حوامل مصر تعالوا نكمل هنا

**Little Angel** · 18-09-2007, 09:32 PM

معلش يا جماعه موضوعنا اتقفل تعالوا نكمل هنا مستنياكم كلكم

**lolo habeby** · 18-09-2007, 09:36 PM

تعالوا يا بنات نكمل هنا يا ليتل
يا ام سيف يا ندى ورشا وماهى وقطة ومونا وباقى البنات الموضوع اتقفل تعالوا هنا

**lolo habeby** · 18-09-2007, 09:37 PM

ندى انا هناااااااااااااا

**ام سهيل** · 18-09-2007, 09:41 PM

غالياتي دمجت موضوعكما معا لانهما في نفس الموضوع

وربي يعينكم ويقويكم ويسعدكم ويرزقكم الذرية الصالحة.

**miss*sara** · 18-09-2007, 09:49 PM

السلام عليكم انا معكم تسمحولى

**Little Angel** · 18-09-2007, 09:49 PM

منه ازيك يا حبيبتى انا لسه شايفه رسالتك حاولت ابعتلك على الخاص طريقة عمل البيكاتا و الكنافه بالقشطة بس انتى الظاهر رافضه تستقبلى اى رساله خاصه المهم انا هكتبهملك هنا بقى و خلاص..

الاول البيكاتا:
المقادير: فراخ بانيه او لحمة بتلو متقطعة مكعبات - علبة قشطة او كريمة لبانى- ماشروم- بصل مفروم ناعم- دقيق - عصير ليمونة واحدة
الاول تبلى الفراخ بالليمون و الفلفل الاسود و شوية دقيق و بعدين حمريهم فى شوية زيت بس ماتحمريهاش اوى.. و بعدين طلعيها فى طبق و حطى مكانها البصله المفرومة و حمريها فى شوية زيت برده بس متغيريش لونها يعنى يادوب تصفر و بعدين قطعى الماشروم صغير اوى و ضيفيه للبصل و حمريهم شويه مع بعض و بعدين هاتى علبة القشطة او الكريمة اللبانى و ضيفيها عليهم مع كوباية لبن مدوبة فيها 3 معالق دقيق و قلبيهم كويس و سيبيهم شويه لحد ماتغلى و بعدين حطى فيها الفراخ اللى حمرتيها ووطى النار عليهم و سيبيهم لحد ماتحسى انها تقلت شوية و اتسبكت و لو حسيتى انها تقيله اوى زودى لبن و قبليها كويس..بس يا ستى و طبعا هتعملى جنبها رز ابيض عادى..و بالهنا و الشفا..

اما بقى الكنافة بالقشطة فشوفى يا ستى:
هتجيبى الكنافه - نص كوباية سمنة سايحة او زبدة - مكسرات - و علبة قشطة و 3 معالق ماء
هاتى صانية و حطى فيها نص الكنافه اللى عندك و بعدين حطى عليهم السمنة السايحه و دخليها الفرن شوية لحد ماتشوفيها احمرت شويه من تحت و بعد كده طلعيها و تكونى حضرتى فى طبق علبة القشطة و حطيتى عليها 3 معالق المياه و اضربيهم كويس و بعدين افرديهم على الكنافه ماعدا الجوانب و حطى المكسرات من فوقها و بعدين حطى نص الكنافه الباقى عندك و دخليها الفرن و سيبيها لحد ماتحمر و لو احمرت من تحت و من فوق لسه طلعيها و اقلبيها ..
حضرى بقى العسل كوب مياه و كوب سكر و سيبيهم يغلوا اوى و اول ماتطلعى الكنافه رشى عليها العسل و بالهنا و الشفا و يارب تعجبك..
و لو عايزه اى حاجه اسألينى..

**Little Angel** · 18-09-2007, 09:51 PM

كتبت بواسطة miss*sara

السلام عليكم انا معكم تسمحولى

و عليكم من السلام و رحمة الله اهلا بيكى معانا يا ميس سارة و ياريت تكلمينا عن نفسك اكتر..

**Little Angel** · 18-09-2007, 09:52 PM

كتبت بواسطة lolo habeby

تعالوا يا بنات نكمل هنا يا ليتل
يا ام سيف يا ندى ورشا وماهى وقطة ومونا وباقى البنات الموضوع اتقفل تعالوا هنا

ازيك يا لولو يا حبيبتى انا معاكى اهه و مستنيين باقى البنات ينورونا..

**miss*sara** · 18-09-2007, 09:56 PM

انا سارة 20 سنة متزوجة وحامل فى الشهر التالت وفى كلية اداب قسم علم نفس جامعة المنصورة

**lolo habeby** · 18-09-2007, 09:58 PM

ازيك يا ليتل عاملة اية اية حكاية تغير الاسم دة
انا عندى اسامى كتيررررررررررر بنات لو عايزة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: حوامل مصر تعالوا نكمل هنا

أدوات الموضوع

العرض