السلام على احلى بنات
انا تانى شهر استعمل الكلوميد بس انا تقريبا النهاردة فى اليوم 9 او 10 مش فاكرة بس حاسة بمغص فظيع وجنابى الاثنين تعبنى جداَ وحاسة ان جسمى سخن ومنفوخ ورجلى وايدى ورمين شوية وصداع وزغللة ووخز فى الصدر بصراحة الكلوميد مبهدلنى وكل الاعراض دى حصلت الشهر اللى فات واستمرت لغاية اخر يوم للدورة وجت الدورة بدرى يومين وكانت جاية بالم فظيع والله عينى ما شافت النوم من الالم وكانت غزيرة جدا واستمرت خمس ايام انا ندمانة انى اخدتة الشهر دة كنت ناوية اريح منه شهر ولا اتنين بس بصراحة مقدرتش قلت يمكن ربنا يكرمنى واستحمل التعب شوية يمكن تيجى بفايدة ويارب يخفف عنى ويجعل تعبى خير ويعوضنى بالزرية ويرزقنى ويرزقكم جميعاَ الخلف الصالح
معلش طولت عليكم بس حبيت افضفض معاكوا وانسى المغص .
بس ممكن سؤال للى بتستعمل الكلوميد ياترى عندها نفس الاعراض ولا لا وتنصحونى استعملة الشهر الجاى لو جات الدورة ولا لا... لان دكتورتى قالت استمرى علية 3 شهور وبعدين لو ماحصل حمل تعالى اغيرلك العلاج
سلااااااااااااااااااااااااااام
الروابط المفضلة