السلام عليكم ورحمة الله وبركاته
أخباركم إيه يا حوامل ربنا يتمملنا على خير
أنا الحمد لله حامل فى بنوتة ومحتارة فى الإسم .. نفسى أسميها اسم يكون سهل وحلو بس برده مش منتشر وقديم
ومحتارة مابين إسم سلمى و رفيدة
عايزاكم تساعدونى وتساعدوا بعض
بإن كل واحدة تقول ناوية إن شاء الله تسمى بنتها ايه .. أو ايه أسامى البنات الحلوة الجديدة إللى هى تعرفها
وياريت بلاش الأسامى الجديدة قوى الملخفنة دى
وأنا على فكرة طلبت حوامل مصر على أساس يكون الإسم معروف لينا ومش غريب قوى علينا زى الأسامى الخليجية
طبعا الأسامى الخليجية جميلة وزى العسل بس مش متداولة هنا فى مصر وغريبة على الودن شوية
أتمنى إنكم تكونوا فهمتونى
ياريت بقى الموضوع يتملى أسامى حلوة وجميلة وممكن تكتبوا أكتر من اسم ميضرش خالص
والله أنا خايفة فى الآخر محدش فيكم يعبرنى ويرد عليا .. بس أنا متعشمة فيكم خير .. متكسفونيش
ولو واحدة فيكم قالتلى اسم حلو وناويت أسميه هعملها شكر خاص على المنتدى وهصيتها
وبردوا قولولى رأيكم فى اسم سلمى و رفيدة
الروابط المفضلة