مرحبا صبايا
أنا حامل وعلى وشك ولادة وأبي أجهز للبيبي ولي بعد الولادة...
وأنا مخيره بين جده والكويت
وش تشوفون ايهم انسب
ويا ليت تذكر ولي أهم المحلات للتجهيز

مرحبا حبيبتي ..

ألله يسهل عليكي يا رب وتولدي بالسلامه .. انا من الكويت وأعرف مكان حلو للتجهيز هو لاند مارك ( السنتربوينت حالياً ) بصرااحه انا ناويه أجهز منه بإذن الواحد أحد .
وبالنسبه لجده ما أدري عنها بس سمعت ان محلات تجهيز البيبي بالسعوديه رااااائعه وانتي وراحتك .

تحيــــــــــــــــــاتي

حبيبتي لا تحتارين
أحسن شي أتروحين الى السعوديه
كلشي متوافر وبروحا وحده ويكون زوجش ذو بال طويل راح تخلصين أعراض كامل
أني من البحرين وجربت هذا الشي
معضم أشيائي من الدمام والخبر

الكويت .. ثم الكويت .. ثم الكويت ..

اذا بتجهزين لك .. ملابسهم تاخذ العقل .. وبعدين الحلو فيها إنها واسعه (بعد الولادة أكيد بيخرب الجسم شوي) .. عندهم مجمع السالمية .. هذا يبغالك فيه يوم كامل .. هذولي كلهم ملابس صناعة كويتية ..

بعد المهلب مول .. ليلى جاليري .. مارينا مول .. هذولي كلهم ماركات ..

إذا تبين بعد مجمعات أنا حاضرة ..

الأطفال الصراحة ما قد ركزت بأشيائهم لآن ما صارلي متزوجة الا سنة ونص .. بس شفت غرفة البيبي حقت ولد بنت خالي (لما زرتها بالكويت) تاخذ العقل .. السرير حق البيبي موديله عجييييييييييب .. شكلي أصلا بدق عليها لما أدخل السابع عشان أقولها تشتريلي زيه .. وحتى ديكور الغرفة كان يجنن ..

قوة اختى تفاحة انشااللة تولدين بالسلامة بالنسبة للبس انصحج بديرتى الكويت وفى لاند مارك وسوق شرق والمجمعات بتلاقين لج وللبيبى وعلى فكرة فى بعد شغل يدوى مثل للبيبى سرير ومعاه اطقم حتى لج مثل الديباج والمخدة واكسسواراتها مثل سرير البيبى يعنى طقم انتى والبيبى خصوصا اذا بيزورونج الضيوف يكون شكلة مرتب وانصحج اذا للنفاس تلبسين بجايم كشخة من الماركات المعروفة وشبشب وطاقية وتكون مرتبة ومستورة واريح لج اذا بترضعين انا شريت بجايم وعلى وشك ولادة مثلج طبعا لاتنسين روب بكل بجامة طقمى روب معاها نفس الشكل او اللون ويكون قطن لبسج اريح ومرتب واللة يرزقج الذرية الصالحة وتولدين بالسلامة ياقمر

مشكورييييييييين على مروركم واقتراحاتكم حبيباتي
بس والله حيرتوني بس الغالبيه اقنعوي بالكويت
يالله من يصووووووت اكثر

ياليت تفيدوني اكثر
واقصد بالتجهيزات ملابس الاستقبال لي وللبيبي واغراض البيبي للايام الاولى فترة النفاس
واغراض اللي ابشيلهم معي للمستشفى

اهلا ياتفاحة ويارب ترزقين بنونو قمر ان شاء الله وييسر لك ولادته
انا من جدة ( متعصبة هههههه) واقولك مافي مثل جدة لانها ماشاء الله مريحه باسواقها من الرخيص للغالي بمختلف الماركات
شوفي ياعمري عندك محل اسمه المهد بالطابق الارضي لمركز الحفني بشارع التحلية هذا عنده كل تجهيزات ملابس النفاس والبيبي على شكل طقوم رائعه جدا وراح تعجبك ان شاء الله يعني مفرش واغراض بيبي بنفس لون وتصميم ملابس استقبال الام
وحاولي بعد تنوعين روحي مثلا لمحل mothercare في مركز حراء وشارع التحليةو citymax بالتحلية بعد ومركز الهرم الكبير بشارع الامير سلطان و مركز النجار تراه روعه في ملابس البيبي بالذات
وبالنسبة لاغراض المستشفى لك انتي لاتنسي :
فوط صحية متينة - منشفة - اغراض الحمام (ليفة -صابون-شامبو-كريم لوشن-فرشاة شعر) - ملابس فضفاضة بعدالولادة ومريحة - ملابس داخلية - ورقة الادعية - مصحف
اغراض البيبي :
حفائظ - باربتوز داخلي كم قطعة - 2 بجاما - بدلتين مثلا ووحده خاصة للخروج - شال - بطانية - كوفلة - مناديل بيبي -قبعة للراس اذا كان برد

ويارب تقومي بالسلامة

ان شاء الله بتولدين بالسلامة اخت تفاحة 22

ام حمدي ممكن تفيدينا في اسماء المحلات اللي جهزتي منها في الدمام والخبر انا في شهري السابع والاسبوع الجاي رايحة الرياض وبمر الخبر والدمام .