كتبت بواسطة
mano83
انا اختي عندها توأم بنت وولد فراح اقول لك وشو سوت ..
بالنسبة للملابس .. كانت مشتريه من كل شي اثنين .. يعني الفنايل درزن (6 لكل واحد) .. والبربتوزات نفس الشي درزن (6 لكل واحد) .. يعني عموما الملابس لازم يكونون لاثنين .. لان البيبي اقل شي بتغيرين له مرتين في اليوم هذا غير اذا وصخ او استفرغ تكرمين فلازم يكون عندك ملابس عددها يكفي على بال ما تغسلين الوصخين وتكوينهم ..
بالنسبة للأدوات .. اشترت غلاية رضاعات وحده .. بس الرضاعات كانو كثار (الظاهر 8 .. 4 لكل واحد) .. وطاولة غيار وحده .. والسرير اثنين ( مرات كانت تخليهم ينامون بنفس السرير بس بالنفاس لان حجمهم كان صغير) .. والكراسي اثنين .. والعربيه وحده (اللي فيها مكانين) .. وكراسي الاكل اثنين ..
بالنسبة للسرير .. اذا بتشترين السرير الكبير اللي اطرافه تنسحب لفوق وتحت (مو المهد او سلال موسى) فتقدرين تحطينهم بسرير واحد لمدة 3 شهور بالكثير .. بس اذا بتشترين الاسره الصغار صعبه تنومينهم فيها ..
الروابط المفضلة