السلام عليكم ورحمة الله وبركاته
اخواتي الغاليات..

يما انه قرب موعد الولادة << توها في ال8 وتقول قرب ماعليكم بس ابي ارفع من روحي المنوعيه ..

المهم الكثير من الاسئلة تجي وتروح على البال .. السؤال اللي مايروح عن بالي واللي كل مرة اشوف جوابه غير .. هو :

ماهو أكثر شي يؤلم في الولادة ؟؟

يعني الطلق وتزايده هو اللي يعوووور " يؤلم " .. او الولادة نفسها << يعني خروج البيبي ...
وشنهي المنطقة اللي تؤلم في الجسم ... البطن ام المهبل ام وين بالضبط ؟

ياربت اللي عندها خيره تفيدنا ولاتنسون تشاركونا خبراتكم

وبارك الله فيكم

اختي العزيزة هذه اول مره تحملي فيها ؟ لان لو اول ولاده بتختلف عن الولادات الثانية يعني بطول شويه في المده ..
المهم اكثر شي مؤلم في الولادة طبعا هو الم الطلق لكن بيكون شديد في الاخر يعني قرب ما خلاص يبغى ينزل راس المولود وانتي ماتحسين بالم عند نزول الجنين هو بس الم الطلق متعب شويه .. مع تمنياتي لك بولاده حلوه وسهله انشاء الله .. وربنا يقومك بالسلامه ...

يارب احلى ولادة
انا مثلك اول نونو بس انا سبقتك في التاسع ههههههههاي اللي اسمعه دائم انه 1 ولادة هينة باذن الله لانك على عماك ولا يؤلم الا الظهر في الطلق وتغلبي عليها باتخاذ اوضاع الوقوف والاتكاء الصحية المختلفة لتخففي الالام وممكن تسوي حمام ماء دافي مرة ممتاز

اذا ولدتي قولي لنا

تحياتي

السلام عليكم
الصراحة يا جماعة
يمكن اليوم يوم ولادتي
هكذا اخبرتني الطبيبة
وطبعا كل شي بيد رب العالمين
وانا الان محضرة نفسي للولادة بس الحقيقة الموضوع مو سهل طبعا اشعر بقليل من التوتر والخوف
ادعولي الله يسهل لي ويهون علي الامر
وجزاكم الله كل الخير يارب
وعلى فكرة هذا مولودي الثاني بإذن الله

والله انا بعد هذي اول ولاده وياليت اللي جربوها قبل يقولوا لنا,,

طيب متى ينتهي الم الولاده ,,؟

معـ التحيهـ,,

أختي ام بيبو ..
اي والله هاذي أول ولادة لي واشكثر قريت وصارت عندي خلفية لابأس بها عن موضوع الولادة .. بس أحس الواقع غييير .. واذا على ألم الظهر ان شاء الله نقدر نستحمله بس انا اخاف من اشياء ثانية .. الله يعيين ...
وتسلمين لي ع الرد ..

أختي um feras
الله يهو علينا وعليج ياربي .. ومثل ماقلت الم الظهر ان شاء الله مقدور عليه وانا قريت عن الوضعيات اللي تريح وقت الطلق وطريقة التنفس .. وان شاء الله الله ييسر لج ولادتج ياربي واكيد ان شاء الله بقول لكم اذا ولدت .. وانتي بعد بشرينا عنج اول ماتربين

أختي alyaman

الله يهون عليج ياربي ويسهل ولادتج ولاتنسين تدعين لنا وتطمنينا عليج

الغالية أمواج البحر ..

اي والله انا معاج في هالسؤال .. بس اللي اسمعه من خواتي ومن ربعي اللي ولدوا انه من تربين تنسين الالم وخلاص ولاكأنه كان فيج شي .. تقول لي اختي انا يوم ولدت قلت ليكون انا كنت كذابه وماكان يؤلمني شي بس كنت اتدلع .. طبعاً قصدهم الم الطلق وجي .. عاد عقب الخياطة وهالسوالف الله يعلم اشكثر تستمر ..


وياريت اللي عندها خبرة تفيدنا وتشاركنا

الله يعينك يا أختي
نفس شعوري الأن هذا أول حمل لي
وكل ناس تقول لي شي وأني ضايعا في الوسط
بس أعتقد أن الولاده من أول ما أحمل لين يطاع من بطني وهو يألم
ولين يكبر بعد

الله يعين الجميع على الولادة وانا معاكم لاني في التاسع بس أول ولاده هي اسهل ولادة وراح تذكرون كلامي صح انك تطولين ماولدتي اي فترت الطلق تطول لكن عن تجربتي اسهههههههههههل من الثاني والالم يكون في الظهر وفي اسفل البطن يزيد قوته كل ما قرب وقت نزول البيبي لكن لحظة خروجه ان شاءالله سريعه لكن الطلق مووووووت والله ما ودي اخوفكم بس انا خايفه بعد من الولاده هذا مولودي الثالث والله يسهل وايضا للمعلومة وعن تجربة كثير من الامهات ان طلق البنت بارد ويطول لين تولد لكن الالم اقل اما الولد طلقة حامي وحار جدا لكن مدة الولادة اقل وهذا فعلا الي حصل معي والله يقومنا سالمين ويعديها على خير

عن تجربتي أقول لكم واللي اتذكره لأن بصراحه من ثمان سنين..
كان الطلق يروح ويجي ..ولا كنت أعرف وين مكان الألم...
بس الله هونها والحمدلله.. بالقرآن والدعاء والترجي للرحمن..بدون صراخ ..
وشوية صبر وبعد مايطلع الراس ارتحت ..وحست برغبه بالنوم..
فأقول لجميع الأخوات الاتي هن على وشك الولاده.. التوكل على الله بالاستعانه بالدعاء والقرآن... والله يهون عليكم ..وادعوا لي..ولجميع الأخوات المحرومات..

يختلف من وحده لتانية بسأهم شي لا تقعدي تشغلي نفسك بالخوف من الآن ادعي ربنا يسهلها عليكي
وعلى قولتهم الساعة المنسية
صحيح في أمل بس بإذن الله يكون محتمل وتدربي من الآن على تمارين التنفس كل اللي جربوها يمدحوهاااا

والله يسهل ولادتك يارب