سؤال للمصريات الحوامل

سلام عليكم
ده اول حمل ليا ادعو لي ربنا يثبته و يكلمه علي خير ويرزقني ولدا معاف

السؤال هوه مين عندها فكرة عن منتجات ماذركير بتتباع فين علشان انا عايزه اجيب جيبه للحمل و مش بنطلون بس انا مش عارفه مكانهم و ياريت لو في اي مكان تاني ممكن الاقي فيه الجيبه دي

شكرا

ربنا يثبت حملك ويرزقك بالطفل السليم
بس الحقيقه انا معنديش علم
اكيد هتلاقى حد تانى يفيدك ان شاء الله

والله يا حبيبتى انا مصرية بس من سوهاج مش من القاهرة بس حابة اعرف اماكن بيع تكون اسعارها كويسة فى القاهرة زيك -ياريت حد يفيدنا

يا مصريات .... مافيش ولا واحده عارفه الاقي طلبي فين ... برجاء الرد

انا مش من مصر
بس انصحك فصلي توب و خطيه بزوقك
و حتكون ارخص ان شاء الله

اهلا بيكي حبيبتي

انا اعرف ان منتجات مذر كير في سيتي ستارز في مدينه نصر

لكن كمان في في مدينه نصر محلات كتير ممكن تلاقي فيها كل اللي عوزاه

زي كيدز بارك ولافلي وشايلد مول دول كلهم في اخر مكرم عبيد علي صف واحد وعندهم لبس حوامل حلو

والله يثبت حملك

في سيتي ستارز في المرحله الجديده في توكيل جديد لمزر كير
و كمان في عباس العقاد هتلاقي محلات كتيييره فيها مزر كير و كمان في الصيدليات زي العزبي و عبد المقصود

الف مبروك

لفلي ...عباس العقاد / كيدز بارك... اخر مكرم عبيد / لولي بوب... عباس العقاد / عالم سمسم ..مصطفى النحاس /وفي ستي ستارز / وكل مول اكيد فيه لبس للحوامل والبيبيهات
والف مبروووك الحمل وربنا يتملك على الف خير ويارب اكون افدتك

ميرسي ي جماعة لكل اللي ردوا عليا جزاكم الله خيرا