نفس هالموضوع نزلته في منتدى ثاني واتمنى القى عندكم الإجابة الشافية



السلام عليكم ورحمة الله وبركاته ..

كيف حالكم يابنات ان شاءالله تمام ؟

حبيت اعرض لكم تجربتي مع الحقن المجهري وياليت اللي سوتها بالدمام او الخبر تعرض تجربتها الشخصية او تجربة احد معارفها..

ارجوكم يابنات ساعدوني انا تعبت من المحاولات والعمر يمر ومحسوب علينا ..

وغير ان الميزانية ماصارت تساعد..الله يعين..

تزوجت من 8 سنوات وطبعا اكتشفنا ان الحمل بشكل طبيعي مستحيل يصير الا بمعجزة

وعلى هالأساس قرروا الأطباء ان مثل حالتنا لازم نسوي حقن مجهري..وخلال هالفترة سويت العملية 4 مرات وكلها بائت بالفشل ولله الحمد باستثناء اول محاولة واليكم التفاصيل >>>نشرة اخبار

التجربة الأولى:

الوقت: قبل 6 سنوات.

المكان: عيادة شروق الهدا(في الحزام الأخضر بالخبر)

الدكتور اللي اشرف على تحضيري: دكتور نصر الخولي .

الدكتور اللي زرع الأجنة: دكتور صفاء(عراقي الأصل من جنسية المانية يجي من ألمانيا للعيادة مره أو مرتين بالسنة فقط)

النتيجة النهائية: ايجابية يعني حملت..ولكن وقف نمو الجنين بعد شهرين من الحمل .

انطباعي عن التجربة: مرتاحه للمكان والدكتور ومن الممكن اعيد التجربة عندهم.

ــــــــــــــــــــــــــــــ ـ

التجربة الثانية:

الوقت:قبل 4 سنوات

المكان: عيادة شروق الهدا.

الدكتور اللي اشرف على تحضيري: دكتور نصر الخولي .

الدكتور اللي زرع الأجنة: دكتور صفاء.

النتيجةالنهائية : سلبية لم يحدث حمل.

انطباعي عن التجربة: مرتاحه للمكان والدكتور ومن الممكن اعيد التجربة عندهم.
ــــــــــــــــــــــــــــــ ــــــــــــــ

التجربة الثالثة:

الوقت : قبل سنتين.

المكان: مستشفى السلامة بالخبر.

الدكتور اللي اشرف على تحضيري: دكتور تقي الدين .

الدكتور اللي زرع الأجنة: لم أصل لهالمرحلة والسبب اني ماستجبت للعلاج والمفروض بعد مايحضرني اروح الأردن وازرع الأجنة عند الدكتور الكيلاني.

النتيجة النهائية: فشل ذريع خخخخ بصراحه المستشفى على التمريض على الدكتور كلهم مجموعة نصابين ومهملين لأبعد حد..

انطباعي عن التجربة: مستحيل ارجع أعيد عندهم التجربة واتمنى لو اني انساها بعد يكون افضل .

ــــــــــــــــــــــــــــــ ـــــــــــــ

المحاولة الرابعة والأخيرة:

الوقت : قبل شهر.

المكان : عيادة شروق الهدا+ مستشفى فخري.(عملية الزرع في فخري).

الدكتور اللي اشرف على تحضيري: دكتور نصر الخولي + د. مرفت حسن من مستشفى فخري.

الدكتور اللي زرع الأجنة: دكتور ماأعرف اسمه مصري الجنسية.

النتيجةالنهائية : سلبية لم يحدث حمل.

انطباعي عن التجربة: مرتاحه للمكان والدكتور ومن الممكن اعيد التجربة عندهم ولكن راح اجرب دكتور ثاني.

هذا اللي صار معي خلال السنوات اللي راحت..

والحين تكفوووووووون يابنات اللي سوت عند دكتور ثاني ونجحت عمليتها ياليت تعلمني ..

وللمعلومية ناويه اعيد المحاولة على شهر 7 انجليزي ومحتاره بين ثلاث اماكن ياليت تنصحوني بليز

المكان الأول: مستشفى المانع بالدمام عند دكتور كيني.
الثاني:عيادة سمير عباس مع اني مو مرتاحه لهم ابد.
الثالث: مستشفى سعد التخصصي بالخبر.

وش رايكم ....

أسألكم بالله لاتتركوني حايرة..

يابنات سألتكم بالله؟؟؟؟؟؟؟؟

الله ياربي ترزقك ما تتمنين يارب وانشالله توام اللهم اميين
بس بصرااحه استغربت كلامك عن دكتور تقي الدين القطو بالسلاامه ؟؟!!مرره ممتاز وكثيرر حملو على الله ثم عليه سبحان الله اهم شي الراحه النفسيه
اما مستشفى فخري ليش ماجربتي دكتوره هاله عوض الله تراها ممتااازه افضل دكتوره
ومن ناحيه السعد ترى هنااك استشاريه مرره مرره ممتازه اسمها الدكتوره حنان السبيعي ومطلووبه دائما وما تجي الا الظاهر يومين بالااسبوع انا المانع وعياده سمير ما اعرف عنهم شي وسمعت عن اسطوون انه زين عند بشرى والله اعلم
ونصيحه يا اختي قومي الليل واقراي سوره البقره ثلاث ليال ممتاليه حتى لو تكوني جالسه بالصلااه بغرض الحمل وصدقيني النتيجه مضمونه باذن الله
اسفه على الاطاله
الله يرزقك ومايحرمك يارب وجميع بنات امه محمد

اختي دفا الروح جزاك الله خير على ردك ..

وانا يوم قررت اروح لتقي رحت على السمعة يعني على قولك الكل يمدحه ولكن مادي بشكل مو طبيعي

وهذا غير انه غير ملتزم بالمواعيد يعني تركني وسافر والمفروض هو اللي يتابع حالتي خلال اسبوعين ..وهذا اللي قهرني منه..

وشكرا لك ياقلبي ..

وانتظر باقي البنات اللي لهم تجربة او احد معارفهم..

الله يصبر لك قلبك ويااااااااااااارب بعد صبرك هذا يكون نتيجته الفرج ، الله يرزقك بالذرية الصالحة والكاملة يااااااااااااارب ، عزيزتي أنا أتعامل مع د. بشرى في مجمع ليلى العنيزي وتولد في أسطون وهي فعلا ممتازة بس ما أدري عن الحقن المجهري صراحة وأنا ما أعرف غيرها لأني جديدة على الخبر ومرة ارتحت لها ولها خبرة طويلة بمجال النساء والولادة لكن روحي لها خذي استشارة وإذا عجبتك كملي معاها وسعر الكشفية 150 ريال عندهم إلا إذا كان عندك تأمين ، والله يكتب لك إلي فيه الخير

كتبت بواسطة أم عصام

الله يصبر لك قلبك ويااااااااااااارب بعد صبرك هذا يكون نتيجته الفرج ، الله يرزقك بالذرية الصالحة والكاملة يااااااااااااارب ، عزيزتي أنا أتعامل مع د. بشرى في مجمع ليلى العنيزي وتولد في أسطون وهي فعلا ممتازة بس ما أدري عن الحقن المجهري صراحة وأنا ما أعرف غيرها لأني جديدة على الخبر ومرة ارتحت لها ولها خبرة طويلة بمجال النساء والولادة لكن روحي لها خذي استشارة وإذا عجبتك كملي معاها وسعر الكشفية 150 ريال عندهم إلا إذا كان عندك تأمين ، والله يكتب لك إلي فيه الخير

الله يجزاك خير ياقلبي ..

والله يتمم لك على خير يارب..وشكرا لك

اختي انا ماجربت بس مراكز سمير عباس متخصصه وفي جديد مركز علاج في الخبر عند مكتبه جرير
التنتين مراكز مشهوره جربي ان افضلهم عن المستشفى اشعر انهم متخصصين اكثر من المستشفى العام
اما المانع فهم عموما اسعارهم مبالغه
والله يوفقك ويسعدك

و الله ما عندي فكرة بس احسن شي استخيري الله و توكلي علية و انشالله يعوضك خير يا رب و تبشرينا قريب,,,

الله يلهمك الصبر اختي وتفرحي عن قريب بالذرية الصالحة

حبيبتي انا بصراحة وامانة احاسب عليها امام الله تعالى أنصحك بعيادات سمير عباس

لانه انا عملت عندهم والحمدلله يارب نجحت من أول مرة وأهوه انا بأدق أبواب الشهر الخامس الحمدلله

ولكن أصري كامل الاصرار انك تكوني على يد الدكتور سمير عباس بنفسه

وبصراحة انا من بعد ماعملته أصبحت اتمنى انه كل وحدة جربت الألم والعذاب والمعاناة للحصول على الأطفال

أتمنى امنية من الله انها تروح وتنفرج كربتها باذن الله على يده

والله انه شاطر ولكنه مغرور بعض الشيء ومو مهم المهم هي النتيجة

انا عملت الحقن المجهري عنده بس هنا فجدة

حتى الأطباء عنده كلهم على مستوى راقي جدا وخبرة عالية جدا جدا ومن كل كل كل اعماق قلبي اتمنالك انه مشكلتك هدي تنتهي وربي يفرح قلبك زي مافرح قلبي

وربنا ييسرلك وطمنينا عنك