بعد مابحثت عن افضل مستشفى خاص اصابتني حيرة وانا قريبة من الوضع ان شاء الله كلما سالت عن مستشفى

سمعت عنه كلاما لا يرضي ارجو من الاخوات المجربات حديثا المساعدةاريد مستشفى يعتني بي وبمولودي عناية

ممتازة واسعاره تكون معقولة واثاثه يكون ممتازوسادعو لكل من تساعدني وجزاكم الله خيرا .

استخيري أخية ،، و إن شاء الله بنات الرياض يعطوك الشورى ..

الله يقومك بالسلامة

ياختي الله يقومك بالسلامه

وبصراحه قليل مااتفقت انا واحد على المستشفيات

بس بقولك عن وجهه نظري

التـــــــــــــــــــــأمينات ( انا ولدت فيه حلو والممرضات ماشاء الله متعاونات بشكل بس ودك يهتمون فيه اكثر
المشاري ( سمعت وحده تمدحه تقول من ولدي الثاني الى الللي ببطني بولد عندهم <<<< الله اعلم

دله ( لي تجربه سيئه معهم واكرهه بس عقب ماشفت المبني اللي يبنى يمكن تتغير نظرتي يعني يمكن يحطون اداره جديده للمبنى الثاني

المواساه بصراحه ماسمعت الا وحده تمدحهم ولا كل الناس يقولون استغلالي يسمونه المأساه

الحبيب ( التكاااااليف عاليه
الحمادي اتوقع انتي وحظك
اذا صارت ولادتك سهله مشى كل شي زين واذا لاسمح الله تعسرت يعني بتتعبين قياسا على ماشفت من اللي ولدو فيه

الله يسهل عليك
استخيري وشوفي وين الخيره فيه

عا د ادعيلي <<<<<< تعبت وانا اكتب

كلام اختي هذا انا صحيح الحبيب اسعاره عالية لكنهم ممتازين احيانا الواحد ميشوف الاسعار اهم شيء الصحة

انا مو من الرياض واختي في الرياض ولدت مرتين في التأمينات اللي هو رعاية الرياض حاليا
الصراحه مررررره تمدحهم ودكتورته رغده في كل ولاداته
والمملكه وحده اعرفها ولدت عندهم تمدحهم مررررره
اتمنى اكون افدتك والله يسهل لك ولاتنسينا من دعائك..

الله يجزاكم خير ويسعدكم في الدنيا والآخرة ويصلح لكم الذرية آمين يا اخواتي
سلامات
ميمو
هذا انا
ام الاولاد
زوجة زوجي
واشكركم على التفاعل معي انا سبق اني ولدت في التامينات لكن ما ادري بعد ماتغير اسمه الاحظ انه تغير للاسوء
بعد مازرت قريبة لي يعني تغير علي من ناحية النظافة اما المعاملة ما ادري تغيرت والا لا .
وش رايكم في مركز التشخيص الطبي هل فيه احد جربه ؟؟؟؟؟؟؟؟؟؟؟؟

اما اختي هذا انا ممكن تذكرين وش حصل لك؟؟

فيه تعديل على اسم المستشفى اقصد المركز التخصصي الطبي هل تعرفون شيء عن طبيبات الولادة وعن عنايتهم ؟

هلا سوسنه مركز الحبيب الطبي اسعاره في التوليد زي غيره مافي فرق كثير بس الدكتورات الي فيه للنساء والولاده مارتحت لهم عندك الحمادي غرفهم مره حلوه والعنايه الي للاطفال ممتازه والدكتورات الي اعرفهم دكتورة هنديه و دكتوره ريم الحمادي ودكتوره دعد السوريه هذولا كلهم مجربات وممتازات وكمان مستشفى المشاري كويسين عندهم دكتوره مره شاطره وعسل اسمها دكتوره سهيله انصحك فيها وسلامتك

مركز الحبيب الطبي .. ما عندهم قسم توليد ,, الدكتورة اللي تراجعين عندها تقدرين تتفقين معها بأي مستشفى تجيك وتولدك .. عندك دكتورة زاهده ودكتورة رنا الموقع .. من أفضل الدكتورات ..

مستشفى الحمادي .. غرفه عاديه بس إذا بتاخذين غرف الجناح الملكي فهي روعة كبيرة ومجهزة بكل شئ .. الدكتورة دعد من أفضل الدكتورات هناك .. هو المستشفى لما تدخلين له (البهو) يذكرك بمستشفى الشميسي من الزحمة والناس .. بس خدمتهم كويسه ..

مستشفى التخصصي الطبي .. مستشفى تجاري 100&#37; .. يعطيك إيحاء المستشفى إنك داخله اوتيل .. بس الكادر الطبي لك عليه .. لا والممرضات رايحين فيها .. ما أنصح فيه ..

مستشفى دله .. تجربتي معاهم كانت فاشلة لأبعد حد .. زحمة في الغرف .. زحمة في الحضانة .. تضغطين الزر على الممرضة وتجيك بعد ربع ساعة وتكونين وقتها ناسية وشو تبين منهم .. وإذا ما بغيتيهم يدخلون عليك كل دقيقه .. الساعه 2 بالليل بعز النوم تدخل عليك المنظفة تشيل كيس الزبالة وإنتي بكرامة (بالله هذا وقته!!) ..

مستشفى المملكة .. ما قد دخلته .. بس ثنتين من معارفي ولدوا فيه .. يمدحون العناية فيه ..

مستشفى التامينات والمواساة .. ما أعرفهم ..

مستشفى المشاري .. مستشفى راقي وما عليه زحمة زي باقي المستشفيات ..