السلام عليكم ورحمة الله وبركاته
كيفكم يا بنات
يارب تكونوا بخير
الحمدلله رب العالمين
اليوم عملت سونار والنتيجة
طلع الجنين ميت
والحمدلله على كل حال
الدكتور اعطاني دواء لتنزيل الجنين واذا ما نزل لازم اعمل عملية تنظيف
وطبعا انا كان ينزل عليي دم من اسبوع واليوم لحتى رحت على المشفى وللاسف ما كان في غير دكتور واضطريت لعمل السونار وطبعا كشف عليي
وقال انو الجنين مييييت ولازم تاخدي دوا ميشان اسقاطه
قدر الله وما شاء فعل
بدي اسأل سؤال للبنات اللي مروا بنفس تجربتي
الدم طبعا لساتو عم ينزل بس متل اول يعني خفيف بيجوز صلي ولا لاء ؟
مع العلم ان الدم اللي عم يطلع نفس اللي كان يطلع من اسبوع يعني مرات افرازات بنية ومرات دم خفيف وطبعا اليوم بلشت بأخذ الدواء
وسؤال تاني
الدم كم بيضل يوم ينزل ؟
نصيحة مني لازم ترتاحوا كتير اول الحمل واذا صار نزيف لازم تروحوا مباشرة للدكتورة المختصة
الله يرزق جميع المنتظرات ويثبت حمل جميع الحوامل ياااااااااااارب
وان شاء الله اللي على وشك ولادة يولدوا بالسلامة يااااااااااااااااااارب
الروابط المفضلة