السلام عليكم ورحمة الله وبركاته
كيفكم يا حلوين ان شاء الله اموركم كلها تمام
بصراحه موضوع تكييس المبايض أصبح منتشر مررررررررررررة كتير في الفترة الأخيرة و من واقع معاناتي حبيت أطرح هذا الموضوع يمكن نقدر نساعد بعض ولو بالفضفضة و الدعاء لبعض
حأبدا بنفسي و أحكي معاناتي مع تكييس المباييض
أتمنا انكم تشاركوني
في انتظار ردودكم
أتزوجت من حوالي 3 سنين و نصف
و إلى الآن ليس عندي أولاد
في بداية الأمر كان زوجي يشك إني اخذ مانع و صارتلي مشاكل كتير اقتنع بعدها اني بريئة
بعد سنة سويت فحوصات و طلع عندي تكييس مبايض
اعطوني أدوية كلوميد و دوفاستون و جلوكوفاج بس ما استمريت غير يمكن 4 او 5 شهور و الكل كان يقولي لازم تنحفي و تسويي رياضة
المشكلة ان بعد الزواج بشهرين بس زاد وزني 8 كيلو
و اكلي كان عادي و دحين قد ما أحاول أسوي رجيم الوزن ما ينزل
و قالولي الاستروجين عالي عشان كده الوزن بيزيد
طيب سكتنا عن دا كله
الحبووووووووووووب عااااااااادمة وجهي و الشعر يالطيف شي فظيع
سويت ليزر للشعر رجع و طلع اقسا و أكتر من أول
صراحه مليييييييييييييييييييييت و مرة نفسي في نونو
انا حاليا مغتربة وصارلي سنة و كل ما أقول لزوجي خلينا نروح نراجع هنا يقولي هذول كفرة و ما أضمنهم و أنا ما ابغ بزورة دحين و خليها على ربنا
صح نحن مش فاضيين للأولاد دحين بس أنا صرت مررررررررررررة مشتاقة لنونو صغير
الله لا يحرم أحد من الذرية الصالحة قولو آآآآآآآآآآآمين
أتمنى حبيباتي نتشارك سوا يمكن نقدر نساعد بعض و لو بالدعم النفسي
الروابط المفضلة