السلام عليكم ورحمة الله وبركاته
أحكلكم حكايتى بسرعة
أنا حملت بعد زواجى بشهرين والحمد لله تم الحمل والولادة على خير .. ولكن طفلى توفاه الله بعد 35 يوم والحمد لله
وبعد كدة أنا أخدت حبوب منع الحمل لمدة شهرين لأنى كنت مرهقة جسديا ونفسيا جدااا ومكونتش مستعدة لحمل على طول بعد الحكاية دى وكمان لأنى عملت عملية البواسير .. المهم أخدت الحبوب شهرين بس كانت حبوب جينيرا

ومن ست شهور و أنا وزوجى بنحاول حدوث حمل ومحصلش لحد دلوقتى .. والدكتورة بتاعتى قالتلى لو مر ست شهور ومحصلش حمل أروحلها علشان تشوفنى

أنا بصراحة عايزة أسألكم إيه إللى الدكتورة ممكن تعمله معايا
يعنى إللى مر بظروف مشابهة وراح للطبيب عمل معاه إيه .. لأنى بصراحة دكتورتى بيبقالها وجهات نظر خاصة كدة ساعات تكون عكس الناس
وكمان عايزة أسأل سؤال هلى زوجى كمان بياخد علاج ولا لأ
وهل ممكن تكتبلى منشطات ولا هتطلب منى تحاليل الأول ولا إيه بالضبط

طبعا ممكن تقولولى أستنى الدكتورة أصلا وأشوفها هتقولى إيه !
بس بصراحة أصلى فاقدة الثقة شوية فى وجهات نظرها .. وبصراحة هى أحسن دكتورة فى بلدنا والباقى كله رجالة وأنا طبعا مش هقدر أروح لدكتور راجل فى كشف أمراض نسا
ياريت تدولى فكرة عن إللى ممكن يحصل فى حالة زى حالتى دى بس ياريت من المجربين
وعلى فكرة هرمون الحليب عندى طبيعى

أسفة طولت عليكم

اولا ابدا معكى بان اقول بسم الله الرحمن الرحيم
ثانيا انا يا اختى العزيزة والحمدللةحملت مرتين المرة الاولى جبت جنة وهى دلوقتى عندها3 سنوات بعد ما وضعت ركبت اللولب وبعد سنة تعبت منة ذهبت الى الدكتور وقال لى عندك قرحة فى الرحم فكيت الجهاز وعملت العملية واخذت حبوب منع الحمل لمدة شهر وبعد كدة ركبت الجهاز تانى لمدة سنة ونصف وفكيتة تانى من مدة 6شهور وطول مدة ال6شهور محصلش حمل الا الشهر دة روحت للدكتور وعملت تحليل وقال انى حامل بس دة محصلش الا بعد اولا ارادة الله وثانيا عدة تجارب انا اخذتها من منتديات مواقع نسائيةوعلشا ن افيدك وافيدكل العضوات هكتبها فى موضوع واعرضها فى المنتدى بعنوان الى ل منتريد الحمل تدخل فورا وبدون تردد هاممممممممممممممممممممم جدا

الله يرزقج حبيبتي
و انشاء الله تكون اختي جنة فادتك

و انا اعتقد ان الدكتورة بتفحص الهرمونات و ما اعتقد لزوجج علاج

و الله اعلم و يسهل عليج امورج يارب

توكلي على الله وروحي للدكتورة
وستعمل لك بعض التحاليل والفحوصات وبعدها تقرر إذا زوجك يلزمه علاج أو لا

توكلي على الله ...
بس أنا بقول إفهمي كويس منها ولا تلخبطي كثير أدويه
وكمان لا تروحي على أكثر من دكتورة
لما تروحي تعالي هنا وقولي لنا شو قالت لكي وشو الأدوية اللي اعطكي إياها

انا بقالي تمان شهور من يوم ما فكيت اللولب و لسه ما حصل حمل و لسه حتى ما كشفت
اعتقد ان الدكتورة هتدييكي منشط
انا اشوف ان الدكاترة الرجاله اشطر من الستات بس هي المشكلة احراج
ربنا يرزقنا و اياك الذريه الصالحه

جزاكم الله كل خير على الردود

أنا روحت للدكتورة إمبارح بس بصراحة غيرت الدكتورة سافرت لدكتورة أخرى خارج مدينتنا لأنى لقيت إنه مينفعش أستمر مع حد أنا مش واثقة فيه

المهم الدكتورة قالتلى إنه 6 شهور تأخير مش مشكلة ... والحمل ميتقالش عليه إتأخر قبل مرور سنة من محاولات حدوث الحمل وعملتلى سونار من باب الإحتياط والحمد لله مفيش حاجة .. وسألتنا بعض الأسئلة أنا وزوجى
وأعطتنا أنا وزوجى أدوية إحتياطى لمعالجة الإلتهابات علشان لو كان فى بعض الإلتهابات
وقالتلنا ننسى الحكاية دى على الأقل أربع أو خمس شهور ونحاول نكون طبيعين والعلاقة الزوجية تكون بشكل منتظم على مدار الشهر وحددت لنا الأسبوع إللى محتمل حدوث التبويض فيه وقالتلنا إن مرتين جماع فى هذا الأسبوع يكفى لحدوث الحمل بإذن الله
لو عايزين أى إستفسار آخر أنا تحت أمركم
أدعولى بالذرية الصالحة

ما طلبتش منك تحليل ولا حاجه
ربنا يرزقنا واياك الذريه الصالحه