سيدات مصر أعيننوني او من لهم خبره في الحقن المجهري بمصر

السلام عليكم عزيزاتي

أنا متزوجة من أربع سنوات ولم أحمل مطلقاً وأنا أعاني الأمرين من هذا الحرمان، ليس عندي ما أقوله سوى حسبي الله ونعم الوكيل .

نفكر في القيام بعمليه حقن مجهري في مصر ولكن لا نعلم أي المراكز أفضل ولها سمعه جيدة

أرجو من أخواتي الاتي يعرفن ومتأكدان من المعلومات ان تفيدني بأسماء المراكز . ولكن ارجو أن تكن متأكدين من النسب فهده خامس مره أقوم بعملية حقن نجهري وانا خائفه من تأثير الهرمونات على جسمي.

بارك الله لكن مسبقا ورزقنا جميعاً الذرية الصالة السليمة عاجلاً ، اللهم آمين

[COLOR="Red"]السلام عليكم و رحمة الله[/COLOR]انا كمان متزوجة من اربع سنوات و عملت تجربة الحقن المجهرى مرتين فى المركز المصرى لاطفال الانابيب تحت ادارة الدكتور ابو الغار ولم تنجح معى فى المرتين , و بعدين اخت زوجة اخى عملتها فى مركز جنين و نجحت معاها و رزقت بطفلين ولد و بنت وقالتلى على المركز ده و انا رحت هناك من شهر مايو الماضى و عملت التجربة و انا الان بحمد الله و فضله حامل فى الاسبوع الثالث ,ادعيلى ربنا يكمللى على خير يا رب.
المركز اسمه جنين و هو فى كورنيش المعادى بجوار مستشفى السلام الدولى و الدكتور اسمه حسام زكى و لو عايزة اى معلومات اخرى راسلينى و انا امدك بكل المعلومات التى اعرفها
اكثرى من الدعاء و الاستغفار و ربنا هيرزقك ان شاء الله

ربنا يرزقك الذريه الصالحه عاجلا ليس اجلا ان شاء الله
انا كمان ناويه اعمله ان شاء الله
ممكن اسالك كان فى سبب معين للفشل فى المحاولات السابقه؟؟ وعملتيها فين؟ جزاكى الله خيرا

mero انا بتابع فى المركز المصرى انتى ايه رايك فيهم انا اسفه ممكن تحكيلى تجربتك بالتفصيل لكى جزيل الشكر ربنا يتمللك على خير ويرزقك الذريه الصالحه ان شاء الله

أخواتي العزيزات شكراً على الرد
عزيزتي ميرو ألف مبروك وعقبال ما تولدي يالسلامة ، كنت فكره أن المركز المصرى لاطفال الانابيب هو أحسن مركز أنا رحت لمركز آدم بالمهندسين ومعجبنيش الجو هناك بس للأمانه محاولتش فيه.

أنا أساساً مقيمة بليبيا والمحاولات عملتها كلها هناك لكن للأسف متكتبش النجاح مع أن البويضات جيده وكلها منقمسة ، هقول أي غير ربنا يرزقنا ويصبرنا. يعني إنت بتنصحيني أروح لجنين.
لولا ربنا يكتبلك النجاح وتحملي يارب

ارض الاحلام
جزاكى الله خيرا على دعوتك الجميله ولكى بالمثل باررررررل ان شاء الله

ربنا يرزقنا جميعا و يصبرنا

انا ماعرفش حاجة عن الحقن المجهرى لكن نصيحتى لكم عدم الذهاب الى دكتور سعيد التهامى هو صحيح اشهر استشارى نساء و ولادة و فحص بالموجات لكن حسبى الله و نعم الوكيل فى هذا الانسان و ما سببه لى بجهله

انا كنت حامل و فى الشهر السادس السوائل قلت و لما رحنا لهذا الدكتور لاجراء السونار الرباعى خوفا من وجود تشوهات فى كلى الجنين قالى ان الطفل سليم 100000% و ان عليا اكل 6 وجبات بروتين و اخد حقن مقوية مرتين فى اليوم (حسبى الله و نعم الوكيل فية) كلامة كلة غلط الطفل كان مشوه تماما الكلى و الرئة و الاطراف
و الطفل مات بعد ولادتة بنصف ساعة من غير ما اشوفة و لا احضنة مع انى الى لحظة الولادة و انا منتظرة طفل سليم و اتفاجىء تانى يوم ان الطفل مات بعد ولادتة بنصف ساعة
شوفتو حسرة القلب اللى اتسبب لى فيها هذا الانسان الجاهل المهمل هو لم يهتم بان يكشف عن سبب نقص السوائل و قال ان الكلى سليمة على الرغم انها غير سليمة و لا تعمل و جاب اللوم كلة عليا ان اكلى ضعيف لمجرد الاستسهال

المهم انا عايزة انصحكم بعدم الجرى وراء اسماء الاطباء المشهورين مثل هذا الرجل سعيد التهامى لانة اغلبهم واخدين شهرتهم من وجعهم داخل الجامعة و ليس نتيجة خبرة عملية

اختي ارض الاحلام ربنا يرزقك ان شاء الله بذرية صالحة
انا سمعت عن المركز المصري و د. ابو الغار كلام كويس جدا و اعرف ناس عملوا هناك و ما شاء الله ربنا اكرمهم
كمان مركز جنين من المراكز المتميزة جدا و كل في الاول و الآخر بامر الله
د. لولا وحشتيني ربنا معاكي و يكرمك بالذرية الصالحة
اختي رينا ربنا يعوضك خير اللهم آمين و يرزقك بتوءم جميل مشافى معافى باذن الله
الاخت العزيزة ميرو ربنا معاكي و يثبت حملك و يرزقك الذرية الصالحة اللهم آمين

كتبت بواسطة mh_ssein

اختي ارض الاحلام ربنا يرزقك ان شاء الله بذرية صالحة
انا سمعت عن المركز المصري و د. ابو الغار كلام كويس جدا و اعرف ناس عملوا هناك و ما شاء الله ربنا اكرمهم
كمان مركز جنين من المراكز المتميزة جدا و كل في الاول و الآخر بامر الله
د. لولا وحشتيني ربنا معاكي و يكرمك بالذرية الصالحة
اختي رينا ربنا يعوضك خير اللهم آمين و يرزقك بتوءم جميل مشافى معافى باذن الله
الاخت العزيزة ميرو ربنا معاكي و يثبت حملك و يرزقك الذرية الصالحة اللهم آمين

حبيبتى mm_sseihn
وحششششششششتينى جدا انتى فين ياررب تكونى بخير ايه اخبارك؟؟
جزاكى الله خيرا على دعوتك الحلوه ولكى بالمثل امييييييييييييين يارررب
بليز خلينا نشوفك

عزيزاتي انا عملتها مرتين فى مركز دار الخصوبة بالأسكندرية والحمد لله فى الأولى أنجبت ابنتى والثانية والحمد لله حامل الآن فى تؤم فى الشهر السابع بفضل الله.

.افادكم الله جميعااااااااا