شوفوا حكمة ربنا فى الظلمات الثلاث

[ملك المالكى]

الاضواء فى عيادات الاخصاب قد تسبب ضررا

دراسة اثبتت ان التعرض للضوء الابيض الفلورسنت المستخدم فى عيادات الاخصاب ومعامل الابحاث و المكاتب يمكن ان يكون مدمرا لحالة الاجنة
فريق بحثى من هاواى و اليابان اجرى دراسة على اجنة الفئران ووجد ان التعرض لانواع معينة من الاضاءة تؤدى لضرر على الاجنة اكبر من غيرها

الدراسة اشارت الى ان اجنة الثدييات تنمو فى الظلام "فى ارحام مظلمة" ولهذا تفتقر لميكانيزم دفاعى تمتلكه الحيوانات الاخرى مثل الضفادع والاسماك التى تضع بيضها فى بيئة خارجية وهذا الميكانيزم يمكنها من التكيف مع التعرض للضوء
هذه الابحاث نشرت فى الاكاديمية الوطنية للعلوم فى امريكا

وقالت الدراسة ان الضوء الابيض و الفلورسنت المستخدم ضرره اكبر من الضوء الاصفر

وقد وجد الباحثون ان تقليل التعرض للضوء لعشرة ثوانى مازال ايضا ضارا للاجنة وتسبب بضرر للاجنة المستخدمة فى الدراسة

فقد وجد ان الضوء شكل عائقا امام نمو الاجنة وشكل نوعا من الضغط عليها
حيث ان الضوء دفع الاجنة الى انتاج الاوكسجين الراديكالى الذى يعتبر ساما لخلايا الاجنة وبالتالى يشكل الضوء عاملا بيئيا سلبيا لنمو الاجنة
ولهذا اقترحت الدراسة على المعاكل التى تقوم بعمليات الاخصاب الاصطناعى اولا بان تستبدل الاضاءة القوية باضاءة انعم واكثر دفئا كاستخدام الضوء الاصفر بدلا من الابيض لتقليل الضرر
وثانيا ان تحاول تقليل مدة التعرض للضوء لاقصى حد

فى كل عمليات الاخصاب الاصطناعى بما فى ذلك سحب البويضات وسحب السائل المنوى وعملية التلقيح نفسها
انا قريت الدراسة دى على موقع ivf اللى قالت عليه افكار ابداعية وهو موقع خاص بالاخصاب المجهرى وقلت سبحان الله صدق ربنا العظيم عندما قال يهب ولم يقل اى فعل اخر لانها فعلا اولا واخيرا هبة وعطية من ربنا
انا حاولت اترجمه زى ما فهمت بس اللى يحب يراجع النص الاصلى يدخل على الموقع

[79nana]

سبحان الله ومشكورة على المعلومة

[مهندسة عراقية]

يا حبيبتي تسلمين على هذا الموضوع ولكن يا ملوكة خوفتينا وزيدتي القلق عدنا... يا رب خير.. وشكرا على مجهودك في ترجمة المقال والى الأمام بمثل هذه المواضيع المفيدة

[ملك المالكى]

مهندسة عراقية ليه تخافى انا عشان كدة قلت سبحان الله انها هبة لان العلم مش هو اللى بيدينا الاجنة بتاعت التلقيح الصناعى ويخليها تتقاسم ولكن ربنا سبحانه هو اللى لما بيريد بيخليها العملية تنجح ونوصل لمرحلة الحمل وبعدين حبيبتى انتى الحمدلله عدتى المرحلة دى وتم الاخصاب و حصل الحمل
انا قصدى نعرف ان ده من ربنا لان العملاء كل ما بيبحثو اكثر ويكتشفو لعلم اكبر بيوصلو لنفس اللى ربنا قال عليه فى الاول يعنى لو اخترع الاخصاب المجهرى مؤمن من الاول كان بدا بالمعلومة دى اصلا
لا تخافى حبيبتى اللى رزقك مش هيخيب ظنك وبعدين اول بنت ولدت بالحقن المجهرى اتجوزت من سنتين وحملت طبيعى وخلفت كمان

[DR_LOLA]

لا يا مللك الكلام اللى انتى نقلتيه فعلا يخوف
لنه بيقول ان عمليه اطفال الانابيب عمليه خاطئه جدا لان الله سبحانه وتعالى قال يخلقكم فى بطون امهاتكم فى ظلمات ثلاث
يعنى الاخصاب حصل داخل بطن الام فى ظلمات ثلاث
وبالتالى حدوث الاخصاب فى المعمل فى الحقن المجهرى ممكن يوثر على الاجنه لان الضوء ممن المكن ان يوذى الجينات او الماده الوراثيه للاجنه الله اعلم ربنا يستر ان شاء الله ويرزقنا بالذريه الصالحه حسنه الخلق والخلقه
والله احنا مضطرين
ربى هب لى من لدنك ذريه طيبه انك سميع الدعاء اميييين

[ملك المالكى]

لولا حبيبتى الموضوع بيتكلم على مرحلة الانقسام
انا يمكن ترجمتى مش دقيقة مش بيتكلم عن تشوهات فى الاجنة بيتكلم عن العملية من الاول خالص وهما بيحاولو يوصلو ليه نسبة نجاحه 30% مش اكثر وباقى الحالات بتفشل وقالوا ان تعرض البويضات و الحيوانات واجراء عمليه التلقيح فى النور هو السبب و الدليل ان كل اجنة الثدييات بتنقسم داخل الارحام الظلمة
لكن طالما وصلت الحيوان تمكن من دخول البويضة و تلقيحها وانقسمو وكونو جنين يبقى تجاوز مرحلة الخطر
والجنين وانتى ادرى طبعا طالما وصل لمرحلة انو يستطيع التعلق بالرحم وينمو يبقى جنين سليم
ومن حكمة ربنا ان الاجنة المشوهه اصلا مبتقدرش تتعلق بالرحم وبتنزل وكل التجارب اثبتت ان نسب التشوهات فى اجنة الحقن المجهرى معدل التشوهات فيها نفس المعدل ان لم يكن اقل من اجنة الحمل الطبيعى وبالعكس يمكن تفادى كثير من الامراض الوراثية من خلاله
وهقولك تانى ان البحث يهدف لزيادة نجاح عملية الاخصاب المجهرى بيحاولو يعرفو ليه 70% بيتفشل ودى نسبة عند العلماء كبييييييييييييرة جدا ومعناهاعندهم ان الفشل اكبر من النجاح
حبيبتى ربنا فتح لنا باب امل ليه نقفله على نفسنا واحتمالات ان يكون فى مشكلة فى الجنين دى واردة حتى فى الحمل الطبيعى
لو فتحتى الموقع هتلاقى تحته استفتاء بيقول ان معظم السيدات يفضلن الحمل مع المخاطرة بحدوث مشاكل عن عدم الحمل اطلاقا
وهى دى الحقيقة يعنى انا والله بتمنى يكونلى طفل ولو لا قدر الله معوق حتى يكفى انه يخلى لحياتى معنى ويبقى عندى هدف انى اربيه واخد بالى منه يبقى عندى حاجة اخاف عليها وافكر فيها
الحياة بلا اولاد ملهاش طعم
وزى ما قلت لمهندسة اللى خلق الطفل ده هو ربنا مش العملية وهو وحده اللى يقدر يصوره على الخلقة اللى يريدها مهما كانت الظروف
يعنى مين يقول ان سيدنا زكريا عليه السلام وهو عجوز " وعلميا نسبة التشوهات عنده عالية" وزوجتة وهى عجوز عقيم " يعنى علميا وصلت لسن الياس" يبنجبو طفل بكل المواصفات الجميلة اللى ربنا وصف بيها سيدنا يحيى عليه السلام
انا اسفة للتطويل بس حسيت انى خوفتكم وده مكنش قصدى خالص

[DR_LOLA]

ايوه يا مللك يا حبيبتى كل اللى بتقوليه صحيح
بس انا قريت الموضوع ده على الانترنت كانه عنوانه عمليه اطفال الانابيب خاطئه جدا للاسباب اللى انا قولتها علشان الضوء
ولكن فعلا هذا العلم من عند الله واحتمال حدوث التشوهات فى الجنين وارده جدا مع الحمل الطبيعى ايضا
وطبعا ولا مجال للمناقشه ان الله قادر على كل شىء واى خطوه فى الحقن المجهرى او غيره لا تمم الاباذن الله
من اولا الانقسامات وتكون جنين صالح للنقل الى حدوث الانغماس فى بطانه الرحم وحدوث الحمل الى تكمله خلقه
سبحان الله تبارك الله احسن الخالقين الى الولاده ان شاء الله كله باذن الله
الحمد لله كما ينبغى لجلال وجهه وعظيم سلطانه
ربى هب لى من لدنك ذريه طيبه امك سميع الدعاء

[ام البنين2004]

شكرا اختي ملك على المعلومات

لكن انا سمعت ان هذه الاساليب فعلا اختفت

والآن معظم عمليات التلقيح تتم في الضوء الخافت

ويتم حفظ الاجنةو البويضات في غرف مظلمة

العلم الحمد لله بيتطور كل يوم

[ملك المالكى]

ربنا يرزقنا جميعا يا بنات الاولاد الصالحين
ام البنين معاكى حق الحمدلله ان ربنا بيدينا العلم والا والله كنا متنا من الكمد و الحزن على حالتنا

[منارة الحياة]

مشكوووووووورة يا ملك على الموضوع