السلام عليكم ورحمت الله وبركاتة
اللي تأخروا في الانجاب بعد ولادة سابقة خلونا نتشارك همومنا في سبب التأخير واطفالنا الطفشانين في المنزل ويراقبون حمل امهاتهم الله يخليكم ابغى تفاعل وحلول مشاكل
للبحث في شبكة لكِ النسائية:
|
السلام عليكم ورحمت الله وبركاتة
اللي تأخروا في الانجاب بعد ولادة سابقة خلونا نتشارك همومنا في سبب التأخير واطفالنا الطفشانين في المنزل ويراقبون حمل امهاتهم الله يخليكم ابغى تفاعل وحلول مشاكل
انا بصراحة عندي ولد عمرة خمس سنوات والان لي ثلاث سنوات ماحملت والسبب ان البويضة ماتطلع من الكيس مع ان التحاليل كلها سليمة
أنا عندي بنتين الأولى عمرها 6 سنوات ونص والثانية 3 سنوات
ولي 5 إجهاضات بعيد الشر عنكم في 3 منهم كانوا الأجنة يموتون
بالشهر الرابع مشكلتي مع بنتي البكر واللي ذابحتني
وهي تحن علي يمه ليش ما تجيبين لنا يوسيف ؟
ومرة تقول يمه أنا قلت حق صديقاتي إنه عندي بالبيت أخو أسمة يوسف
وما تدري إنها بكلامها هذه قاعدة تذبحني
انا عندي ولدين ولد عمره تسع ونص ولد عمره خمسنين وشهرين
ونفس المعانات اعانيها مع الكل الناس اهل زوجي الكل يقولي متى بتحملين لين ولدج يدخل الجامعه
انا كنت اخذ حبوب منع الحمل لمدت ستنين و9 شهور وتاركتهم من سنه وشهرين كانت مسببتلي كسل بالتبويض
ولكن بعد علاج دام 4 شهور تحسنت امري والتبويض عندي صار الحمدلله تمام
تحاليلي سليمه الحمدلله الحين وقفت العلاج لاني مليت الصراحه وطقت جبدي من التفكير وصرت مابي وله احد يكلمني عن الموضوع
وطنشته تماما الحمدلله احس نفسيتي حيل ارتاحت واحسن من اول
وناطره الفرج من الله
حبيبتي لولو والله لو نفتك من كلام الناس وقرهم كان أحنا بخير تخيلي أنا مع المعانات اللي أنا فيها راح أقول لك شنو قالوا لي وأكيد راح تضحكين تدرين قالوا لي إني معاي عصافير بالبطن تذبح الأولاد
بالله لو إنك تسمعين هالكلام اشراح يصير فيك ...
وهم لما أجهضت آخر مرة وكانت بنت ما تغيرت هذي الفكرة !!!
يالله الواحد ما يقول غير حسبنا الله ونعم الوكيل
ربي يرزقكم ويفرح قلوبكم انا حاسة فيكم لاني كنت مثلكم وربي فرح قلبي بهالشهر ان شاء الله ربي يفرحكم مثل ما فرحنا قولوا امين
وانتي صاجه فعلا كلام الناس مايرحم الله يعوضنه خير على صبرنا
وانا ماارد عليهم لان محد يدري عني والكل فاهم اني لي الحين اخذ حبوب منع الحمل
محد يدري غيركم عشان محد يدووخني بالاسئله وشصار وماصار
وكله اقولهم لا تو الناس مابي عيال الحمدلله الله عطاني اولاد
ومن هالكلام انتي عارفه الله كريم ياام يويو ان شاء الله تشوفين يوسف قريب ياقلبي ويفرح قلبج فيه
انا ولدي كل يوم ماما اخوي في بطنك يقطع قلبي بكلامة ويشوف عيال اخواتي كلهم عندهم اخوان الا هو وفي البيت دايم قلقان وطفشان والناس بدت تظايقني ولدك كبر يالله احملي جيبي له اخو ودايم اجاوبهم مابعد كتب الله يارب ترزقنا
تخيلي إني مو قايلة حق أحد إني حامل إلاّ حق أمي وخواتي ومنبه على زوجي إنه محد يعرف بحملي
على الأقل لمّا أعدي الرابع ...
الله كريم يثبت حملي ويرزقك يا لولو بالبنت الصالحة اللي تفرح قلبك يا رب
بس يا عمري ليش ما تستمرين على العلاج ميخالف أدري إنك مليتي بس الله ما يضيع تعب مسلم
والله سبحانه وتعالى مثل ما خلق الداء أوجد له الدواء
ما أدري أنا من رايي تستمرين على العلاج وما تيإسين وأولاً وأخيراً خلي أملك واتكالك على الله
وعليك بقراءة سورة البقرة تراها فعلاً عظيمة والله يرزقك ويرزقنا من فضله
الروابط المفضلة