هذا اول موضوع ومشاركه لي بالمنتدى انشاء الله تكون فيها فايده للاخوات
طبعا بعد الزواج في الثلاثه الشهور الاولى تلخبطت دورتي يومين تنزل ويوم ماتنزل بعدين تكمل الثلاثة ايام مرات تستمر خمسه ايام واحيانا سبعه حتى تاريخ نزولها من شهر الى اخر مختلف طبعا انا ماعطيت للموضوع اي اهميه لاني عارفه ان الوحده بعد الزواج يكون في تغيرات هرمونيه في جسمها واهي السبب في اللخبطه اللي حاصله لي والحمد لله بعد 3 شهور رجعت مثل اول وانا ماكنت مهتمه بالحمل في البدايه كل همي اني استانس وافرفش ولاحقه على العيال ومشاغلهم بس كون اخو زوجي اللي متزوج معانا في نفس الليه زوجته حملت بسرعه بدا الضغط علي فبعد سنه من الزواج قلت خليني
اراجع دكتوره طلع كل شيء فيني سليم وهرمون التبيض تمام التمام بعدين غيرت من هذي الدكتوره الى دكتور لكونه مشهور في المنطقه والدكتوره كان كل اللي يهمها اعطائي الادويه حتى وان كنت مو محتاجتها( ماديه ) طبعا الدكتور شافني سليمه حتى تحاليل ماعمل لي بالمره اكتفى بس بالسونار للرحم وعمل لي اشعه الصبغه وقالي انشاء الله حمل بعد شهر او شهرين ماحصل حمل قالي راح اعطيك منشطات فقلت لزوجي مادام هرمون التبيض عندي ممتاز والدوره منتظمه هذا اكبر دليل على ان خصوبتي عاليه ومااحتاج منشطات(صراحه انا ابي احمل طبيعي ) فتركت الدكتور ومواعيده وظليت ادعوا ربي العالمين يرزقني الذريه الصالحه فهداني ربي لوحده مدلكه ياتون لها النساء من مختلف المناطق اللي لها 5.13 .10 سنوات ماحملت بمجرد ماتدلكها تحمل حتى بعض الدكاترة في منطقتنا يرسلون النساء المرضى لها طبعا رحت لها فعرفت اني في رحمي ميلان ونازل وبمجرد مادلكتني لمدة ثلاثة ايام حسيت بتغير غير طبيعي في جسمي الام الظهر خفت بنسبه 80% (هذا من فضل ربي )الام الدوره ايضا خفت بنسبه كبيره انتظرت شهرين وماحصل حمل وكانت اهي موصيتني ان ماحصل حمل بعد 3 شهور تعالي لي رحت لها بعد شهرين عملت لي تدليك وحملت على طول في نفس الشهر والان لي 4شهور ونصف وكل دعائي انا ربي يتمم حملي على خير ويرزق كل وحده منتظرة الحمل
الروابط المفضلة