يابنات اسأل اللي جاتها الحالة هدي قبل كده

أمس فالليل حأطلع الدم من جسمي على قد ماني قاعدة أحكه

بياكلني حاتجنن ولا عرفت انام فسخت كل ملابسي وبرضو ماني قادرة انام من الهرش

ايش تتوقعو ممكن يكون السبب

انا خايفة لايكون سكر الحمل

فبليييز اللي جاها دا الشي قبلي تقللي وتنصحني ايش اعمل لانه موعدي لسا الين يوم السبت ومابانام كويس من الهرش حسيت نفسي جربانة

انا جتني زيك الحكه (أو الحساسيه) اول ما دخلت الشهر السادس .. حكة مو طبيعية في بطني وانتشرت لذراعيني .. على طول رحت للدكتورة ومنعتني استخدم اي كريم للتشققات والشاور جيل اللي استخدمه .. وعطتني غسول للجسم الى الحين استخدمه وكريم للتشققات سويدي هي وصفته لي ما تحصلينه باي مكان ..

والحمدلله من دخلت السابع راحت الحكه ..

والله انا صايرة مابأستعمل كريم دحين صارلي يمكن حوالي اسبوع مابأحط كريمات الا فازلين بعد الحمام بس وانا جسمي رطب

الله يعين بس حاتجنن والله من الحكة والمشكلة دكتوري في مؤتمر طبي

يبدو أنها حساسية الحمل ،، سمعت أن زيت اللوز مفيد ،، و حافظي على جسمك رطبا ...
الله يهون عليك

انتبهي
اذا كانت الحكة بون بثور او احمرار او قشور بمعنى ان الجلد طبيعي فيجب فحص انزيمات الكبد
ولقد حصل لي مثلك وكنت من شدة الحكة استخدم الالات الحادة بالحكة والسبب زيادة الانزيمات فانتبهي

سلااااااااامتك يا نونة ، بس ما عندي فكرة والله أبدا ، كلمي دكتورك حتى لو إنه في مؤتمر إذا عندك رقم جواله ارسلي له مسج ، وإذا ما عندك كلمي الدكتور الثاني

اظن انه حساسية الحمل حبيبتي
انا جاتني في بداية السادس
الله يعينك

لا الحمدلله مافيها حبوب ولابثور ولا احمرار ولا شي من ده بس حكة بتاكلني في كل جسمي حتى فروة راسي و جسمي صاير حامي شوي يعني ابغى اقعد قدام المكيف وبس وبرضو مابتروح الحكة بكده حالة

وبالنسبة لزيت اللوز بس لو تقولولي البارد ولا الحار

يعني انا قصدي زيت اللوز المر ولا الحلو بليييييييييييييييييييييز قولولي

نونه انا استخدمت زيت زيتون .. وبيبي اويل جيل (بالبابونج) .. احسن شي تدهنين جسمك بالبيبي اويل عشان ما يصير ناشف ويحكك ..