السلام عليكم ورحمة الله وبركاته
كيفكم بنات والله اشتقت لكل شي بالمنتدى ودخلت مشان اكتبلكم قصة ولادتي وان شا ءالله اكملها بنفس الصفحة لانه بتعرفوا الاطفال وانشغالنا معهم اول ايام
شوفوا يا صبايا
انا دائما ولادتي من قبل بتكون طويلة وعن طريق الطلق الصناعي لانه بصير عندي دايما ضغط حمل فهذه المرة كمان نفس الشي صار عندي الضغط وارتفع بشكل كبير اخر ايام وكان بده الدكتور يولدني قبل العيد لكن استقرت الامور الحمدلله
المهم يوم 18 /10 كان اربعاء كان عندي مراجعة عند الدكتور عشان نتفق بأي مستشفى بدي اولد واجراءات الولادة ومن هالحكي واختكم اول ما دخلت العيادة كان را ح يغمى علي من الخوف خايفة من كل شي الولادة والفحص وحتى الممرضة كنت خايفة منها وكأني بدي اولد لاول مرة واول ما الدكتور شاف البيبي بالسونار طمني انه كل اشي تمام لكن الضغط يحتم انه اروح المستشفى واولد اليوم قبل بكره وانا صرت اذرف الدموع وخليت جوزي والدكتور والممرضة كلهم بدهم يبكوا وصار الدكتور يقنعني انه اولد بسرعة وقرر دخول بنفس الليلة وبدا المشوار.....
رجعت ع البيت عشان اخد حمام واجهز نفسي وقبلها ميلت للسوبر ماركت اخدت كل اشي بحتاجه بالمستشفى من اغراض وصليت بالبيت العشاء ودعيت شوية ادعية واتوكلت على رب العالمين ورحنا المستشفى انا وجوزي واخدت صديقتي مرافقة وكنا بالمستشفى الساعة 11 ولما وصلنا الطبيب المناوب اخذ معلوماتي كلها وانا مطمئنة اني رايحة بس اعمل دخول ويقيسوا الضغط والصبح زي ما فهمني الدكتور ببدأولي بالطلق الاصطناعي عن طريق التحاميل وبحلم بنوم عميق استعدادا للمهمة الصعبة بعد ما خلصنا اجراءات الدخول نادى علي جوزي وقاللي دكتورك بستناك فوق انا ساعتها كان في عقل وطار من الخوف وصرت اعيط واقول طيب ما اتفقنا على بكره ليش جاي الليلة وطلعت وانا اجر اذيال الخيبة ودخلت للطابق سلمت وشفت الدكتور وصرت مثل الاطفال اترجى فيه يخليها للصبح وهو يطمئن في ويضحك ويقول والله مارح تعرفي تنامي ف خلينا نبدالك هلأ احسن وكانت الساعة وقتها 12 الا ربع ليلا
من هنا نبدا الجد عمل كشف داخلي والمفاجأة كانت انه عندي توسع 2سم انا لما شفت هيك فكرت فيهاوقلت 2سم يعني بداية كويسة والفحص ولاول مرة ما بتألم كتير منه فاتوكلت على ربنا وضليت اطمن نفسي فقال الدكتور مارح احط تحاميل رح نقص مية الراس برضه رجعت خفت وقص الماي نزلت وبدا الوجع المزبوط القوي وفيه هذه اللحظات تذكرت موضوع اخت الله يجزيها الخير دنيا واخرة كانت نقلته لمنتدى لك عن ولادتها انه ولدت بلا الم بسبب الاستغفار وبديت استغفر ربنا طول ما الطلقة تؤلمني ووالله يابنات انه لها فعل البلسم الشافي ياسبحان الله والله اني لا ابالغ بالعكس تمنيت انه ربنا يصبرني اني ابقى استغفر طول مدة الالم وكان جوزي موصيني اقرأ الفاتحة ولما كان يذهب الالم اقرأ الفاتحة والحمدلله لساني ظل رطب بالذكروقراءة سورة الفاتحة وصديقتي قالتلي بعدين انه لما كنت استغفر واقرا كانوا اللي يطلقوا معي بالغرفة الله ينزل عليهم الهدوء ويبطلوا صراخ سبحان الله
وطول الوقت كنت اتابع الطلقة ووقتها بالساعة لما صارت الساعة 1 اجت الدكتورة فحصت والمفاجأة انه صار التوسع 4 سم ففرحت جدا برغم الالم وانا برضه استغفر واقرأ الفاتحةالى ان صارت الساعة 1ونصف جا الدكتور وفحص التوسع ما شاء الله ذهلت انه صار 7سم وانا كل ما اتوجع افرح اكثر واقول قربت خصوصا لما عرفت انه صار التوسع هيك
والان بس اقوم على ابني بلش السمفونية برضعه وبرجع ان شا ءالله بتكملة القصة مع اني حسيت اني طولت كتير بس بعرفكم مثلي بتحبوا التفاصيل

حمد لله عل سلامتك حبيبتى يتربى بعزك ان شاء الله

هههههههههههههههههههههههههههه في الحقيقة ضحكتيني مابكذب عليكي
بس الف الحمدلله على سلامتك والف مبروك ويتربى في عزكم ان شاء الله

ما شاء الله تبارك إن شاء أسوي مثلك والله ييسر لي

اكمل لكم باقي القصة
بعد ماصار التوسع 7 سم دكتوري قال للدكتورة المناوبة خلص رح ادخلها غرفة الولادة وهي مارضيت قال لا بدري (شكلها ما بدها تستنى كتير معي مستعجلة )دكتوري صمم ودخلت الغرفة وانا مشاعري مختلطة مبتهجة انه بدي اخلص وخايفة من الالم وارتفاع الضغط لاني ببنتي الكبيرة صار عندي نزيف بسبب ارتفاع الضغط
المهم وقتها اختفى الالم وانا خفت ابدى وجع من جديد بس الحمدلله ما طولت قالولي ادفعي دفعت اربع مرات والرابعة طلع يحيى وحطوه على بطني وشفته وسمعت صوته لكن شعوري كأني بحلم يعني ما صدقت اني ولدت من كتر الخوف ولماولدت كانت الساعة 2 الا ربع يعني ولدت ولادة سريعة جدا الحمدلله ولكن تبهدلت بعدها بهدلة نفس المغذي اللي فيه الطلق حطولي اياه لمدة ساعة ونصف عشان ما يصير عندي نزيف ومتت من الالم وبعدها اتصلت بالدكتور وفهمني انه هاد لمصحلتي ولكن صار عندي نزيف ونظفتني الدكتورة مرة تانية وبعدها مشت الامور وصارت ولادتي قصة وللان مش متخيلةاني خلصت من رعب الولادة واشكر رب العالمين ليل نهار على النعمة
اوصيكم يابنات الاستغفار والفاتحة وان شاء الله بتكون يسيرة وسهلة وسريعة
بالمناسبة انا موعد ولادتي المفروض 8/11 بس الحمدلله خلصت
ما نسيتكم يابنات من الدعاء والله وخصوصا ملاك لبنان لاني قبل ما رحت قرات بالمنتدى موضوعها انه كان عندها نزيف بس لما رجعت اطمأنيت انه امورها تمام
وتوتة توتة خلصت الحدوتة

كتبت بواسطة فرشى التراب

حمد لله عل سلامتك حبيبتى يتربى بعزك ان شاء الله

تسلمي حبيتي الله يخليك

كتبت بواسطة @han

هههههههههههههههههههههههههههه في الحقيقة ضحكتيني مابكذب عليكي
بس الف الحمدلله على سلامتك والف مبروك ويتربى في عزكم ان شاء الله

طيب كويس انا كمان بضحك لما اتزكر الموقف بس ساعتها ياويليييييييي
بس ما قلتيلي على ايش بالزبط ضحكتي؟
وتسلمي والله يبارك فيك يارب

كتبت بواسطة SPRAY

ما شاء الله تبارك إن شاء أسوي مثلك والله ييسر لي

ان شاء الله بيسرها عليك حبيبتي وتزكري دائما الاستغفار

الحمد لله على سلامتك
وماشاء الله ولدتي بدري قبل الموعد وارتحتي

حبيبتي حمد الله على سلامتك انت ويحيى ويا رب يكبر وتفرحين بزواجه.. وما شاء الله على ولادتك يا رب يرزقنا ولادة مثلها وحلو ان تنجبي قبل الموعد لأن الشهر الأخير اعتقد يمر ثقيل علينا.. شكرا على نصيحتك بالاستغفار وبركة تلاوة سورة الفاتحة ويا رب يجي اليوم الذي افعل مثل ما فعلت وأنا بصالة الولادة يااااااا رب..