طبعا اللي فتحوا موضوعي عرفوا إني سويت هالشهر تلقيح صناعي لأول مرة وكنت كاتبة في الموضوع إن بطني منتفخة وقاسية ...
عموما وصلت البيت الخميس وما كان عندي حد ياخذني عند الدكتورة عشان أطمن لأن زوجي في الشغل وكان بيرجع متأخر
انا مسويه العملية في مستشفى خاص ومستحيل الدكتورة ترد لزحمة الحريم لدرجة كنت أروح عندهم مراجعة الساعة 4 العصر أخلص 10 بالليل بس عشان كشف عادي... فاتصلت بدكتورة ثانية عشان أسألها ولو قالت لي تعالي السبت كنت رحت جري عليها ..
اتصلت وكلي أمل وردت علي موظفة الاستقبال وخلوني عالخط نص ساعة بعدين ردت علي الدكتورة وشرحت لها حالتي فسألتني وين سويت العملية.؟؟ قلت لها اسم المستشفى
قالت ليش ما اتصلتي فيهم ؟؟ قلت لها المستشفى زحمة وبعدين مش متأكده إن الدكتورة مداومة المسا ولو كانت مداومة مستحيل تقدر ترد ...
قالت : يعني أنا اللي فاضية لك ولغيرك اللي بيتصلون في بالتلفون كأن ما عندي مراجعات وعيادتي مش زحمة عموما هذا النفخة شيء طبيعي وسكرت الخط في وجهي
والله بعد ما سكرت قعدت أصيح من الخاطر ليش يعاملونا كذا ؟؟؟؟؟؟ عشان الله مارزقنا بالحمل ؟؟؟
والله حسيت باكتئاب وضيجة خاطر ونفس
الروابط المفضلة