مهم لكل من لهم خبره استفسار عاجل ارجو الافاده

**المشـ دفء ـاعر** · 17-06-2007, 10:30 AM

السلام عليكم ورحمه الله وبركاته

عجبني قوي القسم ده انا عضوه من فتره طويله في المنتدي بس اول مره ادخل القسم ده وعجبني قوي التجمع هنا فقلت ابعت اسالكم يمكن حد يفيدني

انا متزوجه بقالي 3 شهور ونصف ،،، اول شهر البريود جت في ميعادها بالملي بعد 30 يوم بالظبط من اخر ميعاد لها نبدا بقي اللخبطه من ثاني شهر اتاخرت 12 يوم. وفي ميعادها الاساسي كنت تعبانه جدا هبوط والم في المعده لدرجه اني شكيت انه يمكن يكون حمل بس عملت تست منزلي وتحليل دم ملقتش في حاجه. رحت لدكتوره وقالت انه شئ طبيعي اللخبطه لان لسه الجواز جديد وكمان انا مغتربه مع زوجي بعد الزواج بثلاثه اسابيع فممكن يكون تاخيرها توتر وادتني دواء ينزل البريود واني مفكرش اروح لها قبل 6 شهور من الزواج بس الصراحه انا ماخدتهوش ونزلت البريود بعد 12 يوم تاخير ومكنتش بوضعها الطبيعي يعني كانت قليله مش زي العادي.

نيجي للشهر ده اهو النهارده تعتبر متاخره 5 ايام والتعب برضو جه في نفس الميعاد نفس التعب الهبوط وتعب المعده وصدااااع رهيب واحساس اكني مخنوقه لما اجي انام اكن حد ماسك رقبتي اكن في حاجه في ظوري معرفش ايه. وعملت تست الحمل المنزلي النهارده وبرضو مفيش حاجه.

حد يعرف ايه سبب اللي انا فيه ده؟ وهل استشير دكتوره والا لا؟ وهل عدم انتظام البريود يعتبر سبب يمنع الحمل؟؟؟
علما بان البريود كانت منتظمه تماما قبل الزواج مخلفتش غير الشهر اللي قبل شهر الزواج مجتش خالص وقالوا لي انه بسبب التوتر غير كده كانت منتظمه جدا

ارجو الافاده أرجوكم

شكرا جزيلا

**mano83** · 17-06-2007, 10:33 AM

لخبطة الدورة بعد الزواج تكون نتيجة لتغير الهرمونات وايضا للاضطراب النفسي نتيجة للغربة والزواج ..

طبيعي جدا اللي تمرين فيه .. ربي يرزقك الذرية الصالحة باذن الله

**nancy kareem** · 17-06-2007, 11:00 AM

مرت على نفس الظروف دية بالظبط و الدورة اتاخرت 15 يوم و كنت بحس بنفس الاعراض بالظبط و زيادة عليها انى حسيت انى صدرى هينفجر جامد و بيوجعنى اوى اوى بس الحمد للة نزلت الدورة النهاردة و دية اول دورة لية بعد الزواج يا ريت الخبيرا يردوا علينا

**المشـ دفء ـاعر** · 18-06-2007, 11:59 AM

كتبت بواسطة mano83

لخبطة الدورة بعد الزواج تكون نتيجة لتغير الهرمونات وايضا للاضطراب النفسي نتيجة للغربة والزواج ..

طبيعي جدا اللي تمرين فيه .. ربي يرزقك الذرية الصالحة باذن الله

جزاكي الله خيرا حبيبتي علي الرد
وهل الم فم المعده يكون بسبب الدوره؟
اريد تفسير هل في علاقه بين التعب ده وبين تاخر الدوره؟ لان كل مره يجي في نفس ميعاد الدوره وتتاخر

**المشـ دفء ـاعر** · 18-06-2007, 12:00 PM

كتبت بواسطة nancy kareem

مرت على نفس الظروف دية بالظبط و الدورة اتاخرت 15 يوم و كنت بحس بنفس الاعراض بالظبط و زيادة عليها انى حسيت انى صدرى هينفجر جامد و بيوجعنى اوى اوى بس الحمد للة نزلت الدورة النهاردة و دية اول دورة لية بعد الزواج يا ريت الخبيرا يردوا علينا

ياريت فعلا حد خبير يرد علينا...
ازور دكتوره عشان لخبطه الدوره وتعبي ام انتظر؟ ولامتي انتظر؟

**ghada00** · 18-06-2007, 12:52 PM

الاحسن حبيبتى تحللى هرمونات علشان بس تطمنى طبعا لسه بدرى قوى على قلق الحمل و الحاجات دى بس مجرد اطمئنان على الهرمونات لان في اول الجواز كل حاجة بتتلخبط انا حصلى زيك بالظبط
اول شهر جواز جت في معادها تانى شهر اتاخرت 14 يوم و طلع عندى تكيس على المبايض بس انا حللت بعد 10 شهور

ان شاء الله كله حيطلع تمام بس روحى لدكتورة شاطرة و ماتاخديش اى دوا غير لما تحللى و بيكوت تالت يوم في الدورة تحليل 3 هرمونات و ربنا معاك ان شاء الله

**سارونة الطعمونة** · 18-06-2007, 01:18 PM

أنا مع البنات غاليتي ، الدورة عندي تلخبطت بعد الزواج بس ما طولت أكثر من 6 أيام ، فأنا أنصح إنك تروحي للدكتورة ، عادي يعني اعتبريها زيارة روتينية بس علشان تتطمني ، ولا أنا عن نفسي أتوقع كلها بسبب تغير الهرمونات لا أكثر بإذن الله

**ملاك لبنان** · 18-06-2007, 01:26 PM

لا تقلقي عزيزتي انبسطي هذي ايامك
وبالنسبة للتأخير وخربطة الدورة هذا شيء طبيعي واتركي حاليا موضوع الحمل على ربنا
وربي يرزقك قريب ان شاء الله

**ward_84** · 18-06-2007, 01:32 PM

أنا كمان مع البنات هذ أيامك الحلوة استمتعي بها مع زوجك ولا تفكري في شيء بالنسبة للخبطة فعادي جدا الأغلبية بتحصل معاها
ان شاء الله ربنا يرزقك من واسع رحمته

**true love** · 18-06-2007, 01:52 PM

فعلا عزيزتي عادي لخبطة الدورة بعد الزواج و ممكن تروحي تعملي تحليل دم اضمن و ان شاء الله حمل انا لما حملت حسيت بنفس الاعراض ده و بالذات الخنقة لما اجي انام كان في حاجة على صدري اعملي تحليل دم و برده متقلقيش نفسك