بما اننا كلنا وكلنا بنحب بعض لله وفى الله وبما ان كل واحدة فينا بتقلق على اخواتها الباقيين وبهتتم باخبارها
انا عاوزة اقترح اننا نعمل نشرة اخبار للمنتدى ممكن تبقى شهريةاو اسبوعية عشان اللى بغيب فترة عن النت ويرجع تانى يعرف باقى اخبار البنات وكمان اللى ناوى يغيب يقولنا قبلها " يكتب لنا خبر يعنى" عشان ما نقلقش
واللى عنده مناسبة حلوة يقول عليها نبارك له وهكذا يعنى
وياريت يبقى موضوع ثابت
يعنى مثلا لو عملنا نشرة لاخبار الشهر الماضى هتكون كالتالى
اجرت الدكتورة لولا الجميلة وصديقة المنتدى عملية الحقن المجهرى ونجحت الحمد لله اتم الله عليها نعمته وكمل حملها على خير
ملاك لبنان وملاك المنتدى تم لها المراد بحصول الحمل والحمد لله بارك الله لها فى البيبى واتم حملها على خير
الاخت منارة الحياة تعرضت لموقف صعب بحدوث الحمل ثم الاجهاض و خسارة فرحتها ربنا يعوضها
كذلك الاخت افكار ابداعية اجرت الحقن المجهرى ولم يكلل بالنجاح المرغوب وانشاءالله تنجح عمليتها الجاية
اختفت كل من نونة المجنونة و ام عصام عن المنتدى الاولى لانشغالها بسلطان وراكان و الثانية لانشغالها بجميلتها سارة عقبالنا يارب بس مش نغيب عن المنتدى
الاخوات هنا و tm تستعدان للولادة بعد شهور قليلة يارب يقومو بالسلامة
هههههه انا كنت بجرب بس مش انا اللى هبقى المذيعة متقلقوش
انا بقى عاوزة اسال عن بيرى وفراشة مصر وتائهة راحو فين

والله ياملاك احلى فكره عن جد جناااااااااااااان والمذيعه انتي هههههههه
صحيح والله انا فاقدتهم

مرسى يا دندوشة وياريت لو عندك خبر عن حد اكتبيهولنا يعنى فى بنات بتبدل الايميلات وبتكلم بعضها ع الماسنجر فاللى يعرف اخبار حد من المختفيين يفتن عليه وليه منى جايزة هههههههههه
وبالمناسبة احب اقو ل خبر خطييييييير وعاجل
اصدرت الاديبة ملك المالكى ههههههه انا يعنى قصة قصيرة جديدة فى باب فيض القلم ارجو من كل الاخوات يروحو لهناك ويقروها ويكتبولى تعليقاتهم عليها

أزيك يا ملوكة عاملة أيه يا حبيبتى يسلم ذوقكك بصراحة فكرة جميـــــــــــــــــــــــلة قوى وأحنا معاكى وحدخلك أقرا قصتك وأقولك رأيي أنا كمان قريت أشعارك اللى بتكتبيها وعجبنى اللى كتبتية ل سارة بنت أم عصام عقبال متكتبى لولادك يااااااااااااااااااااااارب أنتى جميلة وذوقكك جميل وانا بنبسط قوى لما بشوفك منورة يا قلبى هنا يارب علطووووووووووووووووول .

فكرة حلوة ....بس انا ما بعرف اخبار عن حد الا اذا هو حكى
يعني ممكن اخبر عن حالي
بكرة ابني عمر رح يدام اول يوم بالحضانة

فكرة كثيــــــــــــــــــــــــــر حلوة يا ملك ..

وعقبال ما نكتب خبر حملنا يـــــــــــــــــــــــــارب يــــــــــــــــــــــــــارب..

وأنا عن نفسي لس ما فيه عندي أخبار بس يكون عندي شي خبر راح أكتبه ان شاء الله ..

تى ام حياتى... الله يخليكى ليا ويارب تقوميلنا بالسلامة وتجيبلنا احلى جود وعلى فكرة الاسم عجبنى قووووووووووى وهاكتبلك ليها قصيدة مخصوص عشان خاطرك
مَنّ السميع علينا...... وادّانَا أجمل جود
بعد ما كتير نادينا ........وقولنا يا موجود
ارزُقنا....... من طبعك كرمك ملوهش حدود
والدعوة عليت ووصلت.... وكانو الملايكة شهود
وانفتح لها باب.... عمره ما كان مسدود
ولبيت يارب ندانا..... يا ذو الكرم ممدود
ما لقينا شكر يكفّى ... غير نطلق عليها جود

olacat مبروك لعمر وعقبال ما يروح الجامعة

الفكره جميــــــــــــــــله جدا جدا .. .. ..

وأما عن اخباري
قبل اسبوع عملت سونار وطلعت معي بنوته
أفكر اسميها (زيـــــــــــــــــنب)....

فكرة حلوة يسلموا