اللي مرت بالاجهاض تتفضل نساعد بعض

اللي حصلها اجهاض ربنا ان شاء الله هيعوض عليها اكيد.. أنا كمان عملت اجهاض و كان نفسي اناقش معاكوا الاسباب اللي تعتقدوا انها ادت الى الاجهاض...عرفتوا ازاي؟ ايه الكلام اللي سمعتوه و نحاول نعرف سوا الصح من الخطأ عشان ميتكررش تاني و نفرح لبعض عند حدوث حمل لاحدنا ان شاء الله ونتابع بعض حتى نضع كلنا بيبيهات يا رب
مين يحب يبدأ؟

اشعر بيكى اختى اصعب شئ ان تفقدى ضناكى حتى لو لم تراه عينك لكن ارادة الله فوق كل شئ والحمد لله انا مريت بتجربة الاجهاض من خمس شهور تقريبا وكل شهر انتظر الحمل وللأسف حتى الان لم يحدث انا حملت بعد جوازى ب3 شهور وكنت حامل فى خمس اسابيع وعملت عملية تنظيف للرحم وكان راى الدكتورة انو طبيعى يحصل اجهاض فى اول حمل ربما تكون بويضة غير صالحة او خلل فى الهرمونات ودكتورة تانية كان رايها انى اجهت نفسى لانها طلبت منى الراحة وانا ظروف عملى لم تسمح ولكن العلم عند الله يهب ويأخذ ونعم بالله
تمنياتى اختى العزيزة ان يخفف عنك وان يرزقك ويرزقنا بالخلف الصالح عاجلاَ وليس أجلاَ انشاء رب العالمين................

حبيبتي بيري
اشكرك لردك ..و ان شاء الله ربنا يرزقك و يرزق كل المحرومين أنا حملت بعد جوازي برضة ب 3 شهور و اثناء المتابعة الشهرية الدكتور قال لي لازم اجهاض لان كيس الحمل موجود و البيبي لا!!!
دكاترة كتيير وافقوه ...لكن الدكتور قال لي ده عادي و انتي مفكيش اي حاجة ..و عملت العملية من شهر و نصف لكن سمعت اراء كتيير في ناس قالوا أن العلاقة الحميمية هي السبب و ناس قالوا الكومبيوتر و الموبايل السبب و ناس قالوا الحالة النفسية و ناس قالوا ارتفاع درجة حرارة الجسم هي السبب لاني اول حملي اصيبت بدور انفلونزا لكن اخدت برامول و ناس قالوا اي ادوية حتى المامونة تؤدي لذلك ...و أنا محتارة اسمع كلام مين عشان مكررش الغلطة دي تاني اذا حدث حمل؟؟؟؟؟؟؟؟؟
مع ان كل حاجة قالوا عليها غلط صعب انك تبعدي عنها!!!!!!!!

علشان يكون عندك بيبى ممكن تمتنعى عن اى حاجة
بس انا احب اقولك ان القلق بيكون لما الاجهاض يتكرر اكثر من مرتين ولو حصل نبحث عن الاسباب اما فى حالتنا ما علينا غير المتابعة من اول الحمل انشاء الله وعلى العموم انتى ممكن تستغنى عن الادوية والمسكنات مؤقتاَ علشان لو فى بيبى لا يتأثر
اما عن حالتى فانا ذهبت الى دكتورتى بعد الاجهاض واعطيتنى فيتامينات والفوليك اسيد وقالت الفيتامينات لا تكرريها ام الفوليك اسيد استمرى عليه كل يوم حباية فى نفس الميعاد صباحا او مساءَ
وكمان امس ذهبت لها وكان اول يوم للدورة وكتبت لى على كلوميد لانها شافت ان متعجلة الحمل وطلبت منى اتوكل على الله ولا افكر فى الحمل واشغل نفسى باى شئ واترك امرى بيد الله
عوضك الله بخيرا منه آمييييييييييييييييييييييييييييييييييييييييين

انا عاوزة اقولكم ان الاجهاض يظل ارحم من ان ميبقاش فى خالص يعنى انا مثلا نفسى احمل انشالله البيبى ينزل بعد كدة بس احس انى زى الستات واحس باعراض الحمل يعنى الاعور احسن من الاعمى زى ما بيقولو بس ده مش معناه انى مش مقدرة حالتكم بالعكس انا حاسسه جدا بيكو وخصوصا انى شفت حالة اجهاض فى واحدة جارتى حملت بعد سنة انتظار وفى الشهر الخامس قالولها المية قليلة حوالين البيبى وبعدين عملت سونار ثلاثى لابعاد وقالولها البيبى مشوه وعنده كيس فى رقبته بيكبر مع الحمل وهيخنقه فى الاخر وكدة كدة هيموت ولازم تعمل اجهاض شوفو انتو بقى كان احساسها ايه وفعلا عملت العملية بعد ما كل الدكاترة اتفقو على كدة واخدت طلق صناعى لانها كانت فى اخر الخامس وكانها ولادة بالظبط انا قصدى من الحكايتين سواء حكايتى او حكاية جارتى ان ربنا بيلطف وقضا اخف من قضا واللى يشوف مشكلة غيره تهون عليه مشاكله ربنا يرزقنا جميعا ويتمم لنا على خير

شوفي اختي
اناكمان سبق واجهضت في حملي الثاني
والحمد لله حملت بعديها وربنا اكرمني بابني اسامة

في ناس عندنا بيقولوا انه غالبية الستات بتفقد حمل (وبيسموه زكاة عن اولادها ههههههههه وكمان بيقولوا انه هو اللي راح يشد على ايد والديه ليدخلهما الى الجنة)

وانا لما اجهضت كان اجهاض تلقائي يعني الجنين سقط لوحده بدون اي سبب لكن لما عملنا تحليل تبين انه السبب خلل بلهرمونات

وكان ممكن انه الجنين يكون من المنغوليين

يعني الحمد لله (عسى ان تكرهوا شيئا وهو خير لكم)

المهم بعد ما دورت بعد الاجهاض عن السبب في مواقع طبية على النت

وجدت انه غالبية الستات اللي بيفقدوا الجنين وخاصة بالشهور الاولى للحمل يكون بسبب خلل في الهرمونات
وذه اكيد بيسبب في تشوه بالجنين ايا كان (يعني باختصار ربنا بيرحمنا )

والاجهاض اللي بيكون بعد 5 شهور بيكون اسبابه متعددة منها ارتفاع درجة الحرارة وغيره وغيره

وكمان في مرة سمعت حالة على التلفاز فقدت لجنين مرتين عند الشهر 2 وبعدها المراة اكتشفت بعد الكشف عليه انه جوف الرحم مقسوم من النص بجدار شحمي واخبروها بانها لازم تعمل عملية عشان تشيل الجدر الحجز ده لانه بيمنع الجنين من النمو

وكمان احب اضيف حالة اخرى
امي بتقول انها كانت في مرات فقدت حملها بسبب انها شمت ريحة اكلة عجبتها عند ناس ثانية وما اكلتهش وحدث ليها اجهاض
لكن احنا مش متاكدين انه هو ذه السبب ولا تصادف الامر مع سبب اخر من الاسبب لمعروفة طبيا
والله اعلم

وعلى كل ربنا يعوض كل حامل فقدت جنينها بحمل ثاني افضل واسلم وكامل يا رب

وهذا بيدل على انه في اسباب عديدة لسقوط لجنين

انا مريت بهذه التجربه في أول زواجي أما السبب إن الدوره ماهي منتظمه بس عادة تتأخر أسبوع وكان هذا الكلام بعد شهر من زواجي وفي يوم ظنيت إنها جات بس ما نزلت تمام وسألت الوالده قالت لي إنه ممكن يكون حمل سويت تحليل بالبيت وطلع بالفعل حمل وكنت قد سويت البدع في شهر العسل ما خليت حصان أو ألعاب أو جلوس في السياره وقت طويل ولبس الكعب و..... وطبعا لما رجعت البيت كان عندي غسيييييييييييييييييييييييييييييييييل يعني إرهاق ميه في الميه ولما دريت عن الحمل ورحت للدكتوره قالت لي ارتاحي ما وضحت معنى ارتاح يعني لا تتحركي نهائيا من على السرير وكانت النتيجه إنه نزل وعمره 5 أسابيع والحمد لله على كل حال لأنه كان عندي جامعه وأظن بذيك الحاله ما كنت حأكمل لا الحمل ولا الدراسه ونصحني برفوسور في أمراض النساء والولاده باإمتناع عن الحمل مده أقلها 3 أشهر حتى يرتاح الرحم وياخذوضعه الطبيعي ولا أتعرض للإجهاض مرة أخرى وبالفعل استعملت الحبوب 5 أشهر وبعد كذا العزل وبعد ما كملت سنه وشهرين من الزواج فرح الله قلبي بالحمل واستقر وهاهي بنت لمى جايبه لي الصداع في راسي الله يصلحها وعمرها سنتين إلا شهر
إن شاء الله كلامي يطمنكم وأي سؤال أنا حاضره

انا كمان حدث لى اجهاض فى الشهر الثالث والدكتور قاللى ان الجنين كان كويس جدا جدا بس انا اتضايقت قوى فى اليوم دة واتنرفست وسقطت بسبب كدة وانا يا جماعة نفسيتى وحشة جدا ادعولى انا محتجالكم عارفين لما تكونوا منتظرين الطفل دة بفارغ الصبر عشان انا جوزى مش معايا هو على طول مسافر فانا محتاجة الطفل دة جدا وبعدين حد يضايقك عشان كدة مخصوص اكيد هتبقوا متضايقيين قوى ادعولى

حبيبتي هدى
ربنا زي ما أداكي اكيد هيديكي تاني و زي ما أنت عايزة بس انتي ادعي و اولي يارب و بس متخليش الموضوع ده يشغل كل تفكيرك سيبي الموضوع ده على ربنا و عيشي حياتك لان الزعل مش هيفيدك و بعدين ياسيتي احنا في نعمة عشان البيبي ده هو اللي هيدخلك الجنة انشاء الله و حاولي في غياب جوزك تشغلي وقتك بحاجة بتحبيها و اهتمي بنفسك عشان لما يرجع يلاقي عروسة جميلة لذيذة مستانياه لانه اكيد برضه من جواه مضايق و ربنا يعوضكوا ان شاء الله و متغبيش علينا
عزيزتي اسبراي
اشكرك لردك انتي فعلا طمنتينا بس كنت عايزة اسالك سوؤال.......الدورة الشهرية بعد العملية جت منتظمة ولا اتلخبطت الشهور اللي بعدها؟ ياريت اللي يعرف يفيدني
أختي أم منال
شكرا على ردك و المعلومات اللي اكيد فادتنا و جاوبت شوية على الاسئلة و ربنا يهبنا كلنا بالذرية الصالحة ان شاء الله
حبيتي ملك المالكي
ربنا يزقك بالذرية الصالحة يارب

وانا مريت بعد بهذي الحاله لاني اجهضت وكان عمر الجنين ثلاث شهور وسبب الاجهاض انو سافرت وتعبت مره والمشكله اني ماكنت ادري اني حامل الا فجاه حسيت بتعب ورحت للدكتوره وقالتلي انو كان في حمل واجهضتي من التعب والحمد الله على كل شئ بعدين اخذت سنه بعد الاجهاض والحين الحمدالله حملت وجبت ثامر الله يخليه لي هو واخته ورنا يتمم ويرزق كل وحده من اوسع ابوابه