السلام عليكم
كيفكم يابنات ان شاء الله كلكم بخير والايام المباركة اللي احنا فيها تعود عليكم بالخير
امبارح كان موعدي عند الدكتور رحت وانا متوترة شوي عارفين من اييييش كله خوف من الفحص الداخلي خايفة يعملي اياه لانه مرات ببدأو يعملوه ب هالفترة المهم
شاف البيبي بالسونار والحمدلله كله تمام وسألته عشان معي الضغط انه بصبر لبعد العيد قاللي اه بتعيدي ان شاء الله بعدين بندخلك مستشفى واطمانيت بعدين اجت الممرضة قاستلي ضغطي طلع عااااااالي جدا فساعتها سمعته بقول لجوزي خلص ازا ما استقر الضغط هاليومين بعد ما زودلي جرعة العلاج رح يفوتني المستشفى ويبدأ معي بالطلق الاصطناعي وانا من ساعتها حالتي حالة
والله خايفة ومرعوبة انا مرتين ولدت بالطق الاصطناعي وشفت اللي شفته الحمدلله واللي قالقني المرة نه حاسة ما في حيل اني اطلق هاليومين لانه عظام الحوض عندي بحسها بدها تتفسخ من بعضها والدكتور قال هاد عادي لانه ناتج عن زيادة هرمون الريلاكسيك اللي بخلي عظام الحوض فيها مرونة مشان تتهيأ للولادة
اللي بطلبه منكم يابنات انكم تدعولي الله يجيبلي اللي فيه الخير شو ما كان وياريت يكون الدعاء من كل قلبكم وخصوصا احنا في هادي الايام المباركةة
صحيح انا طولت عليكم بس والله قاعدة بفضفض انا بغربة يابنات ادعولي
الروابط المفضلة