الى مشتاقه البغداد

**mufaszia** · 22-10-2007, 03:09 AM

اني كلش يعجبني أتعرف عليج لأ اني صدك مشتاقه البغداد والأكثر اريد أعرف شلون أجه ابالج هذا الأسم أحلى أسم من أقره أسمج أمشاركه أو راده على وحده بس أفتح الرد وبقى صافنه على أحلى لقب لأن أني بغداد بدمي ويه عايشه وأكيد أنتي من أختاريتي هذا اللقب أنتي مغتربه وبعيده عن بغداد الحبيبه وأني الوحيده الي أشعر بهاذا اللقب لأ أني هم بعيده عن حبيبتنه صدقيني من ده أكتب دموعي نزلت بس أسمع اسم بغداد وما أشوف أحلى من أسم بغداد عاصمه في العالم وطبعأ ايشرفني اتعرف عليج بعد موفقتج طبعآ؟ وسلامي

**مهندسة عراقية** · 22-10-2007, 08:02 AM

يا حبيبتي دخلت دا اقره مواضيع وأرد عليها بعد غيابي بسبب الوحم وكوة دا اصبر نفسي وكاعدة على أعصابي هسة بس حبيت (اتطفل) وأدخل موضوعج وكنت متأكدة انتي عراقية ومغتربة.. آآآآآآآآآآآآه يا حبيبتي الله لا يكتبها لا على كافر ولا على مسلم هاي الغربة اللعينة اللي حتى ما تخلي عدنا أمل ان نشوف اهلنا شهر او شهرين بالسنة.. يعني المغتربين هواية من الدول العربية والكل ينزلون بإجازة الصيف بس احنا نبقى نتحسر ونتصبر.. والله يا حبيبتي حياتنا ما الها طعم بس شنكول؟؟ الله يصبرنا ويحمي كل أهلنا ببغداد الحلوة المظلومة وبالعراق العظيم اللي كثرت سجاجينة.. الحمد لله على كل حال..
حبيبتي أهلا بيج ويانا بالمنتدى وتره مشتاقة لبغداد وردة مال الله وهسة تحبيها من تعرفيها ويا رب يجمعنا على خير.. متأسفة على تطفلي بس الحنين ما خلاني الزم نفسي..

**مشتاقة لبغداد** · 22-10-2007, 10:55 AM

هلا والله بحبيبتي شلون ما اريد اتعرف على واحدة من اهل بغداد والله ياريت اتعرف عليج اكثر لان الغربة تكتل بصراحة اني اول ما شفت المهندسة العراقية طرت من الفرح كلت واحدة من اهل بغداد موجودة

اما بالنسبة الى الاسم (مشتاقة لبغداد) بصراحة من اكثر ما مشتاقة تصدكين صارلي متغربة سنة وسبعة اشهر ولحد الان ابجي على بغداد واهلي حتى من كثر البجي صار عندي ارتفاع بهرمون الحليب واني على اتم الاستعداد للتعرف عليج

اما بالنسبة (للمهندسة العراقية ) الله يسلمج والله انت الوردة ودائما بالي يمج اكول بلكت يتعدى على خير حملها ونسمع قصة حملها وما تشوفين الا الخير لان احنا اهل الخير
وتسلمون احبائي يا ريحة اهلي الطيبين

**mufaszia** · 22-10-2007, 07:26 PM

مرحبا بنات أشكركم على هل الردو الحلوه وأريد أقول الى مهندسه عراقيه انتي تدخلين بدون أسئذان نحن أنشاء الله أخوه ولا أعرف ماذا أتكلم يسعدني كثيرآ أني تعرفت عليكم وأقول الى مشتاقه البغداد انتي شهدتي أحداث العراق لأن توقولي حسب مافهمت أنكي فقط سنه وكم شهر أني طالعه من العراق صار 6سنوات عفت بغداد جنه وأنا مغتربه بسويد والحمد لله على كل شيئ ماذا نفعل على كولت أهلنه قسمتنه هيج ومره ثانيه مرحبه بيكم وأنا جدآ سعيده بمعرفتكم