انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 6 12345 ... الأخيرالأخير
عرض النتائج 1 الى 10 من 59

الموضوع: تجهيزات وحدة من الأخوات لأغراض البيبي تبعها

  1. #1
    تاريخ التسجيل
    Mar 2007
    الموقع
    جدة
    الردود
    6,259
    الجنس
    أنثى

    تجهيزات وحدة من الأخوات لأغراض البيبي تبعها

    بسم الله أبدا موضوعي وانشالله يعجبكم، بس بليييييز من البداية أدري بحصل انتقادات و(البعض) بقولون هالشغلة مثلا مو مهمة ومالها داعي، للتوضيييييح انا كاتبة تجهيزاتي انا واللي شفت انها ضرورية بالنسبة لي، وكل وحدة ((على راحتها)) تختار اللي يناسبها واللي ما تبيه لا تشتريه بس لا تهاجمني هههههههه..
    عالعموم بكتب كل اللي أذكره وانشالله ما أكون نسيت شي..

    أغراض البيبي
    بالبداية أحسن ماركات لأغراض البيبي هي Avent و Chico ولكي حرية الاختيار


    1-سرير لغرفة النوم<<< انا بحط سريره في غرفة نومي ولذلك خذيت سرير يناسب لون أثاث غرفتي


    2-سرير صغير(سلة) عشان تحطينها في الصالة، وممكن يكون تحتها ستاند وعجلات أحلى وعملية أكثر، وبفترة النفاس عند أهلك هالسلة راح تستخدم كسرير للبيبي ولما تردين بيتك استعملي له السرير الكبير.


    3-طاولة تغيير تكرمون للحمام، وتكون بلاستيك وفيها أماكن لوضع الشامبو والكريم وأغراض التغيير وأكو نوع أخذته يكون فيها حوض لسباحة البيبي يكون عملي أكثر.


    4-فوط أحجام كبيرة وصغيرة، كثري الفوط لأن بتحتاجينها وايد.


    5-فوطة للسباحة تصير مع كبوس.


    6-اسفنجة طبية لمسح جسم البيبي.


    7-فوط صغيرة ناعمة تستخدم كليفة لسباحة البيبي.


    8-غطاء كامل للبيبي عشان اذا بتطلعينه خصوصا من المستشفى للبيت، أحتاجه لأني بولد بالشتاء انشاء الله، وهو يصير مثل بيت للبيبي يغطيه كله ويدفيه.


    9-بجامات(بربتوز)<<<< كثري لأن المولود تكرمين يرجع وايد وكل شوي تغيير.


    10- بدلات حلوة ( لا تكثرين لأن اييون وايد هدايا) وما راح يحتاجهم وايد.


    11- فنايل قطن اخذي وايد حفر ونص كم.


    12-مهادات قطن.


    13-شراشف قطن خفيفة خام فنيلة اشتري وايد عشان كل شوي تغيرينهم تحت البيبي، منها أريح له لأنهم قطن ومنها انك مو كل ما وسخ الشرشف تبدلين الكفر والحوسة، بس تبدلين هالشراشف القطن.


    14-كفر كامل مع مخدته وحوسته حق سرير البيبي.


    15- لحاف عملي يدفيه للبيت، وواحد ثاني أكشخ شوي عشان الطلعة.


    16- الفوطة الخفيفة اللي تصير نايلون من الجهة الثانية، عشان اذا كنتي طالعة تفرشينها وتغيرين للبيبي عليها، وتستخدم للبيت بعد اخذي 3 تقريبا.


    17- اسفنجة كبيرة لوضع البيبي عليها أثناء تحميمه.


    18- لمبة صغيرة خاصة بسرير البيبي تركب عليه إضائتها خفييييفة ما تزعجك بليل بس عشان اذا صاح بليل تقومين تشوفين ما يكون ظلمة مرة وحدة.


    19- الألعاب اللي تعلق فوق فراش الطفل( اللي تفتر وتطلع موسيقى) عشان تدوخه وينام .


    20- ستة إلى 10 رضاعات (مميات) بلااااستك لا تاخذين زجاج لأنها ثقييلة وأول ما تطيح منك تنكسر، خذيت Unti-Colic مضادة للمغص والغازات، ماركة Chico وفيها فتحة من فوق عشان تطلع الغازات وما تعور بلاعيم البيبي وهو يمص، وايد عملية وصحية والأطباء ينصحون فيها.


    21- حلمات زيادة للرضعات عشان تغيرينهم كل فترة أحسن.


    22-ملقط كبير بلاستك خاص لمسك الرضعات والحلمات وهي حارة بعد التعقيم.


    23-ستاند بلاستك لوضع الرضعات النظيفه فيه حتى تنشف، خذيته أيضا من Chico


    24- غلاية الرضعات( المعقمة) اخذي اللي بالبخاار ولا تاخذين اللي بالميكروويف مو زين اشعاعات عالبيبي تضره.


    25- سخانة الحليب، يعني أحيانا وانتي ترضعين البيبي يغفي 5 دقايق ويقوم الا الرضعة بردت وما يبيها، في هالدقايق ممكن تحطينها في السخانة وبعدين يكملها، وهي صغيرة بحجم الرضعة، ومعاها صحن اذا كبر شوي تستخدم لتسخين أكله وخذيتها ماركة Chico


    26- مقسم الحليب البلاستك، اللي يصير في كل طبقة مقدار رضعة وحدة من الحليب البودرة، ويفيد وايد بالطلعة وللبيت بعد، في الغالب يكون من 4 طبقات.


    27- مصاصة(لهاية) اخذي 3 ولا 4.


    28- baby monitor الجهاز اللي مثل اللاسلكي واحد عندك وواحد عند البيبي عشان اذا كان بغرفه ثانية تسمعينه اذا كح ولا صاح.


    29- فوط للكتف، وتصير طوالية تباع بمذركير وهي خاصة عشان تكرمون تكريع الطفل بعد الرضاعة عشان ما يوسخ ملابسك.


    30- صداري للبيبي، واخذي عمليين للاستعمال اليومي تصير خام فوطة ووراها نايلون عشان مو كل شوي ينقع ملابسه وتغيرين الصدرية بس، والعاديين اللي مرتبين وما فيهم نايلون يصيرون للطلعة وجدام الناس ممكن بس اللي وراهم نايلون وايد أحسن للاستعمال اليومي.


    31- كبابيس، دسوس يد، ودلاقات.


    32- مطارة خاصة للبيبي للماي الحار عشان رضعاته.


    33- غلاية للماي خاصة لغلي ماي البيبي.


    34-علبة بلاستك كبيرة بغطاء لحفظ الحفاظات.


    35- علب بلاستك صغيرة لحفظ قطن التغيير وأغراض البيبي.


    36-سلة صغيرة لملابس البيبي المتسخة.


    37-خزانة من أدراج لأغراض الطفل.


    38-فرشة كبيرة خاصة لتنظيف الرضعات، وثانية صغيرة لتنظيف الحلمات.


    39-مقياس درجة حرارة الطفل بالأذن.


    40- أغراض البيبي (شريتهم بجنطة كاملين من مذركير) اللي هم مقراضة أضافر، مبارد، مشط، بروش، شفاطة لتنظيف الأنف، مقص صغير.


    41- أغراض العناية للطفل: شامبو، صابون، شور جل، كريم، كلونيا، baby oil ، قطن أذون، قطن تغيير، مناديل رطبة للتغيير، كريم سيباميد للحفاظ، بودر<<<< مادري اذا نسيت شي روحي قسم الأطفال بالجمعية وبتلقين كلشي جدامج


    42- لا تشترين الحفاظات ولا الحليب للطفل، لما تولدين سألي طبيب الأطفال بالمستشفى وهو بقولج الماركات اللي تناسب طفلج.






    أغراض النفاس للأم
    1- شفاطة الصدر( خواتي اللي جربو يقولون أحسن شي ماركة Avent الوحيدة اللي ما تعور)


    2- قطن للصدر للحماية من اتساخ الملابس بالحليب.


    3- ستيانات رضاعة مفتوحة من الأمام.


    4- مخدة للرضاعة على شكل U وايد مريحة تباع بمذركير تسند الطفل وتريح للرضاعة.
    5- كريم للصدر يقي من تشققات الحلمة، جربي Avent


    6- قمصان نوم للمستشفى والنفاس، مع بجامات مريحة تدفي ونعال للقمصان.


    7- بنطرونات سترش داخلية( الوالدة لازم تتدفى على طول) واذا بتولدين بالشتا اخذي داخلي كامل البلوزة والبنطرون.


    8- ملابس داخلية ( شلحات، سراويل) واللي تحتاجينه.


    9- دلاقات يدفون.


    10-كفر كشخة للمستشفى.


    11- شغل العطار الحسو والحلبة وهالسوالف (في الغالب هذي وظيفة أمج الله يحفظها)...




    شنطة المستشفى



    3قمصان


    بجامة مريحة لوقت النوم


    تكرمين نعال


    ملابس داخلية كاملة


    ستيانات رضاعة، وسراويل اللي تستخدم مرة وتقطينها تباع في مذركير


    فوط صحية أكبر حجم لبعد الولادة الماركة اللي تفضلينها


    دلاقات تدفي


    make up


    عطر أو دهن عود


    منظرة صغيرة


    سشوار (لا تطلعين جدام الضيوف بكشتج تفشلينا)


    ربطة شعر


    أغراض العناية، اشتري الأحجام الصغيرة عشان ما يزحمون الجنطة ( شامبو، كريم، ديودرانت، ليفة، مشط، فرشة أسنان ومعجون).



    تراشي حلوين (حلق) خذيت كرستال شوارفسكي ناعمين وممكن ذهب براحتج.
    جاكيت يدفي يمكن تستبردين


    شاحن الموبايل


    كاميرا فيديو وعادي(حسب الرغبة) اذا تبين يصورون البيبي بأول أو ثاني يوم.


    أغراض الطفل، اخذي جم بربتوز وصداري وكبابيس ودلاقات ومهادات، وكفر عشان اذا بغيتي تطلعينه تلحفينه، أما أغراض التغيير الحفاظات وأغراض الرضاعة ما راح تحتاجينهم لأن المستشفى برضعونه ويغيرونله.


    وبعد ما تجهزين جنطة المستشفى خلي يمها عباة وملفع ونعال جاهزين في حالة أي طارئ، وعلمي زوجج بمكانهم.




    شنطة تجهزينها قبل لا تروحين المستشفى لوقت الولادة صغيرة وفيها..

    كتيب لأذكار وأدعية الولادة (انا شريت كتيب اسمه الإفادة في ما جاء في ورد الولادة).


    بسكوت، عصير.. أي شي خفيف


    رطب


    الأوراق الرسمية (بطاقتج وبطاقة وزجج المدنية- عقد الزواج- كرت المستشفى) وأي أوراق تحتاجينها.


    موبايلج







    وأخيرا..

    أول ما تحسين بألم الطلق اخذي شاور دافي اذا زاد الألم معناها طلق صجي وولادة واذا خف ارتاحي تو الناس، وبالشور احلقي المنطقة الحساسة وكوني مستعدة.. وبعدين اكلي رطب، اقري سورة مريم والزلزلة والشرح وأدعية الولادة وتوكلي على الله والله يسهل عليج وعلي وعلى كل وحدة حامل يا رب

    وأرجوو اللي تقرا الموضوع وتستفيد تدعيلي لأني وايد تعبت عليه، والله يسهل للجميع



    منقووووووووووووووووووووووووووووووووووووووووووووووو ووووووووول
    آخر مرة عدل بواسطة نونةالمجنونة : 21-10-2007 في 04:03 AM

  2. #2
    تاريخ التسجيل
    Oct 2007
    الردود
    131
    الجنس
    ذكر
    يعطيكي العافية والله يقومك بالسلامه,,انا لسه ما حملت بس قراتهم وخزنتهم عندي لحد ما احمل انشالله,, ادعيلي

  3. #3
    تاريخ التسجيل
    Apr 2006
    الموقع
    الامارات بعيدة عن عراقي
    الردود
    1,620
    الجنس
    امرأة
    مشكورة اختي وجزاك الله خيرا ..
    فعلا استفاديت من هل موضوع وبيه شغلات مهمة الواحد ما يتذكرها ..

  4. #4
    تاريخ التسجيل
    Sep 2007
    الموقع
    الكويت
    الردود
    260
    الجنس
    أنثى
    موضوع راااااااااااااااااااااااااااائع تسلمين حبيبتي...فعلا هذي الشغلات اللي تحتاجها الحامل واللي ماتحتاجها بعد بس خوووش موضوع

  5. #5
    تاريخ التسجيل
    Sep 2006
    الموقع
    في nabd-islam
    الردود
    4,543
    الجنس
    امرأة
    موضوع راااااااااااااااااااااااااااائع تسلمين حبيبتي...
    جزاك الله خير

  6. #6
    تاريخ التسجيل
    Oct 2007
    الموقع
    الدمام
    الردود
    8
    الجنس
    الله يعطيك العافيه كنك حاسه فينا انا بكريه وابي اجهز للمولود ومو عارف شاخذ مشكوره

  7. #7
    تاريخ التسجيل
    Feb 2004
    الموقع
    أعيش في نعمة من ربي
    الردود
    980
    الجنس
    أنثى
    جزاكي الله خيرا كما قالت الأخت دفا الليل بالموضوع حاجات تحتاجها الحامل واللي ما تحتاجها بعد
    صراحة استفدت كتير وفيه حاجات أخرى لا أرى لها أهمية قصوى
    لكن على كل جزاكي الله خيرا يا نونة وربنا يقومك بالسلامة

  8. #8
    تاريخ التسجيل
    Apr 2007
    الردود
    5,679
    الجنس
    امرأة
    جزاك الله كل خير نونة والله حلو الموضوع بس في اسماء ماعرفتها شو بتعني
    مشكورة

  9. #9
    تاريخ التسجيل
    Jul 2007
    الردود
    112
    الجنس
    موضوع جميل الله يعطيك العافيه

  10. #10
    تاريخ التسجيل
    Aug 2006
    الموقع
    في حبيبة قلبي مكتي
    الردود
    3,500
    الجنس
    أنثى
    موضوع جميل جزاك الله خيرا

مواضيع مشابهه

  1. تجهيزات البيبي
    بواسطة mimi28 في الحمل والولادة و الرضاعة
    الردود: 11
    اخر موضوع: 26-04-2011, 12:09 PM
  2. تجهيزات البيبي
    بواسطة hala118 في ركن المواضيع المكررة
    الردود: 32
    اخر موضوع: 02-05-2009, 10:12 AM
  3. تجهيزات البيبى
    بواسطة ايمى في الحمل والولادة و الرضاعة
    الردود: 5
    اخر موضوع: 15-03-2009, 05:54 PM
  4. تحهيزات البيبي
    بواسطة سلمى2007 في الحمل والولادة و الرضاعة
    الردود: 4
    اخر موضوع: 16-02-2008, 02:23 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ