كنت اسسمي ويسمونه الملك فهد
من كثر الرعايه الحمدلله حتى لمه صار احسن وطلع من العنايه ساعدوه انه يرضع طبيعي وكنت من ولدت لين قدر يشرب بعد اسبوع
اعصر صدري يعطنوي علب معقمه واحط فييه الحليب ويخشونه حقه بالثلاجه عشان من يقرر الطبيب اي لحظه
انه يشرب ويتغني عن المغذي يعطونه صدري
كنت طول اليوم عنده تخيلوا مااقدر اشيله بس امسك ايده واقر ا عليييييه واسولف معاه
حتى الستتر تقول بس تيين يحاول يبط علينه ولمه تروحين طول الوقت نايم
طبعا مايبجي لنه مايحس باليوع من الدرب
عشت ايام مثل الكابوس
بس رعاية اطبا السلام وتطمينهم لي واتصالاتهم الي كانت بيني وبينهم خففت عني وااايد وااايد
حتى اليوم الي طلع فيييه حفله صارت كل الاطبه والسسترات والتصوير وحتى عقب مراجعاتي تخيلوا ولدي عمره 5 سنين الحين
ولي الحين اي مراجعه عندهم لي الحين يذكرووونه

كانوا يقشمرون معاااي كل ماادق على الدكتور اقوله ها دكتور شلون فهد يقول فهد ايييييه ده محصلش اووطه
ههههههه

الله يسر اموركم وان شاء الله ماتطيحون بمشكلتي بس بنات والله نصيحه
لاتستعيلون بالولاده على الاقل طوفوا اسبوعين من التاسع
عشان الرئه تكتمل معنه هي تكتمل بالثامن بس في اطفال يتاخرون شوي

واي سؤال عن المستشفى انا حاضر انا معاهم 10 سنين وكل شي اراجع عندهم انا وعيالي وريلي

أنا بعد هذا أول حمل لي وان شاء الله بولد في دار الشفاء لأنهم وااااايد زينين ،،أختي والدة عندهم بكل عيالها ووايد من أهلنا وأنا بنفسي كنت أشوف عنايتهم اشلون روعه للأم والياهل ،،، وهم مستشفى المواساة زيييين ،،ن بس أنا دكتورتي اتولد بالهادي ودار الشفاء بس ،،، وعن دكاترتج والله ما عندي فكرة عنهم

كتبت بواسطة chowchow 81

أنا بعد هذا أول حمل لي وان شاء الله بولد في دار الشفاء لأنهم وااااايد زينين ،،أختي والدة عندهم بكل عيالها ووايد من أهلنا وأنا بنفسي كنت أشوف عنايتهم اشلون روعه للأم والياهل ،،، وهم مستشفى المواساة زيييين ،،ن بس أنا دكتورتي اتولد بالهادي ودار الشفاء بس ،،، وعن دكاترتج والله ما عندي فكرة عنهم

فعلا دار الشفا وااايد يمدحونهم مرت اخوي ولدت عندهم بس دكتورتها فوزيه القطان
مااعرف اطبتهم بس وااايد مدحونهم يقلون في طبيبه اسمها هبه عندهم خوش وحده
بس انا ماجربت للامانه

[quote=~lulu~;4644925]بنات انا بقولكم عن تجربتي انا في ولدي ولدته اول يوم من التاسع ماشاء الله مستعيل على الدنيا والشقا
والحمدلله وزنه كان 3 كيلو بس المشكله سبحان الله رئته مو مكتمله بعد وتعب بعد الولاده
وصار خلال ساعتيييين ازرق يخرع وطبعا انا تقريبا انهرت
بس بعد رحمة الله وعناية الاطباء الي في السلام ورعايتهم الخاصه فييييييه وفريقهم الطبي
الحمدلله تحسن وصدقوني كان بالعنايه المركزه واصريت اني ماانقله الصباح لاني خفت يصير فيه شي بالطرييييج
كاان بروحه بالعنايه المركزه بالسلام وتخيلوا سترين وطبيب على راسه والله كنت اسسمي ويسمونه الملك فهد
من كثر الرعايه الحمدلله حتى لمه صار احسن وطلع من العنايه ساعدوه انه يرضع طبيعي وكنت من ولدت لين قدر يشرب بعد اسبوع
اعصر صدري يعطنوي علب معقمه واحط فييه الحليب ويخشونه حقه بالثلاجه عشان من يقرر الطبيب اي لحظه


ما شاء الله عليهم ،، بصراحه كل المستشفيات خدمتهم روعة ،،، بس أنا مضطرة مع دكتورتي وهم دار الشفاء وايد زين ،،، ودكتورتي اهيا دلال السالم عجييييييبه وخوش وحده ،،،، بس ترى مستشفى رويال حياه خدمتهم مو ذاك الزود وهذا كلام دكتورتي لأنها اتولد اهناك بعد بس ما تنصح لأن ( استافهم ) كله يدييييييييد من دكاترة وسسترات يعني كشخه جذي بس يبيلهم وقت حق الخبرة للكل ،،، حتى دكتورتي تقول عن السسترات انهم ماعندهم خبرة ولو وحدة تتوهق ودكتورتها مو موجودة علشان اتولدها السسترات يبهذلونها أهم شي الخبرة

هههههه وايد تكلمت ،،،، الله يخليلج فهودي وولدج الثاني الله يحفظه ما أعرف اسمه